Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 103:1-22

Ya Davhida. 103  Dzunisa Yehovha, Wena moya-xiviri+ wamina, Ni hinkwaswo leswi nga endzeni ka mina, a swi dzunise vito rakwe ro kwetsima.+   Dzunisa Yehovha, Wena moya-xiviri wa mina, U nga swi rivali swiendlo swakwe hinkwaswo,+   Yena la ku rivalelaka xidyoho+ xa wena hinkwaxo, La horisaka mavabyi ya wena hinkwawo,+   La kutsulaka vutomi bya wena emugodini,+ La ku tlhandlekaka harhi ya musa wa rirhandzu ni tintswalo,+   La enerisaka nkarhi wa ku hanya ka wena hi leswinene;+ Vuntshwa bya wena byi tshamela ku tipfuxeta ku fana ni bya gama.+   Yehovha u endla swiendlo swa ku lulama+ Ni swiboho swa vuavanyisi eka hinkwavo lava dyeleriwaka.+   U tivise tindlela takwe eka Muxe,+ Ntirhisano wakwe eka vana va Israyele.+   Yehovha u ni tintswalo ni nsovo,+ U hlwela ku hlundzuka naswona u ni musa wa rirhandzu wo tala.+   A nge tshameli ku kuma xihoxo nkarhi hinkwawo,+ Hambi ku ri ku tshama a karihile.+ 10  A nga hi khomanga hi ku ya hi swidyoho swa hina;+ Naswona a nga hi tiselanga leswi swi hi faneleke hi ku ya hi swihoxo swa hina.+ 11  Hikuva tanihi leswi matilo ma tlakukeke ku tlula misava,+ Musa wakwe wa rirhandzu wu tlakukile ehenhla ka lava va n’wi chavaka.+ 12  Kukota leswi vuhuma-dyambu byi nga ekule ni vupela-dyambu,+ Hi ndlela leyi fanaka, ku tlula ka hina milawu u ku veke ekule na hina.+ 13  Kukota loko tatana a kombisa tintswalo eka vana vakwe,+ Yehovha u kombise tintswalo eka lava va n’wi chavaka.+ 14  Hikuva yena u ku tiva kahle ku vumbeka ka hina,+ Wa tsundzuka leswaku hi ntshuri.+ 15  Loko ku ri munhu wa nyama, masiku yakwe ma fana ni ya byanyi bya rihlaza;+ U rhumbuka ku fana ni ku rhumbuka ka nhova.+ 16  Hikuva loko mheho yinene yi hunga ehenhla ka byona, a bya ha ri kona;+ Naswona ndhawu ya byona a yi nge he vi na mhaka na byona.+ 17  Kambe musa wa rirhandzu wa Yehovha wu sukela laha ku nga riki na makumu ku ya enkarhini lowu nga riki na makumu+ Eka lava va n’wi chavaka,+ Ni ku lulama kakwe eka vana va vana va vona,+ 18  Eka lava va hlayisaka ntwanano+ wakwe Ni lava va tsundzukaka swileriso swakwe leswaku va swi hetisisa.+ 19  Yehovha u simeke xiluvelo xakwe xi tiya ematilweni;+ Naswona vuhosi byakwe byi fuma swilo hinkwaswo.+ 20  Dzunisani Yehovha, N’wina tintsumi+ takwe leti nga ni matimba lamakulu, leti hetisisaka rito rakwe,+ Hi ku yingisa mpfumawulo wa rito rakwe.+ 21  Dzunisani Yehovha, n’wina mavuthu yakwe hinkwawo,+ N’wina vatirheli vakwe, lava endlaka ku rhandza kakwe.+ 22  Dzunisani Yehovha, n’wina mintirho yakwe hinkwayo,+ Etindhawini takwe hinkwato leti a ti fumaka.+ Dzunisa Yehovha, Wena moya-xiviri wa mina.+

Tinhlamuselo ta le hansi