Pisalema 139:1-24

Eka mufambisi. Ya Davhida. Miloti. 139  Oho Yehovha, u ndzi lavisisile, naswo na wa ndzi tiva.+   Wena u tiva ku tshama ka mina ni ku yima ka mina.+U ehleketisise hi miehleketo ya mina u ri ekule.+   U pime riendzo ra mina ni ku dzumba ka mina,+U tiva ni tindlela ta mina hinkwato.+   Hikuva a ri kona rito eririmini ra mina,+Kambe waswivo, Wena Yehovha, ana se u swi tiva hinkwaswo.+   U ndzi sivelerile endzhaku ni le mahlweni;Naswona u veke voko ra wena ehenhla ka mina.   Vutivi byo tano bya ndzi hlamarisa swinene.+Byi le henhla swinene lerova a ndzi nge byi fikeleli.+   Xana ndzi nga ya kwihi ndzi balekela moya wa wena,+Naswona ndzi nga ya kwihi ndzi balekela xikandza xa wena?+   Loko ndzo tlhandlukela etilweni, u ta va u ri kona;+Loko ndzo andlala sangu ra mina eSheol, waswivo, u ta va u ri kona.+   Loko ndzo teka timpapa+ ta vurhonga,Leswaku ndzi ta tshama elwandle leri nga ekule ngopfu,+ 10  Ni kwalaho voko ra wena ri ta ndzi kongomisa+Naswona voko ra wena ra xinene ri ta ndzi khoma.+ 11  Naswona loko ndzo vula ndzi ku: “Hakunene munyama wu ta ndzi wela!”+Kutani vusiku byi ta ndzi rhendzela byi ri ku vonakala.+ 12  Hambi ku ri munyama a wu nge vi munyama lowukulu eka wena,+Kambe vusiku byi ta voninga ku fana ni ku vonakala ka nhlikanhi;+Munyama na wona wu nga va ku vonakala ntsena.+ 13  Hikuva wena u humese tinso ta mina;+U tshame u ndzi ungamerile ekhwirini ra manana.+ 14  Ndzi ta ku dzunisa hikuva ndzi endliwe hi ndlela yo hlamarisa, leyi chavisekaka.+Mintirho ya wena ya hlamarisa,+Hilaha moya-xiviri wa mina wu swi lemukaka kahle hakona.+ 15  Marhambu ya mina a ma nga fihlekanga eka wena+Loko ndzi endliwa exihundleni,+Loko ndzi lukiwa eswiphen’wini+ swa le hansi swa misava. 16  Mahlo ya wena ma vone ni xitumbulukwa xa mina,+Naswona swiphemu swa xona hinkwaswo swi tsariwe ebukwini ya wena,Malunghana ni masiku lawa swi vumbiweke+ ha wonaKu nga si va ni xin’we xa swona. 17  Hikwalaho, miehleketo ya wena i ya risima swinene eka mina!+Oho Xikwembu, hinkwaswo ka swona swi tele swinene!+ 18  Loko a ndzo sungula ku swi hlaya, a swi ta tala ku tlula ni swiribyana swa sava.+Ndzi xalamukile, kambe ndza ha ri na wena.+ 19  Loko Wena Xikwembu, wo dlaya lowo homboloka!+Kutani ni vanhu lava nga ni nandzu wa ngati,+ kunene va ta suka eka wena, 20  Lava vulaka swilo malunghana na wena hi ku landza mianakanyo ya vona;+Va teke vito ra wena hi ndlela leyi nga pfuniki nchumu+—swirha swa wena.+ 21  Xana a ndzi va vengi lava ku vengaka swinene, Wena Yehovha,+Naswona, xana a ndzi va nyenyi lava ku pfukelaka?+ 22  Ndzi va venga hi rivengo lerikulu.+Va ve valala va mina va xiviri.+ 23  Ndzi lavisise, Wena Xikwembu, u tiva mbilu ya mina.+Ndzi kambele, u tiva miehleketo ya mina leyi karhataka,+ 24  U vona loko ku ri ni ndlela leyi nga riki yinene eka mina,+U ndzi kongomisa endleleni+ hilaha ku nga riki na makumu.

Tinhlamuselo ta le hansi