Nghena endzeni

Hundzela eka leswi nga endzeni

Timbhoni Ta Yehovha

Hlawula ririmi Xitsonga

Pisalema 11:1-7

Eka mufambisi. Ya Davhida. 11  Ndzi tumbela+ eka Yehovha.Kunene n’wina ma xinyata mi byela moyaxiviri wa mina mi ku:“Balekelani entshaveni ya n’wina ku fana ni nyenyana!+   Hikuva, waswivo, lavo homboloka va kunga vurha,+Va lunghisa nseve wa vona ehenhla ka ngoti ya vurha,Ku copa lava lulameke embilwini, loko va ri eku dzwihaleni.+   Loko masungulo ma hirimuxiwa,+Xana un’wana ni un’wana la lulameke u fanele a endla yini?”   Yehovha u le tempeleni+ yakwe yo kwetsima.Yehovha—xiluvelo xakwe xi le matilweni.+Mahlo yakwe ma vona, mahlo yakwe lama vangamaka ma kambela+ vana va vanhu.   Yehovha u kambela wo lulama ni wo homboloka,+Kunene moyaxiviri Wakwe wa n’wi venga un’wana ni un’wana la rhandzaka madzolonga.+   U ta nisela lavo homboloka swirimbana, ndzilo ni xivavula+Ni mheho leyi vavulaka, leswaku swi va xiphemu xa xinwelo+ xa vona.   Hikuva Yehovha u lulamile;+ u rhandza swiendlo swo lulama.+Lavo lulama hi vona lava nga ta vona xikandza xakwe.+

Tinhlamuselo ta le hansi