Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 144:1-15

Ya Davhida. 144  A a dzunisiwe Yehovha Ribye ra mina,+ Loyi a dyondzisaka mavoko ya mina ku lwa,+ A dyondzisa tintiho ta mina nyimpi;   Musa wa mina wa rirhandzu ni khokholo ra mina,+ Xisirhelelo xa mina lexi tlakukeke ni Muponisi wa mina,+ Xitlhangu+ xa mina ni Loyi ndzi tumbelaka eka yena,+ Loyi a hlulaka vanhu lava nga ehansi ka mina.+   Oho Yehovha, xana munhu wo va yini lerova u nga n’wi lemuka,+ N’wana wa munhu wa nyama+ leswaku u nga n’wi tsundzuka?   Munhu u fana ni moya wunene;+ Masiku yakwe ma fana ni ndzhuti lowu hundzaka.+   Oho Yehovha, voyamisa matilo ya wena leswaku u rhelela;+ Khumba tintshava leswaku ti humesa musi.+   Voninga hi rihati leswaku u va hangalasa;+ Rhumela miseve ya wena leswaku va pfilunganyeka.+   Tshambuluta mavoko ya wena eku tlakukeni;+ Ndzi ntshunxe kutani u ndzi humesa ematini yo tala,+ Evokweni ra vanhu vambe,+   Lava nomu wa vona wu vulavuleke leswi nga riki ntiyiso+ Lava voko ra vona ra xinene ri nga voko ra xinene ra mavunwa.+   Oho Xikwembu, ndzi ta ku yimbelelela risimu lerintshwa.+ Ndzi ta ku yimbelelela miloti eka xichayachayana xa switende swa miluko ya khume,+ 10  Loyi a ponisaka tihosi,+ Loyi a ntshunxaka Davhida nandza wakwe ebangeni ro biha.+ 11  Ndzi ntshunxe u tlhela u ndzi kutsula evokweni ra vanhu vambe,+ Lava nomu wa vona wu vulavuleke leswi nga riki ntiyiso+ Lava voko ra vona ra xinene ri nga voko ra xinene ra mavunwa,+ 12  Loyi a nge: “Vana va hina va majaha va fana ni swimilana leswi kuleke evuntshweni bya swona,+ Vana va hina va vanhwanyana va fana ni tinhla leti kovotliweke hi endlelo ra xigodlo, 13  Vuhlayiselo bya hina byi tele swakudya swa mixaka-xaka,+ Mintlhambi ya hina yi andza hi magidi, yin’we yi va khume ra magidi eswitarateni swa hina, 14  Tihomu ta hina ta mitha, a ti humeli hi khwiri kumbe ku holota,+ Hambi ku ri ku rila emintsendzeleni ya hina.+ 15  Va tsaka vanhu lava swi nga tano eka vona!” Va tsaka vanhu lava Xikwembu xa vona ku nga Yehovha!+

Tinhlamuselo ta le hansi