Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 147:1-20

147  Dzunisani Yah,+ Hikuva i swinene ku yimbelelela Xikwembu xa hina miloti;+ Hikuva swa tsakisa—ku dzunisa ka fanela.+   Yehovha u aka Yerusalema;+ Lava hangalakeke va Israyele u va hlengeleta swin’we.+   U horisa+ vanhu lava timbilu ta vona ti vavisekeke,+ Naswona u boha timbanga ta vona leti vavaka.+   U hlaya tinyeleti leswaku i tingani;+ Hinkwato ka tona u ti vitana hi mavito ya tona.+   Hosi ya hina i yikulu naswona yi ni matimba lamakulu;+ Ku twisisa ka yona a ku runguleki.+   Yehovha u lamulela lavo rhula;+ Lavo homboloka u va celela emisaveni.+   Hlamulani Yehovha hi ku nkhensa;+ Yimbelelelani Xikwembu xa hina miloti eka haripa,+   Loyi a funengetaka matilo hi mapapa,+ Loyi a lunghiselelaka mpfula ya misava,+ Loyi a endlaka leswaku tintshava ti mirisa byanyi bya rihlaza.+   Swiharhi u swi nyika swakudya swa swona,+ Mavondlo ya mawukuwuku lama tshamelaka ku rila.+ 10  A nga tsakisiwi hi matimba ya hanci,+ Hambi ku ri ku tsakisiwa hi milenge ya munhu.+ 11  Yehovha u tsakisiwa hi lava va n’wi chavaka,+ Lava va rindzelaka musa wakwe wa rirhandzu.+ 12  Bumabumela Yehovha,+ Wena Yerusalema. Dzunisa Xikwembu xa wena, Wena Siyoni.+ 13  Hikuva u tiyise swigogo swa tinyangwa ta wena; U katekise vana va wena lava nga exikarhi ka wena.+ 14  U veka ku rhula endhawini ya wena;+ U hambeta a ku dyisa koroni leyinene.+ 15  U rhumela rito rakwe emisaveni;+ Rito rakwe ri tsutsuma hi rivilo. 16  U nyika gamboko kukota voya;+ Gwitsi u ri hangalasa kukota nkuma.+ 17  U wisa ayisi yakwe kukota magavadi.+ I mani la nga yimaka emahlweni ka ku titimela kakwe?+ 18  U rhumela rito+ rakwe ri ya swi n’okisa. U hungisa mheho yakwe;+ Mati ma huma. 19  Rito rakwe u ri byela Yakobe,+ Swileriso+ swakwe ni swiboho swakwe swa vuavanyisi u swi byela Israyele.+ 20  A nga swi endlanga hi ndlela yoleyo eka matiko man’wana;+ Loko ku ri swiboho swakwe swa vuavanyisi, a va swi tivanga.+ Dzunisani Yah!+

Tinhlamuselo ta le hansi