Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 141:1-10

Miloti ya Davhida. 141  Oho Yehovha, ndzi ku vitanile.+ Anghwetla u ta eka mina.+ Yingisa rito ra mina loko ndzi ku vitana.+   Onge xikhongelo xa mina xi nga lunghiseleriwa xi va murhi wa risuna+ emahlweni ka wena,+ Ku tlakuka ka swandla swa mina ku fana ni gandzelo ra mavele ra nimadyambu.+   Oho Yehovha, veka murindzi enon’wini wa mina;+ Veka murindzi ehenhla ka nyangwa ya milomu ya mina.+   U nga voyamiseli mbilu ya mina eka swo biha,+ Leswaku ndzi ta endla swiendlo swo biha swinene hi vuhomboloki+ Ni vanhu lava hanyaka hi swo biha,+ Leswaku ndzi nga dyi switshongo swa vona.+   Loko lowo lulama a ndzi ba, ku ta va musa wa rirhandzu;+ Loko a ndzi tshinya, ku ta va mafurha ehenhla ka nhloko,+ Lawa nhloko yi nga ta ka yi nga ma ali.+ Hikuva ka ha ta va ni xikhongelo xa mina hi nkarhi wa makhombo ya vona.+   Vaavanyisi va vona va tlatlalatiwe ehansi, etlhelo ka ribye,+ Kambe va ma twile marito ya mina, leswaku ma sasekile.+   Ku fana niloko munhu a pfula ni ku pandza misava, Marhambu ya hina ma hangalasiwe enon’wini wa Sheol.+   Hambiswiritano, mahlo ya mina ma le ka wena,+ Wena Yehovha, Hosi leyi Lawulaka.+ Ndzi tumbele eka wena.+ U nga wu chululi moya-xiviri wa mina.+   Ndzi hlayise emenweni ya xirimbana lexi va ndzi vekeleke xona+ Ni le mintlhan’wini ya lava va hanyaka hi swo biha.+ 10  Lowo homboloka u ta wela hi ku helela etinkokeni ta vona,+ Kasi loko ku ri mina, ndzi ta hundza.

Tinhlamuselo ta le hansi