Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Pisalema 102:1-28

Xikhongelo xa la xanisekaka loko o tshuka a tsanile kutani a phofula mhaka leyi n’wi karhataka emahlweni ka Yehovha.+ 102  Oho Yehovha, yingisa xikhongelo xa mina;+ Onge ku kombela ka mina mpfuno ku nga fika eka wena.+   U nga ndzi tumbeteli xikandza xa wena hi siku leri ndzi nga enhlomulweni lowukulu.+ Rhiya ndleve eka mina;+ Siku leri ndzi vitanaka ha rona, hatlisa, u ndzi hlamula.+   Hikuva masiku ya mina ma herile ku fana ni musi,+ Ni marhambu ya mina ma endliwe ma va yo tshwuka ku fana ni xitiko.+   Mbilu ya mina yi biwile ku fana ni ximila naswona yi omile,+ Hikuva ndzi rivele ku dya swakudya swa mina.+   Hikwalaho ka mpfumawulo wa ku konya ka mina+ Marhambu ya mina ma namarhele nyama ya mina.+   Ndzi fana ni gumba ra le mananga.+ Ndzi fana ni xikhovha lexitsongo xa le marhumbini.   Ndzi ondzile, Ndzi fana ni nyenyana leyi nga yoxe ehenhla ka lwangu.+   Valala va mina va ndzi rhukane siku hinkwaro.+ Lava va ndzi endlaka xiphukuphuku va tlhele va hlambanya hi mina.+   Hikuva ndzi funye nkuma ku fana niloko ndzi dya xinkwa;+ Naswona swilo leswi ndzi swi nwaka ndzi swi pfanganise ni ku rila,+ 10  Hikwalaho ka xigwevo xa wena ni ku hlundzuka ka wena;+ Hikuva u ndzi tlakusile, leswaku u ndzi cukumeta.+ 11  Masiku ya mina ma fana ni ndzhuti lowu hungutekeke,+ Naswona mina ndzi omile ku fana ni ximila.+ 12  Oho Yehovha, loko ku ri wena, u ta tshama hilaha ku nga riki na makumu,+ Naswona u ta tsundzukiwa eka xitukulwana xin’wana ku ya eka xitukulwana xin’wana.+ 13  Wena u ta humelela, u ta komba Siyoni+ tintswalo, Hikuva i nguva leyi tsakeriwaka hi yena, Hikuva nkarhi lowu vekiweke wu fikile.+ 14  Hikuva malandza ya wena ma tsakele maribye ya yena,+ Naswona ma kongomisa ku tsakela ka wona entshurini wa yena.+ 15  Matiko ma ta chava vito ra Yehovha,+ Ni tihosi ta misava hinkwato ku vangama ka wena.+ 16  Kunene Yehovha u ta aka Siyoni;+ U ta humelela hi ku vangama kakwe.+ 17  U ta hundzulukela exikhongelweni xa lava va tekeriweke hinkwaswo,+ Naswona a nge xi languteli ehansi xikhongelo xa vona.+ 18  Leswi swi tsaleriwe xitukulwana xa nkarhi lowu taka;+ Ni vanhu lava nga ta tumbuluxiwa va ta dzunisa Yah.+ 19  Hikuva u langute ehansi a ri eku tlakukeni kakwe ko kwetsima,+ Yehovha u langute emisaveni a ri ematilweni,+ 20  Ku twa ku konya ka mukhotsiwa,+ Ku ntshunxa lava vekeriweke rifu;+ 21  Leswaku vito ra Yehovha ri ta vuriwa eSiyoni+ Ni ku dzunisiwa kakwe eYerusalema,+ 22  Loko vanhu va hlengeletiwe swin’we,+ Ni mimfumo yi tirhela Yehovha.+ 23  Endleleni u xanise matimba ya mina,+ U hungute masiku ya mina.+ 24  Ndzi te: “Oho Xikwembu xanga, U nga ndzi teki ndza ha ri ni hafu ya masiku;+ Malembe ya wena ma le ka switukulwana hinkwaswo.+ 25  U veke masungulo ya misava khale swinene,+ Ni matilo i ntirho wa mavoko ya wena.+ 26  Ma ta lova, kambe wena u ta tshama u ri kona;+ Ma ta hlakala hinkwawo ku fana ni nguvu.+ U ta ma siva ku fana ni swiambalo, ma ta tshama nkarhi lowu wu ma ringaneke.+ 27  Kambe wena u tshama u ri tano, naswona malembe ya wena a ma nge heli.+ 28  Vana va malandza ya wena va ta tshama va ri kona;+ Naswona vana va wona va ta simekiwa va tiya+ emahlweni ka wena.”

Tinhlamuselo ta le hansi