Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 9:1-23

9  Yehovha a ya emahlweni a vulavula na Muxe emananga ya Sinayi elembeni ra vumbirhi ra ku huma ka vona etikweni ra Egipta, hi n’hweti+ yo sungula, a ku:  “Sweswi vana va Israyele va ta lunghiselela xitlhavelo xa paseka+ hi nkarhi wa xona lowu vekiweke.+  Hi siku ra vu-14 eka yona n’hweti leyi, exikarhi ka madyambu+ mambirhi, mi ta xi lunghiselela hi nkarhi wa xona lowu vekiweke. Mi ta xi lunghiselela+ hi ku ya hi milawu ya xona hinkwayo ni maendlelo ya xona hinkwawo ya nkarhi ni nkarhi.”  Kutani Muxe a byela vana va Israyele leswaku va lunghiselela xitlhavelo xa paseka.  Hiloko va lunghiselela xitlhavelo xa paseka hi siku ro sungula ra n’hweti, hi siku ra vu-14 ra n’hweti exikarhi ka madyambu mambirhi, emananga ya Sinayi. Hikwalaho vana va Israyele va endle hi ku pfumelelana ni hinkwaswo leswi Yehovha a swi leriseke Muxe.+  A ku ri ni vanhu lava a va nga tenganga hikwalaho ka moya-xiviri+ wa munhu lerova a va swi kotanga ku lunghiselela xitlhavelo xa paseka esikwini rero. Hikwalaho va humelela emahlweni ka Muxe na Aroni esikwini+ rero.  Hiloko vanhu volavo va ku eka yena: “A hi tenganga hikwalaho ka moya-xiviri wa munhu. Ha yini hi fanele ku siveriwa ku nyikela gandzelo+ eka Yehovha exikarhi ka vana va Israyele, hi nkarhi lowu vekiweke?”  Hiloko Muxe a ku eka vona: “Yimani kwalaho, ndzi ta twa leswi Yehovha a nga ta swi lerisa malunghana na n’wina.”+  Kutani Yehovha a vulavula na Muxe a ku: 10  “Byela vana va Israyele u ku, ‘Hambiloko munhu un’wana wa n’wina kumbe wa xitukulwana xa n’wina o tshuka a nyama hikwalaho ka moya-xiviri+ kumbe a ri kule eriendzweni, na yena u fanele a lunghiselela xitlhavelo xa paseka eka Yehovha. 11  Hi n’hweti+ ya vumbirhi hi siku ra vu-14 exikarhi ka madyambu mambirhi, va ta xi lunghiselela. Va ta xi dya+ ni swinkwa leswo-ke-comela ni matsavu layo bava. 12  Va nga tshuki va siya swin’wana swa swona kukondza ku va nimixo,+ naswona va nga tshuki va tshova rhambu ni rin’we ra swona.+ Va ta xi lunghiselela+ hi ku ya hi nawu hinkwawo wa paseka. 13  Kambe loko munhu a a tengile kumbe a a nga ri eriendzweni kutani a honisa ku lunghiselela xitlhavelo xa paseka, moya-xiviri wolowo wu fanele wu dlayiwa eka varikwavo,+ hikuva a wu nyikelanga gandzelo ra Yehovha hi nkarhi wa rona lowu vekiweke. Munhu yoloye u ta hlamula hikwalaho ka xidyoho+ xakwe. 14  “‘Loko muluveri o tshuka a tshama na n’wina, a va muluveri, na yena u fanele a lunghiselela xitlhavelo xa paseka eka Yehovha.+ U ta endla+ hi ku ya hi nawu wa paseka ni hi ku ya hi endlelo ra xona ra nkarhi ni nkarhi. Ku ta va ni nawu wun’we eka n’wina, eka muluveri ni le ka munhu la tumbulukeke etikweni.’”+ 15  Kutani hi siku ra ku yimisiwa ka tabernakela,+ papa ri funengeta tabernakela ya ntsonga wa Vumbhoni,+ kambe nimadyambu leswi a swi vonaka onge i ndzilo+ swi hambeta swi va ehenhla ka tabernakela kukondza ku va nimixo. 16  Hi yona ndlela leyi a swi hamba swi va ha yona nkarhi hinkwawo: Papa a ri yi funengeta ni nhlikanhi kasi leswi langutekaka swi ri ndzilo swi yi funengeta ni vusiku.+ 17  Nkarhi wun’wana ni wun’wana loko papa ri tlhandluka ri suka ehenhla ka ntsonga, vana va Israyele a va suka hi ku hatlisa endzhaku ka sweswo,+ naswona endhawini leyi papa a ri tshama eka yona, vana va Israyele a va dzima mixaxa+ kona. 18  Vana va Israyele a va suka hi ku landza xileriso xa Yehovha, naswona a va dzima mixaxa+ hi ku landza xileriso xa Yehovha. Masiku hinkwawo lawa papa ri nga ta tshama ehenhla ka tabernakela ha wona, a va tshama va dzime mixaxa. 19  Kutani loko papa ri lehisa ku tshama ka rona ehenhla ka tabernakela masiku yo tala, vana va Israyele na vona a va hlayisa xiboho xa vona eka Yehovha xa leswaku va nga suki.+ 20  Minkarhi yin’wana papa a ri tshama masiku ma nga ri mangani ehenhla ka tabernakela. A va tshama va dzime mixaxa hi ku landza xileriso+ xa Yehovha, naswona a va suka hi ku landza xileriso xa Yehovha. 21  Minkarhi yin’wana papa+ a ri tshama ku sukela nimadyambu kukondza ku va nimixo; ivi papa ri tlakuka nimixo, kutani va suka. Ku nga khathariseki leswaku a ku ri ninhlikanhi kumbe a ku ri nivusiku loko papa ri tlakuka, na vona a va suka.+ 22  Ku nga khathariseki leswaku papa a ri tshama masiku mambirhi kumbe n’hweti kumbe masiku yo tala ehenhla ka tabernakela, vana va Israyele a va tshama va dzime mixaxa naswona a va nga suki, kambe loko ri tlakuka a va suka.+ 23  A va dzima mixaxa hi ku landza xileriso xa Yehovha, naswona a va suka hi ku landza xileriso xa Yehovha. Va hlayise xiboho+ xa vona eka Yehovha, hi ku landza xileriso xa Yehovha ha Muxe.+

Tinhlamuselo ta le hansi