Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tipisalema 10:1-18

ל [Laʹmedh] 10  Oho Yehovha, hikwalaho ka yini u yime le kule swinene?+ Hikwalaho ka yini u tifihlile hi minkarhi ya maxangu?+   Eku titlakuseni kakwe, lowo homboloka u n’wi hlongorisa swinene la xanisekaka;+ Va phasiwa hi mianakanyo leyi va yi anakanyeke.+   Hikuva lowo homboloka u tidzunisile hikwalaho ka ku navela ka vutianakanyi ka moyaxiviri+ wakwe, Ni la bindzulaka+ hi ndlela leyi nga fanelangiki u tikatekisile;נ [Nun]A nga vanga ni xichavo eka Yehovha.+   Lowo homboloka hi ku tikurisa kakwe a nga lavisisi;+ Mianakanyo yakwe hinkwayo yi ri: “A ku na Xikwembu.”+   Tindlela takwe ta humelela nkarhi hinkwawo.+ Xiboho xa wena xa vuavanyisi xi le henhla swinene ka mianakanyo yakwe;+ Hinkwavo lava n’wi vengaka, wa va hlundzukela.+   Embilwini yakwe u te: “A ndzi nge tsekatsekisiwi;+ Eka xitukulwana xin’wana ku ya eka xitukulwana xin’wana, a ndzi nge vi ekhombyeni.”+ פ [Peʼ]   Nomu wakwe wu tele hi swihlambanyo ni vuxisi ni ku tshikilela.+ Ehansi ka ririmi rakwe ku ni leswi karhataka, ni vubihi.+   U tshama a tumbelerile eswimitanini; Etindhawini leti tumbeleke, u ta dlaya munhu la pfumalaka nandzu.+ע [ʽAʹyin]Mahlo yakwe ma languta munhu wa khombo.+   U tshama endhawini leyi tumbeleke ku fana ni nghala evutumbelweni+ bya yona. U tshama a tumbelerile+ leswaku a ta n’wi rhwala hi nkani munhu la xanisekaka. U n’wi rhwala hi nkani munhu la xanisekaka loko a pfala rikoka rakwe.+ 10  U pfotlosekile, wa korhama, Vuthu ra lava nga ni gome ri ta wela emin’waleni+ yakwe ya matimba. 11  Embilwini+ yakwe u te: “Xikwembu xi rivele.+ Xi tumbete xikandza+ xa xona. Kunene a xi nge pfuki xi swi vonile.”+ ק [Qohph] 12  Oho Yehovha, Humelela.+ Wena Xikwembu, tlakusa voko+ ra wena. U nga va rivali lava xanisekaka.+ 13  Hikwalaho ka yini lowo homboloka a nga ri na xichavo eka Xikwembu?+ Embilwini yakwe u te: “A wu nge ndzi vutisi nchumu.”+ ר [Rehsh] 14  Hikuva wena hi wexe u vone ku karhateka ni ku dyiwa hi mbitsi. U tshamela ku languta, leswaku u swi nghenisa evokweni+ ra wena. La nga ni khombo,+ la nga riki na tatana, u titshega hi wena. Wena u mupfuni+ wakwe. ש [Shin] 15  Tshova voko ra lowo homboloka ni lowo biha.+ Onge u nga lavisisa vuhomboloki bya yena ku fikela loko u nga ha byi kumi.+ 16  Yehovha i Hosi hilaha ku nga riki na makumu, ni hilaha ku nga heriki.+ Matiko ma lovile emisaveni+ yakwe. ת [Taw] 17  Kunene u ta yingisa+ ku navela ka lavo rhula, Wena Yehovha. U ta lunghiselela mbilu+ ya vona. U ta nyikela nyingiso hi ndleve+ ya wena, 18  Leswaku u avanyisela n’wana la nga riki na tatana ni la pfotlosiweke,+ Leswaku munhu wa nyama wa la misaveni a nga ha tlheli a vanga ku chava.+

Tinhlamuselo ta le hansi