Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 146:1-10

146  Dzunisani Yah!+ Dzunisa Yehovha, Wena moya-xiviri wa mina.+   Ndzi ta dzunisa Yehovha loko ndza ha hanya.+ Ndzi ta yimbelelela Xikwembu xanga miloti loko ntsena ndza ha ri kona.+   Mi nga tshembi vanhu va xiyimo xa le henhla,+ Hambi ku ri n’wana wa munhu wa nyama, loyi a tsandzekaka ku ponisa.+   Moya wakwe wa huma,+ a tlhelela entshurini wa yena;+ Hi siku rero miehleketo yakwe ya lova.+   Wa tsaka loyi Xikwembu xa Yakobe xi nga mupfuni wa yena,+ Loyi ntshembo wakwe wu nga eka Yehovha Xikwembu xakwe,+   Muendli wa tilo ni misava,+ Wa lwandle ni hinkwaswo leswi nga eka swona,+ Loyi a hlayisaka ntiyiso hilaha ku nga riki na makumu,+   Loyi a avanyiselaka lava va dyeleriwaka,+ Loyi a va nyikaka xinkwa lava nga ni ndlala.+ Yehovha u ntshunxa lava bohiweke.+   Yehovha u pfula mahlo ya lava va feke mahlo;+ Yehovha u pfuxa lava nkhinsameke;+ Yehovha u rhandza lavo lulama.+   Yehovha u rindza valuveri;+ U lamulela n’wana la nga riki na tatana ni noni,+ Kambe ndlela+ ya lavo homboloka wa yi gombonyokisa.+ 10  Yehovha u ta va hosi hilaha ku nga riki na makumu,+ Xikwembu xa wena, Wena Siyoni, eka xitukulwana xin’wana ku ya eka xitukulwana xin’wana.+ Dzunisani Yah!+

Tinhlamuselo ta le hansi