Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 145:1-21

Ku dzunisa, ya Davhida. א [ʼAʹleph] 145  Ndzi ta ku tlakusa, Wena Xikwembu xanga lexi nga Hosi,+ Ndzi ta dzunisa vito ra wena hilaha ku nga riki na makumu, hi masiku.+ ב [Behth]   Ndzi ta ku dzunisa siku hinkwaro,+ Ndzi ta dzunisa vito ra wena hilaha ku nga riki na makumu, hi masiku.+ ג [Giʹmel]   Yehovha hi lonkulu naswona u fanele a dzunisiwa swinene,+ Naswona vukulu byakwe a byi lavisiseki.+ ד [Daʹleth]   Xitukulwana ni xitukulwana xi ta bumabumela mintirho ya wena,+ Naswona xi ta vulavula hi swiendlo swa wena swa matimba.+ ה [Heʼ]   Ku vangama lokukulu ka xindzhuti xa wena+ Naswona ndzi ta anakanyisisa hi timhaka leti hlamarisaka ta mintirho ya wena.+ ו [Waw]   Va ta vulavula hi ntamu wa swilo swa wena leswi chavisekaka;+ Loko ku ri vukulu bya wena, ndzi ta byi twarisa.+ ז [Zaʹyin]   Va ta vulavula hi vunene bya wena byo tala,+ Naswona va ta huwelela hi ku tsaka+ hikwalaho ka ku lulama ka wena. ח [Chehth]   Yehovha u ni nsovo ni tintswalo,+ Wa hlwela ku hlundzuka naswona u ni musa lowukulu wa rirhandzu.+ ט [Tehth]   Yehovha hi lonene eka hinkwavo,+ Naswona tintswalo takwe ti le henhla ka mintirho yakwe hinkwayo.+ י [Yohdh] 10  Mintirho ya wena hinkwayo yi ta ku dzunisa, Wena Yehovha,+ Naswona lava tshembekeke va wena va ta ku dzunisa.+ כ [Kaph] 11  Va ta vulavula hi ku vangama ka vuhosi bya wena,+ Naswona va ta vulavula hi matimba ya wena,+ ל [Laʹmedh] 12  Leswaku va tivisa vana va vanhu swiendlo swakwe leswikulu+ Ni ku vangama lokukulu ka vuhosi byakwe.+ מ [Mem] 13  Vuhosi bya wena i vuhosi bya minkarhi leyi nga riki na makumu,+ Naswona vulawuri bya wena i bya switukulwana hinkwaswo leswi tlhandlamanaka.+ ס [Saʹmekh] 14  Yehovha u seketela hinkwavo lava waka,+ Naswona u yimisa hinkwavo lava nkhinsamaka.+ ע [ʽAʹyin] 15  Mahlo hinkwawo ma languta eka wena ma ri ni ntshembo,+ Naswona u va nyika swakudya swa vona hi nguva ya kona.+ פ [Peʼ] 16  U pfula voko ra wena+ U enerisa ku navela ka xilo xin’wana ni xin’wana lexi hanyaka.+ צ [Tsa·dhehʹ] 17  Yehovha u lulamile etindleleni takwe hinkwato+ Naswona wa tshembeka emintirhweni yakwe hinkwayo.+ ק [Qohph] 18  Yehovha u le kusuhi ni hinkwavo lava n’wi vitanaka,+ Eka hinkwavo lava n’wi vitanaka hi ntiyiso.+ ר [Rehsh] 19  U ta enerisa ku navela ka lava va n’wi chavaka,+ Naswona u ta ku twa ku rila ka vona va kombela ku pfuniwa, u ta va ponisa.+ ש [Shin] 20  Yehovha wa va rindza hinkwavo lava n’wi rhandzaka,+ Kambe lavo homboloka hinkwavo u ta va lovisa.+ ת [Taw] 21  Nomu wa mina wu ta dzunisa Yehovha;+ Naswona nyama hinkwayo a yi dzunise vito rakwe ro kwetsima hilaha ku nga riki na makumu, hi masiku.+

Tinhlamuselo ta le hansi