Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 119:1-176

א [ʼA′leph] 119  Va tsaka lava pfuma-laka xihoxo endleleni ya vona,+ Lava fambaka enawini wa Yehovha.+   Va tsaka lava hlayisaka switsundzuxo swakwe;+ Va hambeta va n’wi lavisisa hi mbilu hinkwayo.+   Kunene a va hanyanga hi leswi nga lulamangiki.+ Va fambe etindleleni takwe.+   Wena u humese swileriso swa wena hi ndlela ya ku lerisa+ Leswaku swi hlayisiwa hi vukheta.+   Mawaku loko tindlela ta mina a ti lo simekiwa hilaha ku tiyeke+ Leswaku ndzi hlayisa swileriso swa wena!+   Loko swi ri tano a ndzi nge khomiwi hi tingana,+ Loko ndzi languta swileriso swa wena hinkwaswo.+   Ndzi ta ku dzunisa hi ku lulama ka mbilu,+ Loko ndzi dyondza swiboho swa wena swo lulama swa vuavanyisi.+   Ndzi hambeta ndzi hlayisa swileriso swa wena.+ U nga ndzi siyi hi ku helela.+ ב [Behth]   Xana jaha+ ri nga yi tengisisa ku yini ndlela ya rona? Hi ku tshama ri rindzile hi ku landza rito ra wena.+ 10  Ndzi ku lavisisile hi mbilu ya mina hinkwayo.+ U nga ndzi pepetsekisi ndzi siya swileriso swa wena.+ 11  Rito ra wena ndzi ri teke ri ri ra ntikelo embilwini ya mina,+ Leswaku ndzi nga ku dyoheli.+ 12  Wa dzuneka, Wena Yehovha. Ndzi dyondzise swileriso swa wena.+ 13  Hi nomu wa mina ndzi swi vurile+ Swiboho hinkwaswo swa vuavanyisi swa nomu wa wena.+ 14  Ndzi khanile+ hi ndlela ya switsundzuxo swa wena, Ku fana ni le ka swilo hinkwaswo leswi nga swa nkoka.+ 15  Ndzi ta anakanyisisa hi swileriso swa wena,+ Naswona ndzi ta languta tindlela ta wena.+ 16  Ndzi ta rhandza milawu ya wena.+ A ndzi nge ri rivali rito ra wena.+ ג [Gi′mel] 17  Endla hi ndlela leyi faneleke eka nandza wa wena, leswaku ndzi ta hanya+ Nileswaku ndzi ta hlayisa rito ra wena.+ 18  Pfalula mahlo ya mina, leswaku ndzi ta vona+ Swilo leswi hlamarisaka leswi humaka enawini wa wena.+ 19  Mina ndzo va muluveri etikweni.+ U nga ndzi tumbeteli swileriso swa wena.+ 20  Moya-xiviri wa mina wa pfotlosiwa hi ku navela+ Swiboho swa wena swa vuavanyisi nkarhi hinkwawo.+ 21  U va tshinyile lava tikukumuxaka, lava rhukaniweke,+ Lava hambukaka eswilerisweni swa wena.+ 22  Susa ndzhukano ni ku hlekula eka mina,+ Hikuva ndzi hlayise switsundzuxo swa wena.+ 23  Hambi ku ri tihosana ti tshamile; ti kanerile ku lwa na mina.+ Loko ku ri nandza wa wena, u anakanyisisa hi swileriso swa wena.+ 24  Nakambe, switsundzuxo swa wena ndza swi rhandza,+ Tanihi vanhu lava ndzi tsundzuxaka.+ ד [Da′leth] 25  Moya-xiviri wa mina a wu namarhele ntshuri wunene.+ Ndzi londzovote ndzi hanya hi ku ya hi rito ra wena.+ 26  Ndzi vule tindlela ta wena, leswaku u ta ndzi hlamula.+ Ndzi dyondzise swileriso swa wena.