Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 106:1-48

106  Dzunisani Yah!+Nkhensani Yehovha, hikuva hi lonene;+Hikuva musa wakwe wa rirhandzu i wa hilaha ku nga riki na makumu.+   I mani la nga vulaka swiendlo swa matimba swa Yehovha,+Kumbe la nga endlaka leswaku ku dzunisiwa kakwe hinkwako ku twiwa?+   Va tsaka lava hlayisaka vululami,+Lava endlaka swo lulama nkarhi hinkwawo.+   Oho Yehovha, ndzi tsundzuke hi vunene ehenhla ka vanhu va wena.+Ndzi khathalele hi ku ponisa+ ka wena,   Leswaku ndzi ta vona vunene eka vahlawuriwa va wena,+Leswaku ndzi ta tsaka hi ku tsaka ka tiko ra wena,+Leswaku ndzi ta tibuma hi ndzhaka ya wena.+   Hi dyohile ku fana na vatatana;+Hi endle xihoxo; hi endle hi ndlela yo homboloka.+   Loko ku ri vatatana aEgipta,A va yi twisisanga mintirho ya wena yo hlamarisa.+A va ku tsundzukanga ku tala ka musa wa wena wa rirhandzu,+Kambe va tikhome hi ndlela ya vuxandzuki elwandle, eLwandle ro Tshwuka.+   Kutani a va ponisa hikwalaho ka vito rakwe,+Leswaku matimba yakwe ma tiviwa.+   Hiloko a tshinya Lwandle ro Tshwuka, kutani ri oma hakatsongo-tsongo;+Kutani a va tsemakanyisa hi le xidziveni xa mati ku fana ni le mananga;+ 10  Hiloko a va ponisa hi ndlela yoleyo evokweni ra loyi a va vengaka+A va kutsula evokweni ra nala.+ 11  Kutani mati ma fika ma funengeta swirha swa vona;+A ku salanga ni xin’we xa swona.+ 12  Xisweswo va va ni ripfumelo eritweni rakwe;+Va sungula ku yimbelela swidzuniso swakwe.+ 13  Va rivala mintirho yakwe hi ku hatlisa;+A va xi rindzanga xitsundzuxo xakwe.+ 14  Kambe va kombise ku navela ka vona ka vutianakanyi emananga+Kutani va ringa Xikwembu ekwandzasini.+ 15  Kutani xi va nyika leswi va swi kombelaka+Ni ku rhumela vuvabyi lebyi hlakataka moya-xiviri wa vona.+ 16  Hiloko va sungula ku va ni mona eka Muxe enxaxeni,+Hambi ku ri Aroni mukwetsimi wa Yehovha.+ 17  Kutani misava yi pfuleka yi mita Dathani,+Yi funengeta ntshungu wa Abirama.+ 18  Ndzilo wu pfurha exikarhi ka ntshungu wa vona;+Langavi ri lovisa lavo homboloka.+ 19  Ku tlula kwalaho, va endla rhole eHorebe+Kutani va nkhinsamela xifaniso lexi endliweke hi ku n’okisiwa,+ 20  Lerova va cinca ku vangama+ ka minaKu yimeriwa hi nkunzi, leyi dyaka leswi milaka.+ 21  Va rivala Xikwembu Muponisi wa vona,+Muendli wa swilo leswikulu aEgipta,+ 22  Mintirho leyi hlamarisaka etikweni ra Hamu,+Swilo leswi chavisekaka eLwandle ro Tshwuka.+ 23  A a ri ekusuhi ni ku vula leswaku va lovisiwa,+Loko a ku nga ri Muxe muhlawuriwa wakwe,La yimeke evangweni emahlweni ka yena,+Leswaku a tlherisa vukarhi byakwe byi nga va lovisi.+ 24  Va nyenye tiko leri navelekaka;+A va nga ri na ripfumelo eritweni rakwe.