Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

Pisalema 118:1-29

118  Nkhensani Yehovha, hikuva hi lonene;+Hikuva musa wakwe wa rirhandzu i wa hilaha ku nga riki na makumu.+   Israyele a a vule sweswi a ku:“Hikuva musa wakwe wa rirhandzu i wa hilaha ku nga riki na makumu.”+   Va yindlu ya Aroni a va vule sweswi va ku:+“Hikuva musa wakwe wa rirhandzu i wa hilaha ku nga riki na makumu.”+   Lava va chavaka Yehovha a va vule sweswi va ku:+“Hikuva musa wakwe wa rirhandzu i wa hilaha ku nga riki na makumu.”+   Loko ndzi ri eswiyin’weni leswi karhataka ndzi vitane Yah;+Yah u ndzi hlamurile a ndzi veka endhawini leyi pfulekeke.+   Yehovha u le tlhelweni ra mina; a ndzi nge chavi.+Xana munhu wa nyama a nga ndzi endla yini?+   Yehovha u le tlhelweni ra mina swin’we ni lava va ndzi pfunaka,+Leswaku mina ndzi ta languta lava va ndzi vengaka.+   Swa antswa ku tumbela eka Yehovha+Ku ri ni ku tshembela eka munhu wa nyama.+   Swa antswa ku tumbela eka Yehovha+Ku ri ni ku tshembela eka vanhu va xiyimo xa le henhla.+ 10  Matiko hinkwawo ma ndzi rhendzerile.+A ndzi tshamela ku ma bakanya hi vito ra Yehovha.+ 11  A ma ndzi rhendzerile, ina, a ma ndzi rhendzerile.+A ndzi tshamela ku ma bakanya hi vito ra Yehovha. 12  A ma ndzi rhendzerile kukota tinyoxi;+Ma timiwe kukota ndzilo wa le swihlahleni swa mitwa.+A ndzi tshamela ku ma bakanya hi vito ra Yehovha.+ 13  U ndzi susumete hi matimba leswaku ndzi wa,+Kambe Yehovha u ndzi pfunile.+ 14  Yah i xisirhelelo xa mina ni matimba ya mina,+Naswona u va ku ponisiwa ka mina.+ 15  Rito ra ku huwelela ka ku tsaka ni ku ponisiwa+Ri le mintsongeni+ ya lavo lulama.+Voko ra xinene ra Yehovha ri kombisa ntamu lowukulu.+ 16  Voko ra Yehovha ra xinene ra titlakusa;+Voko ra xinene ra Yehovha ri kombisa ntamu lowukulu.+ 17  A ndzi nge fi, kambe ndzi ta hambeta ndzi hanya,+Leswaku ndzi vula mintirho ya Yah.+ 18  Yah u ndzi lulamise hi matimba,+Kambe a nga ndzi nyiketanga eku feni.+ 19  Ndzi pfuleleni tinyangwa ta ku lulama.+Ndzi ta nghena eka tona; ndzi ta dzunisa Yah.+ 20  Leyi i nyangwa ya Yehovha.+Lavo lulama va ta nghena ha yona.+ 21  Ndzi ta ku dzunisa, hikuva u ndzi hlamurile+Naswona u ve ku ponisiwa ka mina.+ 22  Ribye leri vaaki va ri bakanyeke+Ri ve nhloko ya yinhla.+ 23  Leri a ri huma eka Yehovha;+Ra hlamarisa ematihlweni ya hina.+ 24  Leri i siku leri Yehovha a ri endleke;+Hi ta tsaka, hi khana eka rona.+ 25  Oho Yehovha, ndzi kombela leswaku u ndzi ponisa sweswi!+Oho Yehovha, ndzi kombela leswaku u endla ndzi humelela sweswi!+ 26  A a dzunisiwe Loyi a taka hi vito ra Yehovha;+Hi mi katekisile n’wina lava humaka endlwini ya Yehovha.+ 27  Yehovha hi Loyi a nga ni Vukwembu,+Naswona u hi nyika ku vonakala.+Oho n’wina, bohani nongonoko wa nkhuvo+ hi marhavi,+Ku ya fika etimhondzweni ta alitari.+ 28  Hi wena Loyi a nga ni Vukwembu wa mina, naswona ndzi ta ku dzunisa;+Xikwembu xanga—ndzi ta ku tlakusa.+ 29  Nkhensani Yehovha, hikuva hi lonene;+Hikuva musa wakwe wa rirhandzu i wa hilaha ku nga riki na makumu.+

Tinhlamuselo ta le hansi