+ 27  Ndzi endle ndzi twisisa ndlela ya swileriso swa wena,+ Leswaku ndzi ta anakanyisisa hi mintirho ya wena yo hlamarisa.+ 28  Moya-xiviri wa mina wu ni nkelunkelu hikwalaho ka gome.+ Ndzi pfuxe hi ku ya hi rito ra wena.+ 29  Susa ndlela ya mavunwa eka mina,+ U ndzi komba tintswalo hi nawu wa wena.+ 30  Ndzi hlawule ndlela ya ku tshembeka.+ Swiboho swa wena swa vuavanyisi ndzi swi vone swi fanela.+ 31  Ndzi namarhele switsundzuxo swa wena.+ Oho Yehovha, u nga ndzi khomisi tingana.+ 32  Ndzi ta tsutsuma endleleni ya swileriso swa wena,+ Hikuva u endla leswaku mbilu ya mina yi va ni ndhawu.+ ה [Heʼ] 33  Oho Yehovha, ndzi letele hi ndlela ya swileriso swa wena,+ Leswaku ndzi ta swi hlayisa ku fika emakumu.+ 34  Ndzi endle ndzi twisisa, leswaku ndzi ta hlayisa nawu wa wena+ Leswaku ndzi ta wu hlayisa hi mbilu ya mina hinkwayo.+ 35  Ndzi endle ndzi famba endleleni ya swileriso swa wena,+ Hikuva ndzi yi tsakerile.+ 36  Voyamisela mbilu ya mina eswitsundzuxweni swa wena,+ Hayi empindzulweni.+ 37  Endla leswaku mahlo ya mina ma hundza ma nga swi voni swilo leswi nga pfuniki nchumu;+ Ndzi londzovote ndzi hanya endleleni ya wena.+ 38  Endla leswi u swi vuleke eka nandza wa wena+ Leswi endlaka leswaku u chaviwa.+ 39  Endla leswaku ndzhukano wa mina wu hundza, lowu a ndzi wu chava,+ Hikuva swiboho swa wena swa vuavanyisi i swinene.+ 40  Waswivo! Ndzi navele swileriso swa wena.+ Ndzi londzovote ndzi hanya eku lulameni ka wena.+ ו [Waw] 41  Onge musa wa wena wa rirhandzu wu nga ta eka mina, Wena Yehovha,+ Ku ponisa ka wena hi ku ya hi rito ra wena,+ 42  Leswaku ndzi ta n’wi hlamula hi rito loyi a ndzi rhukanaka,+ Hikuva ndzi tshembele eritweni ra wena.+ 43  U nga ri susi hi ku helela rito ra ntiyiso enon’wini wa mina,+ Hikuva ndzi rindzele xiboho xa wena xa vuavanyisi.+ 44  Ndzi ta hlayisa nawu wa wena nkarhi hinkwawo,+ Hilaha ku nga riki na makumu, hi masiku.+ 45  Ndzi ta famba-famba endhawini leyi pfulekeke,+ Hikuva ndzi lavisise ni swileriso swa wena.+ 46  Ndzi ta tlhela ndzi vulavula hi switsundzuxo swa wena emahlweni ka tihosi,+ A ndzi nge khomiwi hi tingana.+ 47  Ndzi ta tsakela swileriso swa wena+ Leswi ndzi swi rhandzeke.+ 48  Ndzi ta tlakusela swandla swa mina eswilerisweni swa wena leswi ndzi swi rhandzeke,+ Naswona ndzi ta anakanyisisa hi swileriso swa wena.+ ז [Za′yin] 49  Tsundzuka rito leri u ri vuleke eka nandza wa wena,+ Leri u ndzi rindziseke ha rona.+ 50  Lowu i nchavelelo wa mina eku xanisekeni ka mina,+ Hikuva rito ra wena ri ndzi londzovote ndzi hanya.+ 51  Lava tikukumuxaka va ndzi hlekule ngopfu.+ A ndzi hambukanga+ enawini wa wena. 52  Oho Yehovha,+ ndzi swi tsundzukile swiboho swa wena swa vuavanyisi hilaha ku nga riki na makumu, Naswona ndzi tikumela nchavelelo.