Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 7:1-89

7  Kutani esikwini leri Muxe a heteke ku yimisa tabernakela+ ha rona, a yi tota+ a yi hlawulekisa ni swilo swa yona hinkwaswo ni alitari ni swingolongondzwana swa yona hinkwaswo. A swi tota a swi hlawulekisa.+  Hiloko tindhuna ta Israyele,+ varhangeri va yindlu ya vatata wa vona va endla munyikelo,+ va ri tindhuna ta tinyimba naswona va yimela lava va tsarisiweke,  kutani va tisa gandzelo ra vona emahlweni ka Yehovha, ku nga tigolonyi leti funengetiweke ta tsevu ni tihomu ta 12, golonyi yin’we yi ri ya tindhuna timbirhi ni nkunzi yin’we eka yin’wana ni yin’wana ya tona; va swi nyikela emahlweni ka tabernakela.  Hiloko Yehovha a ku eka Muxe:  “Swi amukele eka tona hikuva swi ta hambeta swi tirha mintirho ya ntsonga wa nhlangano, u fanele u swi nyika Valevhi, un’wana ni un’wana hi ku ya hi mpimo wa ntirho wakwe.”  Kutani Muxe a amukela tigolonyi ni tihomu a ti nyika Valevhi.  Tigolonyi timbirhi ni tihomu ta mune a ti nyika vana va Gerixoni hi ku ya hi mpimo wa ntirho+ wa vona,  tigolonyi ta mune ni tihomu ta nhungu a ti nyika vana va Merari hi ku ya hi mpimo wa ntirho+ wa vona, va ri ehansi ka voko ra Ithamara n’wana wa Aroni lowa muprista.+  Kambe vana va Kohata a nga va nyikanga nchumu, hikuva ntirho wa ndhawu yo kwetsima a wu ri wa vona.+ A va rhwala hi makatla.+ 10  Kutani tindhuna ti nyikela tinyiko ta tona eku khanguriweni+ ka alitari hi siku ra ku totiwa ka yona, tindhuna ti hambeta ti nyikela gandzelo ra tona emahlweni ka alitari. 11  Hiloko Yehovha a byela Muxe a ku: “Ndhuna yin’we hi siku ni yin’wana hi siku rin’wana, hi yona ndlela leyi ti nga ta nyikela gandzelo ra tona ha yona eku khanguriweni ka alitari.”+ 12  Kutani loyi a a nyikela gandzelo rakwe hi siku ro sungula a ku ri Nasoni+ n’wana wa Aminadaba wa nyimba ya Yuda. 13  Gandzelo rakwe a ku ri ndyelo yin’we ya silivhere, ntiko wa yona a wu ri tixikele ta 130 ni nkambana wun’we wa silivhere wa tixikele ta 70 hi ku ya hi xikele ya ndhawu yo kwetsima,+ havumbirhi bya swona swi tele hi mapa lama silekeke kahle lama tsakamisiweke hi mafurha, swi ri swa gandzelo ra mavele;+ 14  xinwelo xin’we xa nsuku xa tixikele ta khume, xi tele hi murhi wa risuna;+ 15  nkunzi yin’we leyitsongo ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 16  ximbutana xin’we xi ri xa gandzelo ra xidyoho;+ 17  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Nasoni n’wana wa Aminadaba.+ 18  Hi siku ra vumbirhi Nethanele+ n’wana wa Suwara, ndhuna ya Isakara a endla munyikelo. 19  U nyikele gandzelo rakwe ku ri ndyelo yin’we ya silivhere, ntiko wa yona wu ri tixikele ta 130 ni nkambana wun’we wa silivhere wa tixikele ta 70 hi ku ya hi tixikele ta ndhawu yo kwetsima, havumbirhi bya swona swi tele hi mapa lama silekeke kahle lama tsakamisiweke hi mafurha, swi ri swa gandzelo ra mavele;+ 20  xinwelo xin’we xa nsuku xa tixikele ta khume, xi tele hi murhi wa risuna; 21  nkunzi yin’we leyitsongo ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 22  ximbutana xin’we xi ri xa gandzelo ra xidyoho;+ 23  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Nethanele n’wana wa Suwara. 24  Hi siku ra vunharhu a ku ri ndhuna ya vana va Zebuloni, Eliyabu+ n’wana wa Heloni. 25  Gandzelo rakwe a ku ri ndyelo yin’we ya silivhere, ntiko wa yona a wu ri tixikele ta 130 ni nkambana wun’we wa silivhere wa tixikele ta 70 hi ku ya hi tixikele ta ndhawu yo kwetsima, havumbirhi bya swona a swi tele mapa lama silekeke kahle lama tsakamisiweke hi mafurha, swi ri swa gandzelo ra mavele; 26  xinwelo xin’we xa nsuku xa tixikele ta khume, xi tele hi murhi wa risuna; 27  nkunzi yin’we ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 28  ximbutana xin’we xi ri xa gandzelo ra xidyoho;+ 29  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Eliyabu n’wana wa Heloni.