Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 109:1-31

Eka mufambisi.Ya Davhida. Miloti. 109  Oho Xikwembu lexi ndzi xi dzunisaka,+ u nga miyeli.+   Hikuva nomu wa lowo homboloka ni nomu wa vuxisi wu ndzi pfulekerile.+ Va vulavule ha mina hi ririmi ra mavunwa;+   Naswona va ndzi rhendzele hi marito ya rivengo,+ Kutani va lwa na mina ku nga ri na xivangelo.+   Va lwa na mina hikwalaho ka rirhandzu ra mina;+ Kambe eka mina ku ni xikhongelo.+   Va ndzi endla swo biha hikwalaho ka leswinene+ Ni rivengo hikwalaho ka rirhandzu ra mina.+   Veka lowo homboloka ehenhla ka yena, Onge mukaneti+ a nga tshama a yime evokweni rakwe ra xinene.   Loko a avanyisiwa, a a hume kukota munhu wo homboloka; Ni xikhongelo xakwe a xi ve xidyoho.+   Masiku yakwe a ma hunguteke;+ Ntirho wakwe wa vulanguteri a wu tekiwe hi un’wana.+   Vana vakwe a va ve vana lava nga riki na tatana+ Ni nsati wakwe a a ve noni.+ 10  Vana vakwe a va tsendzeleke hakunene;+ Naswona va fanele va kombela, Va lava swakudya etindhawini ta vona leti nga marhumbi.+ 11  Mudyeleri a a veke swirimbana eka hinkwaswo leswi a nga na swona,+ Ni vaphangi+ a va teke swilo leswi a swi tirheleke hi matimba.+ 12  A nga vi na munhu la n’wi kombaka musa wa rirhandzu,+ Naswona ku nga vi na loyi a tsakelaka vana vakwe lava nga riki na tatana. 13  Vatukulu vakwe a va dlayiwe.+ Vito ra vona a ri susiwe+ eka xitukulwana lexi nga ta landzela. 14  Yehovha+ a a tsundzuke xihoxo xa vatata wakwe, Ni xidyoho xa mana wakwe+—xi nga herisiwi.+ 15  A va ve emahlweni ka Yehovha nkarhi hinkwawo;+ Onge a nga endla leswaku ku tsundzukiwa ka vona ku susiwa emisaveni;+ 16  Hikwalaho ka leswi a nga tsundzukangiki ku kombisa musa wa rirhandzu,+ Kambe u ye emahlweni a landzelela munhu la xanisekaka ni la nga xisiwana+ Ni la nga ni gome embilwini, leswaku a n’wi dlaya.+ 17  U hambete a rhandza ndzhukano,+ lerova wu n’wi wela;+ Naswona a nga tsakisiwanga hi nkateko,+ Lerova wu ve ekule swinene na yena;+ 18  Kutani u ambale ndzhukano wu va nguvu yakwe.+ Hikwalaho wu te eka yena ku fana ni mati+ Ku fana ni mafurha endzeni ka marhambu yakwe. 19  A wu kotise nguvu leyi a titsondzelaka ha yona+ Ni vamba leri a tikhamaka ha rona nkarhi hinkwawo.+ 20  Leti i tihakelo leti humaka eka Yehovha ti ya eka loyi a lwaka na mina+ Ni lava va vulavulaka swo biha hi moya-xiviri wa mina.+ 21  Kambe wena u Yehovha, Hosi leyi Lawulaka.+ Tirhisana na mina hikwalaho ka vito ra wena.+ Ndzi kutsule,+ hikuva musa wa wena wa rirhandzu i wunene. 22  Hikuva ndza xaniseka naswona ndzi xisiwana,+ Ni mbilu ya mina yi tlhaviwile endzeni ka mina.+ 23  Ku fana ni ndzhuti lowu hungutekaka, ndzi boheka ku famba;+ Ndzi dzudziwile ku fana ni njiya. 24  Matsolo ya mina ma gudlagudlile hikwalaho ka ku titsona swakudya,+ Ni nyama ya mina yi ondzile, a yi na mafurha.+ 25  Mina ndzi ve nchumu lowu nga ndzhukano eka vona.+ Va ndzi vona—va hlakahla nhloko.+ 26  Ndzi pfune, Wena Yehovha Xikwembu xanga;+ Ndzi ponise hi ku ya hi musa wa wena wa rirhandzu.+ 27  Onge va nga swi tiva leswaku leri i voko ra wena;+ Leswaku wena, Wena Yehovha, u swi endlile.+ 28  Loko ku ri vona, a va vule ndzhukano,+ Kambe loko ku ri wena, onge u nga vula nkateko.+ Va suke va yima, kambe va endle va khomiwa hi tingana,+ Naswona nandza wa wena a a tsake.+ 29  Lava va lwaka na mina a va ambale ku tsongahatiwa,+ Naswona a va titsondzele hi tingana ku fana niloko va titsondzela hi nguvu yo pfumala mavoko.+ 30  Ndzi ta n’wi dzunisa swinene Yehovha hi nomu wa mina,+ Ndzi ta n’wi dzunisa+ exikarhi ka vanhu vo tala. 31  Hikuva u ta yima evokweni ra xinene ra xisiwana,+ Leswaku a xi ponisa eka lava va avanyisaka moya-xiviri wa xona.

Tinhlamuselo ta le hansi