+ 53  Ndzi karihe ngopfu hikwalaho ka lavo homboloka,+ Lava tshikaka nawu wa wena.+ 54  Swileriso swa wena swi ve miloti eka mina+ Endlwini ya vuluveri bya mina.+ 55  Oho Yehovha,+ ndzi tsundzuke vito ra wena nivusiku, Leswaku ndzi ta hlayisa nawu wa wena.+ 56  Ni leswi swi ve swa mina, Hikuva ndzi hlayise swileriso swa wena.+ ח [Chehth] 57  Yehovha i xiavelo xa mina;+ Ndzi tshembise ku hlayisa marito ya wena.+ 58  Ndzi ku tsakisile hi mbilu ya mina hinkwayo.+ Ndzi kombe tintswalo hi ku ya hi rito ra wena.+ 59  Ndzi ti xiyile tindlela ta mina,+ Leswaku ndzi ta tlherisela milenge ya mina eswitsundzuxweni swa wena.+ 60  Ndzi hatlisile, a ndzi hlwelanga+ Ku hlayisa swileriso swa wena.+ 61  Mapindza ya lavo homboloka ma ndzi rhendzerile.+ Nawu wa wena a ndzi wu rivalanga.+ 62  Ndza pfuka exikarhi ka vusiku leswaku ndzi ku nkhensa+ Hikwalaho ka swiboho swa wena swo lulama swa vuavanyisi.+ 63  Ndzi munghana wa vanhu hinkwavo lava ku chavaka,+ Ni wa lava va hlayisaka swileriso swa wena.+ 64  Oho Yehovha, musa wa wena wa rirhandzu wu tate misava.+ Ndzi dyondzise swileriso swa wena.+ ט [Tehth] 65  Hakunene u tirhisane kahle ni nandza wa wena,+ Oho Yehovha, hi ku ya hi rito ra wena.+ 66  Ndzi dyondzise vunene,+ ku twisisa+ ni vutivi,+ Hikuva ndzi kombise ripfumelo eswilerisweni swa wena.+ 67  Loko ndzi nga si xaniseka a ndzi dyoha hi xihoxo,+ Kambe sweswi ndzi hlayise rito ra wena.+ 68  U lonene naswona u endla leswinene.+ Ndzi dyondzise swileriso swa wena.+ 69  Lava tikukumuxaka va ndzi tote mavunwa.+ Loko ku ri mina, ndzi ta hlayisa swileriso+ swa wena hi mbilu ya mina hinkwayo. 70  Mbilu ya vona yi tlanyarile ku fana ni mafurha.+ Loko ku ri mina, ndzi rhandze nawu wa wena.+ 71  I swinene eka mina leswi ndzi xanisiweke,+ Leswaku ndzi ta dyondza swileriso swa wena.+ 72  Nawu+ wa nomu wa wena i wunene eka mina,+ Ku tlula swiphemu swa magidi swa nsuku ni silivhere.+ י [Yohdh] 73  Mavoko ya wena ma ndzi endlile, ma ndzi simeke ndzi tiya.+ Ndzi endle ndzi twisisa, leswaku ndzi ta dyondza swileriso swa wena.+ 74  Lava va ku chavaka hi lava va ndzi vonaka kutani va tsaka,+ Hikuva ndzi rindze rito ra wena.+ 75  Oho Yehovha, ndzi swi tiva kahle leswaku swiboho swa wena swa vuavanyisi swi lulamile+ Nileswaku u ndzi xanise hi vutshembeki.+ 76  Ndzi kombela leswaku musa wa wena wa rirhandzu wu ndzi chavelela,+ Hi ku ya hi rito ra wena eka nandza wa wena.+ 77  Tintswalo ta wena a ti te eka mina, leswaku ndzi ta hambeta ndzi hanya;+ Hikuva ndzi rhandza nawu wa wena.+ 78  Lava tikukumuxaka a va khomiwe hi tingana, hikuva va ndzi hambukisile ku nga ri na xivangelo.+ Loko ku ri mina, ndzi anakanyisisa hi swileriso swa wena.