+ 25  Kutani va hambeta va dzumadzuma emintsongeni ya vona;+A va ri yingisanga rito ra Yehovha.+ 26  Kutani a tlakusa voko rakwe a hlambanya malunghana na vona,+Leswaku u ta va wisa emananga,+ 27  Nileswaku u ta wisa vana va vona exikarhi ka matiko,+Nileswaku u ta va hangalasa exikarhi ka matiko.+ 28  Kutani va sungula ku tihlanganisa na Bali wa Peyori+Ni ku dya switlhavelo swa lava feke.+ 29  Kutani a va endla xikhunguvanyiso hi ndlela leyi a va endla swilo ha yona,+Kutani ku va ni ntungu exikarhi ka vona.+ 30  Loko Finiyasi a yima a nghenelela,+Kutani ntungu wu hela. 31  Hi ndlela yoleyo swi hlayiwe swi ri ku lulama eka yenaEka xitukulwana xin’wana ku ya eka xitukulwana xin’wana hilaha ku nga riki na makumu.+ 32  Ku tlula kwalaho, va vange ku hlundzuka ematini ya Meriba,+Lerova Muxe swi n’wi fambele ku biha hikwalaho ka vona.+ 33  Hikuva va hlundzukise moya wakweKutani a holova hi milomu yakwe.+ 34  A va va lovisanga vanhu,+Hilaha Yehovha a va byeleke hakona.+ 35  Kutani va tipfanganisa ni matiko+Va dyondza mintirho ya vona.+ 36  Va hambeta va tirhela swifaniso swa vona swa hava,+Kutani swi va ntlhamu eka vona.+ 37  Kutani a va endla xitlhavelo hi vana va vona va majaha+Ni vana va vona va vanhwanyana eka madimona.+ 38  Xisweswo va ya emahlweni va halata ngati leyi nga riki na nandzu,+Ngati ya vana va vona va majaha ni va vanhwanyana,Lava va va endleke xitlhavelo xa swifaniso swa hava swa Kanana;+Kutani tiko ri nyamisiwa hi ku halatiwa ka ngati.+ 39  Va hundzuka lava nga basangiki hi mintirho ya vona+Va hambeta va va ni rimbewu leri nga amukelekiki hi swiendlo swa vona.+ 40  Ku hlundzuka ka Yehovha ku pfurhela vanhu vakwe,+Kutani a nyenya ndzhaka+ yakwe. 41  A va nyiketa evokweni ra matiko hi ku phindha-phindha,+Leswaku lava va va vengaka va va fuma,+ 42  Nileswaku valala va vona va va tshikilela,Nileswaku va hluriwa ehansi ka voko ra vona.+ 43  A a va kutsula ko tala,+Kambe vona a va tikhoma hi ndlela ya vuxandzuki endleleni ya vona ya ku pfumala ku yingisa,+Naswona a va tsongahatiwa hikwalaho ka xidyoho xa vona.+ 44  A a vona maxangu ya vona+Loko a twa rito ra vona ra xikombelo.+ 45  A a wu tsundzuka ntwanano+ wakwe malunghana na vona,Naswona a a tisola hi ku ya hi ku tala ka musa wakwe wa rirhandzu.+ 46  A a endla leswaku va tweriwa vusiwanaEmahlweni ka hinkwavo lava va va endlaka makhumbi.+ 47  Hi ponise, Wena Yehovha Xikwembu xa hina,+U hi hlengeleta hi huma eka va matiko+Leswaku hi nkhensa vito ra wena ro kwetsima,+Leswaku hi vulavula hi ku khana hi ku ku dzunisa.+ 48  A a dzunisiwe Yehovha Xikwembu xa Israyele+Ku suka enkarhini lowu nga riki na makumu ku ya enkarhini lowu nga riki na makumu;Vanhu hinkwavo va fanele va ku Amen.+Dzunisani Yah!+

Tinhlamuselo ta le hansi