Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 18:1-50

Eka mufambisi. Ya nandza wa Yehovha, ya Davhida, la vuleke marito ya risimu leri eka Yehovha hi siku leri Yehovha a n’wi kutsuleke ha rona exandleni xa valala vakwe hinkwavo ni le vokweni ra Sawulo.+ Kutani a ku: 18  Ndzi ta va ni xinakulobye na wena, Wena Yeho vha ntamu+ wa mina.   Yehovha i ribye ra mina ni khokholo ra mina ni Muponisi wa mina.+ Xikwembu xanga i ribye ra mina. Ndzi ta tumbela eka xona,+ I xitlhangu xa mina ni rimhondzo ra mina ra ku ponisa, xisirhelelo xa mina lexi tlakukeke.+   Ndzi ta vitana+ La faneleke a dzunisiwa, ku nga Yehovha, Ndzi ta ponisiwa+ eka valala va mina.   Mapindza ya rifu ma ndzi rhendzerile;+ Mikhukhulo ya vanhu lava nga pfuniki nchumu na yona yi tshamela ku ndzi chavisa.+   Mapindza ya Sheol ma ndzi rhendzerile;+ Mintlhamu ya rifu yi ndzi langutile.+   Ndzi tshamela ku vitana Yehovha emaxangwini ya mina, Ndzi hambeta ndzi kombela mpfuno eka Xikwembu xanga.+ U twa rito ra mina a ri etempeleni yakwe,+ Ku kombela ka mina ku pfuniwa emahlweni kakwe sweswi ku fike etindleveni ta yena.+   Misava yi sungula ku tsekatseka ni ku ninginika,+ Ni masungulo ya tintshava ma ninginika,+ Ma tsekatseka hikwalaho ka leswi a a hlundzukisiwile.+   Musi wu huma etinhompfini ta yena, ni ndzilo wu huma enon’wini wakwe wu hambeta wu lovisa;+ Makala ma vuvumela ma huma eka yena.   Kutani a ova matilo a rhelela.+ Ku dzwihala lokukulu a ku ri ehansi ka milenge yakwe. 10  A fika a gade kerubu, a haha,+ Kutani a fika hi xihatla a ri etimpapeni ta moya.+ 11  Hiloko a endla munyama wu va vutumbelo+ byakwe, Wu n’wi rhendzerile ku fana ni ntsonga wakwe, Mati ya ntima, mapapa+ ya ntima. 12  A ku ri ni mapapa yakwe lawa a ma hundza eku vangameni loku a ku ri emahlweni ka yena,+ Xihangu ni makala lama pfurhaka ya ndzilo.+ 13  Kutani Yehovha a sungula ku dzindza+ ematilweni, La nge Henhlahenhla a sungula ku humesa rito rakwe,+ Xihangu ni makala lama pfurhaka ya ndzilo. 14  A hambeta a humesa miseve yakwe, leswaku a va hangalasa;+ A copa tindlati, leswaku a va pfilunganya.+ 15  Kutani ku vonaka swinambyana swa mati,+ Ni masungulo ya tiko leri noneke ma fununguleka+ Oho Yehovha, hi ku tshinya ka wena loku humaka eku hefemuleni ka tinhompfu+ ta wena. 16  A a rhumela a ri ehenhla, a ndzi teka,+ A ndzi humesa ematini yo tala.+ 17  A a ndzi kutsula eka nala wa mina la nga ni matimba,+ Ni le ka lava va ndzi vengaka; hikuva a va ri ni matimba ku ndzi tlula.+ 18  A va hambeta va ndzi hlasela hi siku ra khombo ra mina,+ Kambe Yehovha a va xiseketelo xa mina.+ 19  A ndzi humesela endhawini leyikulu;+ A ndzi ponisa, hikuva u ndzi tsakerile.+ 20  Yehovha wa ndzi hakela hi ku ya hi ku lulama+ ka mina; Wa ndzi tlherisela hi ku ya hi ku basa ka mavoko ya mina.+ 21  Hikuva ndzi hlayise tindlela ta Yehovha,+ Naswona a ndzi sukanga eka Xikwembu xanga hi ku homboloka.+ 22  Hikuva swiboho swakwe hinkwaswo swa vuavanyisi swi le mahlweni ka mina,+ Ni milawu ya yena a ndzi nge yi susi eka mina.+ 23  Ndzi ta tikombisa ndzi pfumala xihoxo eka yena,+ Ndzi ta tihlayisa ndzi nga ri na xidyoho.+ 24  Yehovha a a ndzi tlherisele hi ku ya hi ku lulama+ ka mina, Hi ku ya hi ku basa ka mavoko ya mina emahlweni ka mahlo+ yakwe. 