+ 79  Lava va ku chavaka a va tlhelele eka mina,+ Lava va tivaka ni switsundzuxo swa wena.+ 80  Mbilu ya mina a yi pfumale xihoxo eswilerisweni swa wena,+ Leswaku ndzi nga khomiwi hi tingana.+ כ [Kaph] 81  Moya-xiviri wa mina wu navela ku ponisa ka wena;+ Hikuva ndzi rindzele rito ra wena.+ 82  Mahlo ya mina ma navela rito ra wena,+ Loko ndzi ku: “Xana u ta ndzi chavelela rini?”+ 83  Hikuva ndzi fana ni gula ra dzovo+ emusini. A ndzi swi rivalanga swileriso swa wena.+ 84  Xana masiku ya nandza wa wena i mangani?+ Xana u ta va avanyisa rini lava va ndzi xanisaka?+ 85  Lava va tikukumuxaka va cele mincele leswaku va ndzi phasa,+ Lava va nga fambiki hi nawu wa wena.+ 86  Swileriso swa wena hinkwaswo swa tshembeka.+ Va ndzi xanisile ku nga ri na xivangelo. Oho, ndzi pfune.+ 87  Hi nkarhinyana a va ta va va ndzi lovisile emisaveni;+ Kambe mina a ndzi swi tshikanga swileriso swa wena.+ 88  Ndzi londzovote ndzi hanya hi ku ya hi musa wa wena wa rirhandzu,+ Leswaku ndzi ta hlayisa xitsundzuxo xa nomu wa wena.+ ל [La′medh] 89  Oho Yehovha,+ hilaha ku nga riki na makumu, Rito ra wena ri tshama ematilweni.+ 90  Wena wa tshembeka eka xitukulwana xin’wana ku ya eka xitukulwana xin’wana.+ Misava u yi simeke yi tiya, leswaku yi tshama hi masiku.+ 91  Swi yime ku fikela namuntlha hi ku ya hi swiboho swa wena swa vuavanyisi,+ Hikuva hinkwaswo i malandza ya wena.+ 92  Loko nawu wa wena a ku nga ri nchumu lowu ndzi wu rhandzaka,+ Kutani a ndzi ta va ndzi lovile eku xanisekeni ka mina.+ 93  A ndzi nge swi rivali swileriso+ swa wena hilaha ku nga riki na makumu, U ndzi londzovote ndzi hanya hikwalaho ka swona.+ 94  Ndzi wa wena. Ndzi ponise,+ Hikuva ndzi lavisise swileriso swa wena.+ 95  Hikuva lavo homboloka va ndzi rindzile, leswaku va ndzi lovisa.+ Ndzi tshama ndzi rhiye ndleve ku yingisa switsundzuxo swa wena.+ 96  Ndzi vone makumu ya ku hetiseka hinkwako.+ Xileriso xa wena xi aname ngopfu. מ [Mem] 97  Ndzi wu rhandza swinene nawu wa wena!+ Ndzi anakanya ha wona siku hinkwaro.+ 98  Xileriso xa wena xi ndzi endla ndzi tlhariha ku tlula valala va mina,+ Hikuva i xa mina hilaha ku nga riki na makumu.+ 99  Ndzi kume ku twisisa lokukulu ku tlula vadyondzisi va mina hinkwavo,+ Hikuva ndzi anakanyisisa hi switsundzuxo swa wena.+ 100  Ndzi tikhoma hi ku twisisa lokukulu ku tlula vakulukumba,+ Hikuva ndzi hlayise swileriso swa wena.+ 101  Milenge+ ya mina ndzi yi siverile leswaku yi nga yi endleleni yin’wana ni yin’wana yo biha, Hi xikongomelo xa leswaku ndzi hlayisa rito ra wena.+ 102  A ndzi hambukanga eswibohweni swa wena swa vuavanyisi,+ Hikuva wena u ndzi leterile.+ 103  Marito ya wena a ma nandziha swinene emalakeni ya mina, Ku tlula vulombe enon’wini wa mina!