Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 115:1-18

115  Hina a hi na nchumu, Oho Yehovha, hina a hi na nchumu,+ Kambe vangamisa vito ra wena+ Hi ku landza musa wa wena wa rirhandzu, ni hi ku landza ntiyiso wa wena.+   Ha yini matiko ma fanele ma ku:+ “Xi kwihi Xikwembu xa vona sweswi?”+   Kambe Xikwembu xa hina xi le matilweni;+ Xi swi endlile hinkwaswo leswi xi tsakeleke ku swi endla.+   Swifaniso swa vona swa hava i silivhere ni nsuku,+ Ntirho wa mavoko ya munhu wa nyama.+   Swi ni nomu, kambe a swi vulavuli;+ Swi ni mahlo, kambe a swi voni;+   Swi ni tindleve, kambe a swi twi.+ Swi ni nhompfu, kambe a swi nun’hweteli.+   Swi ni mavoko, kambe a swi swi koti ku khoma.+ Swi ni milenge, kambe a swi swi koti ku famba;+ A swi humesi mpfumawulo hi nkolo wa swona.+   Lava va swi endlaka va ta fana na swona,+ Hinkwavo lava va swi tshembaka.+   Oho Israyele, tshemba Yehovha;+ I mupfuni wa vona ni xitlhangu xa vona.+ 10  N’wina yindlu ya Aroni, tshembani Yehovha;+ I mupfuni wa vona ni xitlhangu xa vona.+ 11  N’wina lava chavaka Yehovha, tshembani Yehovha;+ I mupfuni wa vona ni xitlhangu xa vona.+ 12  Yehovha u hi tsundzukile; u ta hi katekisa,+ U ta katekisa yindlu ya Israyele,+ U ta katekisa yindlu ya Aroni.+ 13  U ta katekisa lava va chavaka Yehovha,+ Lavatsongo ni lavakulu.+ 14  Yehovha u ta mi engetela,+ N’wina ni vana va n’wina.+ 15  Hi n’wina lava katekisiweke hi Yehovha,+ Muendli wa tilo ni misava.+ 16  Loko ku ri matilo, i matilo ya Yehovha,+ Kambe misava u yi nyike vana va vanhu.+ 17  Lava feke a va n’wi dzunisi Yah,+ Hambi ku ri mani na mani la rhelelaka eku miyeleni.+ 18  Kambe hina hi ta dzunisa Yah+ Ku sukela sweswi ku ya fika enkarhini lowu nga riki na makumu.+ Dzunisani Yah!+

Tinhlamuselo ta le hansi