25  U ta n’wi endla hi vutshembeki loyi a tshembekeke;+ Munhu la tiyeke emirini la pfumalaka xihoxo, u ta n’wi endla hi ku pfumala xihoxo;+ 26  U ta tikombisa u basile eka loyi a tshamaka a basile;+ U ta tikombisa u hombolokile eka loyi a hombolokeke;+ 27  Hikuva u ta ponisa+ vanhu lava xanisekaka; Kambe mahlo lama titlakusaka u ta ma tsongahata.+ 28  Hikuva wena u ta lumeka rivoni ra mina, Wena Yehovha;+ Xikwembu xanga xi ta endla leswaku munyama wa mina wu voninga.+ 29  Hikuva ha wena ndzi nga hlongorisa vuthu ra vaphangi;+ Naswona hi Xikwembu xanga ndzi nga khandziya rirhangu.+ 30  Loko ku ri Xikwembu xa ntiyiso, ndlela+ ya xona yi hetisekile; Rito ra Yehovha ri tengile.+ I xitlhangu xa hinkwavo lava tumbelaka eka xona.+ 31  Hikuva i mani la nga Xikwembu loko ku nga ri Yehovha?+ Naswona i mani la nga ribye loko ku nga ri Xikwembu xa hina?+ 32  Xikwembu xa ntiyiso hi xona lexi ndzi khamaka swinene hi ntamu lowukulu,+ Naswona xi ta endla leswaku ndlela ya mina yi hetiseka,+ 33  Xi endla milenge ya mina yi fana ni ya timhunti,+ Naswona xi ndzi yimisa etindhawini leti nga ehenhla.+ 34  Mavoko ya mina xi ma dyondzisa nyimpi,+ Ni swandla swa mina swi kunga vurha bya koporo.+ 35  U ta ndzi nyika xitlhangu xa wena xa ku ponisa,+ Voko ra wena ra xinene ri ta ndzi seketela,+ Ni ku titsongahata ka wena ku ta ndzi endla lonkulu.+ 36  U ta endla leswaku vunavelo bya milenge ya mina byi va lebyikulu hilaha ku ringaneke,+ Ni mahlakala ya mina a ma nge tsekatseki.+ 37  Ndzi ta hlongorisa valala va mina ndzi va hlula; Naswona a ndzi nge tlheli va nga si herisiwa.+ 38  Ndzi ta va tshovelela lerova va nga swi koti ku yima;+ Va ta wela ehansi ka milenge ya mina.+ 39  U ta ndzi khama hi ntamu lowukulu wa nyimpi; U ta endla leswaku lava va ndzi pfukelaka va wa ehansi ka mina.+ 40  Loko ku ri valala va mina, kunene u ta ndzi nyika xikosi xa nhamu+ ya vona; Loko ku ri lava va ndzi vengaka swinene, ndzi ta va miyeta.+ 41  Va kombela ku pfuniwa, kambe a ku na muponisi,+ Va kombela eka Yehovha, kambe a nga va hlamuli.+ 42  Ndzi ta va sila swinene kukota ntshuri emahlweni ka mheho;+ Ndzi ta va chulula kukota ndzhope wa le switarateni.+ 43  U ta ndzi ponisa eka vanhu+ lava xopaxopaka swihoxo. U ta ndzi veka ndzi va murhangeri wa matiko.+ Vanhu lava ndzi nga va tivangiki—va ta ndzi tirhela.+ 44  Loko va twa ntsena ku vulavuriwa hi mina, va ta ndzi yingisa;+ Vanhu vambe va ta ta va ta titsongahata swinene eka mina.+ 45  Vanhu vambe va ta vuna, Va ta huma emakhokholweni+ ya vona va rhurhumela. 46  Yehovha wa hanya,+ Ribye+ ra mina a ri dzunisiwe, Ni Xikwembu xa ku ponisiwa ka mina a xi tlakusiwe.+ 47  Xikwembu xa ntiyiso hi xona Munyiki wa swiendlo swa ku tirihisela ka mina;+ Naswona xi tsongahata vanhu lava nga ehansi ka mina.+ 48  Xa ndzi ponisa eka valala+ va mina lava hlundzukeke; Wena u ta ndzi tlakusa+ ndzi va ehenhla ka lava va ndzi pfukelaka, U ta ndzi kutsula+ eka munhu wa madzolonga. 49  Hi yona mhaka leyi ndzi nga ta ku dzunisa exikarhi ka matiko, Wena Yehovha,+ Naswona ndzi ta yimbelelela vito ra wena miloti.+ 50  U endlela hosi+ ya yena swiendlo leswikulu swa ku ponisa Naswona u kombisa musa wa rirhandzu eka mutotiwa wa yena,+ Eka Davhida ni mbewu yakwe hilaha ku nga riki na makumu.+

Tinhlamuselo ta le hansi