+ 104  Ndzi tikhoma hi ku twisisa hikwalaho ka swileriso swa wena.+ Hi yona mhaka leyi ndzi vengeke ndlela yin’wana ni yin’wana ya vunwa.+ נ [Nun] 105  Rito ra wena i rivoni enengeni wa mina,+ Ni ku vonakala endleleni ya mina.+ 106  Ndzi hlambanyile hi rito, ndzi ta ri hetisisa,+ Leswaku ndzi hlayisa swiboho swa wena swo lulama swa vuavanyisi.+ 107  Ndzi xanisiwe ngopfu swinene.+ Oho Yehovha, ndzi londzovote ndzi hanya hi ku ya hi rito ra wena.+ 108  Ndzi kombela u tsakela magandzelo ya ku tirhandzela ya nomu wa mina, Wena Yehovha,+ Naswona u ndzi dyondzisa swiboho swa wena swa vuavanyisi.+ 109  Moya-xiviri wa mina wu le xandleni xa mina nkarhi hinkwawo;+ Kambe nawu wa wena a ndzi wu rivalanga.+ 110  Lavo homboloka va ndzi vekele xirimbana,+ Kambe a ndzi hambukanga eswilerisweni swa wena.+ 111  Ndzi teke switsundzuxo swa wena swi ri ndzhaka ya mina  hilaha ku nga riki na makumu,+ Hikuva swi endla mbilu ya mina yi khana.+ 112  Ndzi voyamise mbilu ya mina leswaku yi endla swileriso swa wena+ Hilaha ku nga heriki, ku ya emakumu.+ ס [Sa′mekh] 113  Ndzi va vengile lava mbilu leyi nga hetisekangiki,+ Kambe ndzi rhandze nawu wa wena.+ 114  U ndhawu ya mina ya ku tumbela eka yona ni xitlhangu xa mina.+ Hikuva ndzi rindzele rito ra wena.+ 115  Sukani eka mina, n’wina vaendli va leswo biha,+ Leswaku ndzi ta hlayisa swileriso swa Xikwembu xanga.+ 116  Ndzi seketele hi ku ya hi rito ra wena, leswaku ndzi ta hambeta ndzi hanya,+ U nga ndzi khomisi tingana hikwalaho ka ntshembo wa mina.+ 117  Ndzi seketele, leswaku ndzi ta ponisiwa,+ Naswona ndzi ta honolela swileriso swa wena nkarhi hinkwawo.+ 118  U va cukumetele ekule hinkwavo lava hambukaka eswilerisweni swa wena;+ Hikuva vukanganyisi bya vona i mavunwa.+ 119  Hinkwavo lavo homboloka va misava u va herise ku fana ni ripambe.+ Hikokwalaho ndzi rhandze switsundzuxo swa wena.+ 120  Nyama ya mina yi rhurhumerile hikwalaho ka ku ku chava;+ Naswona ndzi ve ni rhumbu hikwalaho ka swiboho swa wena swa vuavanyisi.+ ע [ʽA′yin] 121  Ndzi humese vuavanyisi ni ku lulama.+ Oho, u nga ndzi siyi eka lava va ndzi dyelelaka!+ 122  Vana xitiyisekiso eka nandza wa wena malunghana ni leswinene.+ Onge ndzi nga ka ndzi nga dyeleriwi hi lava va tikukumuxaka.+ 123  Mahlo ya mina ma navela ku ponisa ka wena+ Ni rito ra wena ro lulama.+ 124  Endla eka nandza wa wena hi ku ya hi musa wa wena wa rirhandzu,+ Naswona ndzi dyondzise swileriso swa wena.+ 125  Ndzi nandza wa wena.+ Ndzi endle ndzi twisisa,+ Leswaku ndzi ta tiva switsundzuxo swa wena.+ 126  I nkarhi wa leswaku Yehovha a teka goza.+ Va tlule nawu wa wena.+ 127  Hi yona mhaka leyi ndzi rhandzeke swileriso swa wena+ Ku tlula nsuku, hambi ku ri nsuku lowu tengisiweke.