Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 140:1-13

Eka mufambisi. Miloti ya Davhida. 140  Oho Yehovha, ndzi ponise eka vanhu vo biha;+ Onge u nga ndzi sirhelela ni le ka vanhu va swiendlo swa madzolonga,+   Lava va kunguhateke swilo swo biha embilwini ya vona,+ Lava va tshamelaka ku hlasela siku hinkwaro onge hi le nyimpini.+   Va lote ririmi ra vona ku fana ni ra nyoka;+ Vuxungu bya mhiri leyi nga ni timhondzo byi le hansi ka milomu ya vona.+ Seʹlah.   Oho Yehovha, ndzi hlayise emavokweni ya lowo homboloka;+ Onge u nga ndzi sirhelela ni le ka vanhu va swiendlo swa madzolonga,+ Lava kunguhateke ku ndzi gila milenge.+   Lava titlakusaka va ndzi fihlele xirimbana;+ Naswona va andlale mapindza ma va rikoka etlhelo ka ndlela.+ Va ndzi vekele mintlhamu.+ Seʹlah.   Ndzi byele Yehovha ndzi ku: “U Xikwembu xanga.+ Oho Yehovha, yingisa rito ra swikombelo swa mina.”+   Oho Yehovha, Hosi leyi Lawulaka,+ ntamu wa ku ponisiwa ka mina,+ U ungamele nhloko ya mina esikwini ra vandla leri hlomeke.+   Oho Yehovha, u nga enerisi ku navela ka lowo homboloka.+ U nga seketeli rhengu rakwe, leswaku va nga tlakusiwi.+ Seʹlah.   Loko ku ri tinhloko ta lava va ndzi rhendzelaka,+ Onge ku karhateka ka milomu ya vona ku nga va funengeta.+ 10  Onge makala lama pfurhaka ma nga chuluriwa ehenhla ka vona.+ A va wiseriwe endzilweni,+ emakheleni ya mati, leswaku va nga humi.+ 11  Jakatsa—ri nga simekiwi ri tiya emisaveni.+ Munhu wa madzolonga—vubihi a byi n’wi hlote, byi n’wi hlasela hi ku phindha-phindha.+ 12  Ndzi swi tiva kahle leswaku Yehovha u ta humesa+ Xirilo xa la xanisekaka, vuavanyisi bya swisiwana.+ 13  Hakunene lavo lulama va ta nkhensa vito ra wena;+ Lavo lulama va ta tshama emahlweni ka xikandza xa wena.+

Tinhlamuselo ta le hansi