Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 107:1-43

(Tipisalema 107 – 150) 107  Nkhensani Yehovha, hikuva hi lonene;+ Hikuva musa wakwe wa rirhandzu i wa hilaha ku nga riki na makumu.+   Lava va kutsuriweke va Yehovha a va vule sweswo,+ Lava a va kutsuleke evokweni ra xirha,+   Lava a va hlengeleteke va huma ematikweni,+ Ku suka evuhuma-dyambu ni le vupela-dyambu,+ Ku suka en’walungwini ni le dzongeni.+   Va tsendzeleke emananga,+ ekwandzasini;+ A va yi kumanga ndlela leyi yaka emutini lowu va nga ta tshama eka wona.+   A va ri ni ndlala ni torha;+ Moya-xiviri wa vona wu sungula ku tsana endzeni ka vona.+   Va hambeta va huwelela eka Yehovha emaxangwini ya vona;+ Hiloko a va kutsula emaxangwini lawa a va ri eka wona,+   A va fambisa hi ndlela yo lulama,+ Leswaku va fika emutini lowu va nga ta tshama eka wona.+   Vanhu a va nkhense Yehovha hikwalaho ka musa wakwe wa rirhandzu+ Ni mintirho yakwe yo hlamarisa eka vana va vanhu.+   Hikuva u enerise moya-xiviri lowu omeke;+ Ni moya-xiviri lowu nga ni ndlala u wu tate hi swilo leswinene.+ 10  Ku ni lava a va tshama emunyameni ni le ndzhutini lowukulu,+ Vakhotsiwa eku xanisekeni ni le tinsimbini.+ 11  Hikuva va xandzukele+ marito ya Xikwembu;+ Naswona a va xi xiximanga xitsundzuxo xa La nge Henhla-henhla.+ 12  Kutani u sungule ku hlula mbilu ya vona hi ku karhateka;+ Va khunguvanyekile, naswona a nga kona loyi a a pfuna.+ 13  Hiloko va sungula ku kombela Yehovha leswaku a va pfuna emaxangwini ya vona;+ Emaxangwini lawa hi ntolovelo a va poniseke eka wona.+ 14  A va humesa emunyameni ni le ndzhutini lowukulu,+ A tsema ni switsimbo swa vona hi le xikarhi.+ 15  Vanhu a va nkhense Yehovha hikwalaho ka musa wakwe wa rirhandzu+ Ni mintirho yakwe yo hlamarisa eka vana va vanhu.+ 16  Hikuva u tshove tinyangwa ta koporo,+ U tseme ni swigogo swa nsimbi.+ 17  Lava a va ri swiphukuphuku hikwalaho ka ndlela ya vona ya ku tlula nawu+ Ni hikwalaho ka swihoxo swa vona, eku heteleleni va tivangele ku xaniseka.+ 18  Moya-xiviri wa vona wu nyenye swakudya swa mixaka hinkwayo,+ Naswona a va fika etinyangweni ta rifu.+ 19  Kutani va sungula ku kombela Yehovha leswaku a va pfuna emaxangwini ya vona;+ Hi ntolovelo a a va ponisa emaxangwini lawa a va ri eka wona.+ 20  A rhumela rito rakwe, a va horisa+ Ni ku va ponisa emigodini ya vona.+ 21  Vanhu a va nkhense Yehovha hikwalaho ka musa wakwe wa rirhandzu+ Ni mintirho yakwe yo hlamarisa eka vana va vanhu.+ 22  A va humese switlhavelo swa ku nkhensa+ Va vula mintirho yakwe hi ku huwelela ka ku tsaka.+ 23  Lava va rhelelaka elwandle hi swikepe,+ Lava endlaka bindzu ematini yo tala,+ 24  Hi vona lava voneke mintirho ya Yehovha+ Ni mintirho yakwe yo hlamarisa leyi nga evuentweni;+ 25  Ndlela leyi a vulaka rito ha yona a tlhela a pfuxa mheho ya vukarhi,+ Lerova yi tlakusa magandlati ya rona.+ 26  Va tlhandlukela ematilweni, Va rhelela ehansi etshakwini. Moya-xiviri wa vona wu tikuma wu n’oka+ hikwalaho ka khombo. 27  Va tsekatseka va dedeleka ku fana ni munhu la dakweke,+ Ni vutlhari bya vona hinkwabyo byi vonaka byi pfilunganyekile.+ 28  Kutani va huwelela eka Yehovha loko va ri emaxangwini ya vona,+ Hiloko a va humesa emaxangwini lawa a va ri eka wona.+ 29  U endla leswaku xidzedze xi rhula,+ Lerova magandlati ya lwandle ma rhula.+ 30  Va tsaka hikuva swilo leswi swa miyela, Naswona u va yisa endhawini leyi yi va tsakisaka.+ 31  Vanhu a va nkhense Yehovha hikwalaho ka musa wakwe wa rirhandzu+ Ni mintirho yakwe yo hlamarisa eka vana va vanhu.+ 32  A va n’wi dzunise enhlengeletanweni ya vanhu;+ Naswona a va n’wi dzunise va ri exitshan’weni xa vavanuna lava kuleke.+ 33  U hundzula milambu yi va mananga,+ Ni swihlovo swa mati swi va misava yo oma,+ 34  Tiko leri nga ni mihandzu ri va tiko ra munyu,+ Hikwalaho ka vubihi bya lava va tshamaka eka rona. 35  U hundzula mananga ma va ndhawu ya tinhlanga leyi nga ni mati,+ Ni ndhawu leyi nga riki na mati yi va swihlovo swa mati.+ 36  U tshamisisa lava nga ni ndlala kwalaho,+ Lerova va simeka muti wa ku tshama eka wona wu tiya.+ 37  Va rima masimu, va byala mirhi ya vhinya,+ Leswaku va kuma ntshovelo lowu nga ni mihandzu.+ 38  Wa va katekisa lerova va tala ngopfu;+ A nga ti hunguti tihomu ta vona.+ 39  Va tlhela va hunguteka, va nkhinsama+ Hikwalaho ka nsivelo, khombo ni gome.+ 40  U chulula ku hlekula ehenhla ka vanhu va xiyimo xa le henhla,+ Leswaku a va tsendzelekisa emananga, laha ku nga riki na ndlela.+ 41  Kambe u sirhelela xisiwana leswaku xi nga xaniseki+ A xi hundzula xi va mindyangu kukota ntlhambi.+ 42  Lavo lulama va languta kutani va tsaka;+ Kambe hinkwaswo leswi nga lulamangiki, swi fanele swi pfala nomu.+ 43  I mani la tlhariheke? U ta swi vona swilo leswi haswimbirhi+ Kutani a yingisa swiendlo swa Yehovha, swa musa wa rirhandzu.+

Tinhlamuselo ta le hansi