+ 128  Hi yona mhaka leyi ndzi languteke swileriso hinkwaswo malunghana ni swilo hinkwaswo swi ri leswi lulameke;+ Ndzi yi vengile ndlela yin’wana ni yin’wana ya vunwa.+ פ [Peʼ] 129  Switsundzuxo swa wena swa hlamarisa.+ Hi yona mhaka leyi moya-xiviri wa mina wu swi hlayiseke.+ 130  Ku paluxeka ka marito ya wena ku humesa ku vonakala,+ Ku endla lava nga riki na ntokoto leswaku va twisisa.+ 131  Ndzi wu ahlamisile swinene nomu wa mina, leswaku ndzi hefemulela ehenhla,+ Hikuva ndzi navele swileriso swa wena.+ 132  Hundzulukela eka mina u ndzi komba tintswalo,+ Hi ku ya hi xiboho xa wena xa vuavanyisi eka lava va rhandzaka vito ra wena.+ 133  Simeka milenge ya mina yi tiya eritweni ra wena,+ Naswona ku nga vi na nchumu wo biha lowu ndzi lawulaka.+ 134  Ndzi kutsule eka mudyeleri wihi ni wihi wa vanhu,+ Ndzi ta hlayisa swileriso swa wena.+ 135  Voningisa xikandza xa wena ehenhla ka nandza wa wena,+ Ndzi dyondzise swileriso swa wena.+ 136  Swinambyana swa mati swi rhelele ematihlweni ya mina+ Hikwalaho ka leswi va nga wu hlayisangiki nawu wa wena.+ צ [Tsa·dheh′] 137  U lulamile, Wena Yehovha,+ Ni swiboho swa wena swa vuavanyisi swi lulamile.+ 138  U vule switsundzuxo+ swa wena hi ku lulama Ni hi ku tshembeka lokukulu.+ 139  Ku hiseka ka mina ku ndzi herisile,+ Hikuva swirha swa mina swi rivale marito ya mina.+ 140  Rito ra wena ri tengisiwile swinene,+ Naswona nandza wa wena wa ri rhandza.+ 141  Mina a ndzi nyawuli naswona ndzi solekile.+ A ndzi swi rivalanga swileriso swa wena.+ 142  Ku lulama ka wena i ku lulama loku nga riki na makumu,+ Ni nawu wa wena i ntiyiso.+ 143  Maxangu ni ku nonon’hweriwa swi ndzi kumile.+ A ndzi rhandza swileriso swa wena.+ 144  Ku lulama ka switsundzuxo swa wena i ka hilaha ku nga riki na makumu.+ Ndzi endle ndzi twisisa, leswaku ndzi ta hambeta ndzi hanya.+ ק [Qohph] 145  Ndzi vitanile hi mbilu hinkwayo.+ Ndzi hlamule, Wena Yehovha.+ Ndzi ta hlayisa swileriso swa wena.+ 146  Ndzi vitane wena. Oho ndzi ponise!+ Ndzi ta hlayisa switsundzuxo swa wena.+ 147  Ndzi pfuke nimpundzu swinene hi ku vonakala ka nimixo,+ leswaku ndzi kombela ku pfuniwa.+ Hikuva ndzi rindzele marito ya wena.+ 148  Mahlo ya mina a ma ri emahlweni ka ku rindza ka nivusiku,+ Leswaku ndzi anakanyisisa hi rito ra wena.+ 149  Twana rito ra mina hi ku ya hi musa wa wena wa rirhandzu.+ Oho Yehovha, ndzi londzovote ndzi hanya hi ku ya hi xiboho xa wena xa vuavanyisi.+ 150  Lava va hlongorisaka ku tikhoma ko biha+ va tshinele; Va ye ekule swinene ni nawu wa wena.+ 151  U le kusuhi, Wena Yehovha,+ Naswona swileriso swa wena hinkwaswo i ntiyiso.+ 152  Switsundzuxo+ swa wena swin’wana ndzi swi tive khale swinene, Hikuva u swi simeke swi va swa hilaha ku nga riki na makumu.