Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 116:1-19

116  Ndza swi rhandza, hikuva Yehovha wa ri twa+ Rito ra mina ni xikombelo xa mina.+   Hikuva u rhiye ndleve yakwe eka mina,+ Naswona ndzi ta vitana emasikwini ya mina hinkwawo.+   Mapindza ya rifu ma ndzi rhendzerile+ Ni swiyimo leswi karhataka swa Sheol swi ndzi kumile.+ Ndzi hambeta ndzi kuma maxangu ni gome.+   Kambe ndzi hambete ndzi vitana vito ra Yehovha:+ “Oho Yehovha, ponisa moya-xiviri wa mina!”+   Yehovha u ni nsovo ni ku lulama;+ Xikwembu xa hina hi xona lexi kombisaka tintswalo.+   Yehovha u rindza lava nga riki na ntokoto.+ A ndzi endliwe xisiwana, kambe u ndzi ponisile.+   Vuyela endhawini ya wena yo wisela eka yona, Wena moya-xiviri wa mina,+ Hikuva Yehovha u endle hi ndlela leyi faneleke eka wena.+   Hikuva u ponise moya-xiviri wa mina eku feni,+ Tihlo ra mina emihlotini, nenge wa mina eku khunguvanyekeni.+   Ndzi ta famba+ emahlweni ka Yehovha ematikweni ya lava va hanyaka.+ 10  A ndzi ri ni ripfumelo,+ hi yona mhaka leyi ndzi vulavuleke.+ Mina a ndzi xaniseke ngopfu. 11  Mina, loko ndzi tshukile, ndzi te:+ “Munhu un’wana ni un’wana i muhembi.”+ 12  Xana ndzi ta tlherisela yini eka Yehovha+ Hikwalaho ka hinkwaswo leswi pfunaka leswi a ndzi endleleke swona?+ 13  Ndzi ta teka xinwelo xa ku ponisiwa lokukulu,+ Naswona ndzi ta vitana vito ra Yehovha.+ 14  Switshembiso leswi hlambanyiweke ndzi ta swi hetisisa eka Yehovha,+ Ina, emahlweni ka vanhu vakwe hinkwavo. 15  I ka risima ematihlweni ya Yehovha Ku fa ka lavo tshembeka vakwe.+ 16  Oho, Wena Yehovha,+ Hikuva ndzi nandza wa wena.+ Ndzi nandza wa wena, n’wana wa hlonga ra wena ra xisati.+ U ntshunxe switsimbo swa mina.+ 17  Ndzi ta ku endlela xitlhavelo xa ku nkhensa,+ Naswona ndzi ta vitana vito ra Yehovha.+ 18  Switshembiso swa mina leswi hlambanyiweke ndzi ta swi hetisisa eka Yehovha,+ Ina, emahlweni ka vanhu vakwe hinkwavo,+ 19  Eswivaveni swa yindlu ya Yehovha,+ Exikarhi ka wena, Wena Yerusalema.+ Dzunisani Yah!+

Tinhlamuselo ta le hansi