Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 104:1-35

104  Dzunisa Yehovha, Wena moya-xiviri wamina.+ Oho Yehovha Xikwembu xanga, u tikombise u ri nkulu ngopfu.+ U tiambexe+ xindzhuti ni ku vangama,   U titsondzela hi ku vonakala ku fana ni nguvu,+ U andlala matilo ku fana ni nguvu ya ntsonga,+   Loyi a akaka makamara ya le henhla hi timhandzi ematini,+ Loyi a endlaka mapapa ma va kalichi rakwe,+ Loyi a fambaka ehenhla ka timpapa ta mheho,+   Loyi a endlaka tintsumi takwe ti va mimoya,+ Vatirheli vakwe va va ndzilo lowu lovisaka.+   U simeke misava etindhawini leti a ti endleleke tona;+ A yi nge tsekatsekisiwi hilaha ku nga riki na makumu, kumbe hi masiku.+   U yi funengete hi xidziva xa mati ku fana ni nguvu.+ Mati a ma yime ehenhla ka tintshava.+   Hi ku tshinya ka wena ma baleka;+ Hi mpfumawulo wa ku dzindza ka wena ma tsutsuma hi ku tshuka—   Tintshava ti tlhandlukile,+ Rivala leri nga enkoveni ri rhelerile— Ri ya endhawini leyi u ri simekeleke yona.   U veke ndzilakana, lowu ma nga fanelangiki ma wu tlula,+ Leswaku ma nga ha tlheli ma funengeta misava.+ 10  U rhumela swihlovo eminkoveni;+ Swi hambeta swi khuluka exikarhi ka tintshava. 11  Swivandzana hinkwaswo swa nhova swi tshamela ku nwa kona;+ Timangwa+ ti timula torha ra tona nkarhi hinkwawo. 12  Ehenhla ka swona ku ni byetlelo bya swivumbiwa leswi hahaka swa matilo;+ Ti hambeta ti humesa mpfumawulo  exikarhi ka nhova yo tlhuma.+ 13  U cheleta tintshava a ri emakamareni yakwe ya le henhla.+ Misava ya eneriseka hi mihandzu ya mintirho ya wena.+ 14  U endla leswaku byanyi bya rihlaza byi hlukela swiharhi,+ Ni ximila lexi nga ta tirhisiwa hi vanhu,+ Leswaku xi humesa swakudya emisaveni,+ 15  Ni vhinyo leyi tsakisaka+ mbilu ya munhu wa nyama, Leswaku xikandza xi hatima hi mafurha,+ Ni xinkwa lexi tiyisaka mbilu ya munhu wa nyama.+ 16  Mirhi ya Yehovha ya eneriseka, Mikedari ya Lebanoni leyi a yi byaleke,+ 17  Laha tinyenyana ti akaka swisaka kona.+ Loko ku ri ntavila, yindlu ya yona i mirhi ya yunipa.+ 18  Tintshava leti tlakukeke+ i ta tinhongo ta le tintshaveni;+ Maribye i vutumbelo bya timbila ta le maribyeni.+ 19  Minkarhi leyi vekiweke+ u yi endlele n’weti; Dyambu ri ku tiva kahle laha ri pelaka kona.+ 20  Wena u endla ku va ni munyama, leswaku ku ta va vusiku;+ Swiharhi hinkwaswo swa khwati swa famba-famba eka byona. 21  Swinghalana leswi nga ni ntshiva swa vomba swi lava lexi swi nga xi hlaselaka+ Ni ku lava swakudya swa swona eka Xikwembu.+ 22  Dyambu ri sungula ku voninga+—swa tlhela Kutani swi etlela etindhawini ta swona ta ku tifihla. 23  Munhu u ya entirhweni wa yena+ Ni le vutirhelini byakwe ku fikela nimadyambu.+ 24  Mintirho ya wena yi tele swinene, Wena Yehovha!+ Hinkwayo ka yona u yi endle hi vutlhari.+ Misava yi tele rifuwo ra wena.+ 25  Loko ku ri lwandle i rikulu swinene ri tlhela ri anama,+ Kona ku ni swilo swo tala ngopfu leswi famba-fambaka,+ Swivumbiwa leswi hanyaka, leswitsongo ni leswikulu.+ 26  Swikepe swi famba kwalaho;+ Loko ku ri Levhiyathani,+ u yi vumbele ku tlangela eka rona.+ 27  Hinkwaswo ka swona— swi tshama swi ku rindzerile+ Leswaku u swi nyika swakudya swa swona hi nguva ya kona.+ 28  Swi rholela leswi u swi nyikaka swona.+ U pfula voko ra wena—swi eneriseka hi swilo leswinene.+ 29  Loko u tumbeta xikandza xa wena, swa karhateka.+ Loko u susa moya wa swona, swa timeka,+ Swi tlhelela entshurini wa swona.+ 30  Loko u rhumela moya wa wena, swa tumbuluxiwa;+ Naswona u endla leswaku xikandza xa misava xi va xintshwa. 31  Ku vangama ka Yehovha ku ta va kona hilaha ku nga riki na makumu.+ Yehovha u ta tsakela mintirho yakwe.+ 32  U languta emisaveni, kutani yi rhurhumela;+ U khumba tintshava, kutani ti tuvika musi.+ 33  Ndzi ta yimbelelela Yehovha evuton’wini bya mina hinkwabyo;+ Ndzi ta yimbelelela Xikwembu xanga miloti loko ntsena ndza ha ri kona.+ 34  Ku ehleketisisa ka mina hi yena a ku tsakise.+ Loko ku ri mina, ndzi ta tsaka eka Yehovha.+ 35  Vadyohi va ta herisiwa emisaveni;+ Loko ku ri lavo homboloka, a va nge he vi kona.+ Dzunisa Yehovha, Wena moya-xiviri wa mina. Dzunisani Yah!+

Tinhlamuselo ta le hansi