+ ר [Rehsh] 153  Vona ku xaniseka ka mina, u ndzi ponisa;+ Hikuva a ndzi wu rivalanga nawu wa wena.+ 154  Kambisisa nandzu wa mina, u ndzi ponisa;+ Ndzi londzovote ndzi hanya hi ku pfumelelana ni rito ra wena.+ 155  Ku ponisiwa ku le kule swinene ni lavo homboloka,+ Hikuva a va swi lavisisanga swileriso swa wena.+ 156  Tintswalo ta wena ti tele, Wena Yehovha.+ Ndzi londzovote ndzi hanya, hi ku ya hi swiboho swa wena swa vuavanyisi.+ 157  Vaxanisi va mina ni swirha swa mina va tele.+ A ndzi hambukanga eswitsundzuxweni swa wena.+ 158  Ndzi vone lava xengaka eswiendlweni swa vona,+ Ndza va nyenya, hikuva a va ri hlayisanga rito ra wena.+ 159  Vona leswaku ndzi swi rhandzile swileriso swa wena.+ Oho Yehovha, ndzi londzovote ndzi hanya hi ku ya hi musa wa wena wa rirhandzu.+ 160  Mongo wa rito ra wena i ntiyiso,+ Naswona xiboho xa wena xin’wana ni xin’wana xa vuavanyisi i xa hilaha ku nga riki na makumu.+ ש [Sin] kumbe [Shin] 161  Tihosana ti ndzi xanisile ku nga ri na xivangelo,+ Kambe mbilu ya mina a yi chava marito ya wena.+ 162  Ndza khana hi rito ra wena+ Hilaha munhu a endlaka hakona loko a phanga swo tala.+ 163  Ndzi venge mavunwa,+ ndzi hambeta ndzi ma nyenya.+ Ndzi rhandze nawu wa wena.+ 164  Ndzi ku dzunise ka nkombo hi siku+ Hikwalaho ka swiboho swa wena swo lulama swa vuavanyisi.+ 165  Ku rhula lokukulu i ka lava va rhandzaka nawu wa wena,+ A ku na xikhunguvanyiso eka vona.+ 166  Ndzi langutele ku ponisa ka wena, Wena Yehovha,+ Naswona ndzi swi endlile swileriso swa wena.+ 167  Moya-xiviri wa mina wu hlayise switsundzuxo swa wena,+ Naswona ndzi swi rhandza swinene.+ 168  Ndzi hlayise swileriso swa wena ni switsundzuxo swa wena,+ Hikuva tindlela ta mina hinkwato ti le mahlweni ka wena.+ ת [Taw] 169  Onge rito ra mina ra xikombelo ri nga fika emahlweni ka wena, Wena Yehovha.+ Ndzi endle ndzi twisisa,+ hi ku ya hi rito ra wena. 170  Onge xikombelo xa mina xa tintswalo xi nga nghena emahlweni ka wena.+ Ndzi kutsule hi ku ya hi rito ra wena.+ 171  Onge milomu ya mina yi nga vula ku dzunisa,+ Hikuva u ndzi dyondzisa swileriso swa wena.+ 172  Onge ririmi ra mina ri nga yimbelela rito ra wena,+ Hikuva swileriso swa wena hinkwaswo swi lulamile.+ 173  Onge voko ra wena ri nga tirha ku ndzi pfuna,+ Hikuva ndzi hlawule+ swileriso swa wena. 174  Ndzi navele ku ponisa ka wena, Wena Yehovha,+ Naswona nawu wa wena ndza wu rhandza.+ 175  Onge moya-xiviri wa mina wu nga hambeta wu hanya ni ku kudzunisa,+ Onge swiboho swa wena swa vuavanyisi swi nga ndzi pfuna.+ 176  Ndzi tsendzeleke kukota nyimpfu leyi lahlekeke.+ Oho, lava nandza wa wena,+ Hikuva a ndzi swi rivalanga swileriso swa wena.+

Tinhlamuselo ta le hansi