Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 143:1-12

Miloti ya Davhida. 143  Oho Yehovha, yingisa xikhongelo xa mina;+ Yingisa xikombelo xa mina.+ Ndzi hlamule hi ku tshembeka ka wena ni ku lulama ka wena.+   U nga ngheni ehubyeni ni nandza wa wena;+ Hikuva a nga kona munhu la hanyaka la nga vaka la lulameke emahlweni ka wena.+   Hikuva nala a a lava moya-xiviri wa mina;+ U byi pfotlosele emisaveni+ vutomi bya mina. U ndzi tshamise etindhawini ta munyama ku fana ni lava va feleke makumu.+   Moya+ wa mina wa tsana endzeni ka mina; Mbilu ya mina yi vonaka yi hele matimba endzeni ka mina.+   Ndzi tsundzuke masiku ya khale swinene;+ Ndzi anakanyisise hi ntirho wa wena hinkwawo;+ Ndzi hambete ndzi anakanyisisa hi ntirho wa mavoko+ ya wena hi ku tirhandzela.   Ndzi tshambulutele mavoko ya mina eka wena;+ Eka wena,+ moya-xiviri wa mina wu fana ni tiko leri heleke matimba. Se′lah.   Oho Yehovha,+ hatlisa, ndzi hlamule. Moya wa mina wu fike emakumu.+ U nga ndzi tumbeteli xikandza xa wena,+ Loko swi nga ri tano ndzi ta fana ni lava va rhelelaka emugodini.+   Ndzi twise musa wa wena wa rirhandzu nimixo,+ Hikuva ndzi tshembe wena.+ Ndzi tivise ndlela leyi ndzi faneleke ndzi famba ha yona,+ Hikuva moya-xiviri+ wa mina ndzi wu tlakusele eka wena.   Ndzi kutsule eka valala va mina, Wena Yehovha.+ Ndzi tifunengete ha wena.+ 10  Ndzi dyondzise ku endla ku rhandza ka wena,+ Hikuva wena u Xikwembu xanga.+ Moya wa wena i wunene;+ Onge wu nga ndzi kongomisa etikweni ra vululami.+ 11  Oho Yehovha, onge u nga ndzi londzovota ndzi hanya+ hikwalaho ka vito ra wena.+ Onge u nga humesa moya-xiviri wa mina emaxangwini+ hi ku lulama+ ka wena. 12  Onge u nga miyeta valala+ va mina hi musa wa wena wa rirhandzu; Naswona u fanele u va lovisa hinkwavo lava vengaka moya-xiviri wa mina,+ Hikuva mina ndzi nandza wa wena.+

Tinhlamuselo ta le hansi