Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 105:1-45

105  Nkhensani Yehovha, vitanani vito rakwe,+ Tivisani vanhu ndlela leyi a tirhisanaka na vona ha yona.+   N’wi yimbeleleleni, n’wi yimbeleleleni miloti,+ Ehleketisisani hi mintirho yakwe hinkwayo yo hlamarisa.+   Tibumeni hi vito rakwe ro kwetsima.+ Timbilu ta lava va lavaka Yehovha a ti tsake.+   Lavisisani Yehovha ni ntamu wakwe.+ Lavani xikandza xakwe nkarhi hinkwawo.+   Tsundzukani mintirho yakwe yo hlamarisa leyi a yi endleke,+ Masingita yakwe ni swiboho swa vuavanyisi swa nomu wakwe,+   N’wina mbewu ya Abrahama nandza wakwe,+ N’wina vana va Yakobe, vahlawuriwa vakwe.+   I Yehovha Xikwembu+ xa hina. Swiboho swakwe swa vuavanyisi swi le misaveni hinkwayo.+   U tsundzuke ntwanano wakwe hilaha ku nga riki na makumu,+ Rito leri a ri leriseke, eka switukulwana swa gidi,+   Ntwanano lowu a wu endleke na Abrahama,+ Ni rito rakwe ro hlambanya eka Isaka,+ 10  Ni rito leri a ri vekeke ri va xileriso eka Yakobe, Ri va ntwanano lowu tshamaka hilaha ku nga heriki ni le ka Israyele,+ 11  A ku: “Ndzi ta mi nyika tiko ra Kanana+ Ri va xiavelo xa ndzhaka+ ya n’wina.” 12  Va kume xitshembiso lexi loko va ha ri nhlayo leyitsongo,+ Ina, loko va ha ri vatsongo, naswona va ri valuveri eka rona.+ 13  A va tshamela ku famba va suka etikweni rin’wana ku ya etikweni rin’wana,+ Ku suka emfun’weni wun’wana va ya eka vanhu van’wana.+ 14  A nga va pfumelelanga vanhu van’wana leswaku va va dyelela,+ Kambe u tshinye tihosi hikwalaho ka vona,+ 15  A ku: “N’wina mi nga tshuki mi va khumba vatotiwa va mina,+ Naswona mi nga endli nchumu xo biha eka vaprofeta va mina.”+ 16  Kutani a vitana ndlala yi ta etikweni;+ A tshova nhonga yin’wana ni yin’wana leyi a ku tlhomiwe+ swinkwa leswi nga ni xivumbeko xa xingwavila eka yona. 17  A rhumela munhu emahlweni ka vona La xavisiweke a va hlonga, ku nga Yosefa.+ 18  Va xanise milenge yakwe hi tinsimbi,+ Moya-xiviri wakwe wu nghene etinsimbini;+ 19  Ku fikela loko rito rakwe ri fika,+ Rito ra Yehovha ri n’wi endle a va munhu la tengeke.+ 20  Hosi yi rhuma leswaku a ntshunxiwa,+ Mufumi wa vanhu, leswaku yi n’wi ntshunxa. 21  Yi n’wi veka a va mulawuri endyangwini wa yona+ Naswona a fuma swilo swa yona hinkwaswo,+ 22  Leswaku a boha tihosana hi ku rhandza ka moya-xiviri wakwe+ Ni ku va dyondzisa vutlhari vanhu vakwe lava kuleke.+ 23  Kutani Israyele a fika aEgipta,+ Yakobe a va muluveri etikweni ra Hamu.+ 24  A tshamela ku endla leswaku vanhu vakwe va tswalana swinene,+ Hakatsongo-tsongo a va endla va va ni matimba ngopfu ku tlula swirha swa vona.+ 25  A endla leswaku mbilu ya vona yi cinca yi venga vanhu vakwe,+ Va va ni mano ku lwa ni malandza yakwe.+ 26  A rhumela Muxe nandza wakwe,+ Aroni loyi a a n’wi hlawurile.+ 27  Va veka timhaka ta swikombiso+ swakwe exikarhi ka vona, Ni masingita etikweni ra Hamu.+ 28  A rhumela munyama kutani wu endla leswaku ku va munyama;+ A va xandzukanga emaritweni yakwe.+ 29  A hundzula mati ya vona ma va ngati,+ A dlaya tinhlampfi ta vona.+ 30  Tiko ra vona ri tala machela,+ Emakamareni ya le mpfungwe ya tihosi ta vona. 31  U vule leswaku mabawa ma nghena,+ Tinyonyori etindhawini ta vona hinkwato.+ 32  A endla leswaku timpfula ta vona ku va xihangu,+ Langavi ra ndzilo etikweni ra vona.+ 33  Kutani a ba mirhi ya vona ya vhinya ni minkuwa ya vona Ni ku tshova mirhi leyi nga endhawini ya vona.+ 34  U vule leswaku tinjiya ti nghena,+ Ni mixaka ya tinjiya, leyi nga hlayekiki.+ 35  Kutani ti dya swimila hinkwaswo etikweni ra vona;+ Ti tlhela ti dya mihandzu ya misava ya vona. 36  Kutani a dlayetela mativula hinkwawo etikweni ra vona,+ Masungulo ya matimba ya vona hinkwavo ya ku tswala.+ 37  Kutani a va humesa va ri ni silivhere ni nsuku;+ Naswona a a nga ri kona la khunguvanyekaka etinyimbeni ta vona. 38  Egipta ri tsaka loko va huma, Hikuva a va va chava ngopfu.+ 39  A andlala papa ri va xiavanyiso,+ Ni ndzilo wu va voningela nivusiku.+ 40  Va komberile, kutani a va tisela switsatsatsa,+ A hambeta a va xurhisa hi xinkwa lexi humaka etilweni.+ 41  A pfula ribye, kutani mati ma khuluka;+ Ma khuluka tanihi hi nambu etindhawini leti nga riki na mati.+ 42  Hikuva u tsundzuke rito rakwe ro kwetsima eka Abrahama nandza wakwe.+ 43  Kutani a humesa vanhu vakwe hi ku khana,+ Vahlawuriwa vakwe hi ku huwelela ka ku tsaka.+ 44  Hakatsongo-tsongo a va nyika tiko ra vanhu va matiko,+ Kutani va hambeta va teka mpindzulo wa ku tikarhata hi matimba wa vanhu va matiko,+ 45  Leswaku va ta hlayisa swileriso+ swakwe Ni ku hlayisa milawu+ yakwe. Dzunisani Yah!+

Tinhlamuselo ta le hansi