Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 148:1-14

148  Dzunisani Yah!+ Dzunisani Yehovha la nge matilweni,+ N’wi dzuniseni eku tlakukeni.+   N’wi dzuniseni, n’wina tintsumi takwe hinkwato.+ N’wi dzuniseni, n’wina vuthu rakwe hinkwaro.+   N’wi dzuniseni, n’wina dyambu ni n’weti.+ N’wi dzuniseni, n’wina tinyeleti hinkwato ta ku vonakala.+   N’wi dzuniseni, n’wina matilo ya matilo,+ Na n’wina mati lama nga ehenhla ka matilo.+   A swi dzunise vito ra Yehovha;+ Hikuva yena u lerisile, kutani swi tumbuluxiwa.+   Naswona u swi veka leswaku swi va kona hi masiku, hilaha ku nga riki na makumu.+ U nyikete xileriso, naswona xi nga ka xi nga hundzi.+   Dzunisani Yehovha mi ri emisaveni,+ N’wina swivandzana swa le lwandle na n’wina swidziva swa mati hinkwaswo,+   N’wina ndzilo ni xihangu, gamboko ni musi wo dzwihala,+ Wena mheho ya vukarhi, leswi hetisisaka rito rakwe,+   N’wina tintshava ni switsunga hinkwaswo,+ N’wina mirhi leyi vekaka mihandzu ni mikedari hinkwayo,+ 10  N’wina swiharhi ni swifuwo hinkwaswo,+ N’wina swilo leswi kokovaka ni tinyenyana leti nga ni timpapa,+ 11  N’wina tihosi ta misava+ ni vanhu va tiko hinkwavo, N’wina tihosana+ ni vaavanyisi va misava hinkwavo,+ 12  N’wina majaha+ na n’wina vanhwana,+ N’wina vakulukumba+ na n’wina vafana.+ 13  A va dzunise vito ra Yehovha,+ Hikuva vito rakwe ri ri roxe ri le henhla laha ku nga fikeleriwiki.+ Xindzhuti xakwe xi le henhla ka misava ni tilo.+ 14  U ta tlakusa rimhondzo ra vanhu vakwe,+ Ku dzunisa ka vanhu vakwe hinkwavo lavo tshembeka,+ Ka vana va Israyele, vanhu lava nga ekusuhi na yena.+ Dzunisani Yah!+

Tinhlamuselo ta le hansi