+ 30  Hi siku ra vumune a ku ri ndhuna ya vana va Ruveni, Elizuri+ n’wana wa Xidewuru. 31  Gandzelo rakwe a ku ri ndyelo yin’we ya silivhere, ntiko wa yona a wu ri tixikele ta 130 ni nkambana wun’we wa silivhere wa tixikele ta 70 hi ku ya hi tixikele ta ndhawu yo kwetsima, havumbirhi bya swona swi tele hi mapa lama silekeke kahle lama tsakamisiweke hi mafurha, swi ri gandzelo ra mavele;+ 32  xinwelo xin’we xa nsuku xa tixikele ta khume, xi tele hi murhi wa risuna; 33  nkunzi yin’we ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 34  ximbutana xin’we xi ri xa gandzelo ra xidyoho;+ 35  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Elizuri n’wana wa Xidewuru.+ 36  Hi siku ra vuntlhanu a ku ri ndhuna ya vana va Simiyoni, Xelumiyele+ n’wana wa Zurixadayi. 37  Gandzelo rakwe a ku ri ndyelo yin’we ya silivhere, ntiko wa yona a wu ri tixikele ta 130 ni nkambana wun’we wa silivhere wa tixikele ta 70 hi ku ya hi tixikele ta ndhawu yo kwetsima, havumbirhi bya swona swi tele hi mapa lama silekeke kahle lama tsakamisiweke hi mafurha, swi ri swa gandzelo ra mavele;+ 38  xinwelo xin’we xa nsuku xa tixikele ta khume, xi tele hi murhi wa risuna; 39  nkunzi yin’we ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 40  ximbutana xin’we xi ri xa gandzelo ra xidyoho;+ 41  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Xelumiyele n’wana wa Zurixadayi.+ 42  Hi siku ra vutsevu a ku ri ndhuna ya vana va Gadi, Eliyasafa+ n’wana wa Duwele. 43  Gandzelo rakwe a ku ri ndyelo yin’we ya silivhere, ntiko wa yona a wu ri tixikele ta 130 ni nkambana wun’we wa silivhere wa tixikele ta 70 hi ku ya hi tixikele ta ndhawu yo kwetsima, havumbirhi bya swona swi tele hi mapa lama silekeke kahle lama tsakamisiweke hi mafurha, swi ri swa gandzelo ra mavele;+ 44  xinwelo xin’we xa nsuku xa tixikele ta khume, xi tele hi murhi wa risuna;+ 45  nkunzi yin’we ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 46  ximbutana xin’we xi ri xa gandzelo ra xidyoho;+ 47  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Eliyasafa n’wana wa Duwele.+ 48  Hi siku ra vunkombo a ku ri ndhuna ya vana va Efrayimi, Elixama+ n’wana wa Amihudi. 49  Gandzelo rakwe a ku ri ndyelo yin’we ya silivhere, ntiko wa yona a wu ri tixikele ta 130 ni nkambana wun’we wa silivhere wa tixikele ta 70 hi ku ya hi tixikele ta ndhawu yo kwetsima, havumbirhi bya swona swi tele hi mapa lama silekeke kahle lama tsakamisiweke hi mafurha, swi ri swa gandzelo ra mavele;+ 50  xinwelo xin’we xa nsuku xa tixikele ta khume, xi tele hi murhi wa risuna; 51  nkunzi yin’we ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 52  ximbutana xin’we xi ri xa gandzelo ra xidyoho;+ 53  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Elixama n’wana wa Amihudi.+ 54  Hi siku ra vunhungu a ku ri ndhuna ya vana va Manase, Gamaliyele+ n’wana wa Pedasuru. 55  Gandzelo rakwe a ku ri ndyelo yin’we ya silivhere, ntiko wa yona a wu ri tixikele ta 130 ni nkambana wun’we wa silivhere wa tixikele ta 70 hi ku ya hi tixikele ta ndhawu yo kwetsima, havumbirhi bya swona swi tele hi mapa lama silekeke kahle lama tsakamisiweke hi mafurha, swi ri swa gandzelo ra mavele;+ 56  xinwelo xin’we xa nsuku xa tixikele ta khume, xi tele hi murhi wa risuna;+ 57  nkunzi yin’we ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 58  ximbutana xin’we xi ri xa gandzelo ra xidyoho;+ 59  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Gamaliyele n’wana wa Pedasuru.+ 60  Hi siku ra vukaye a ku ri ndhuna+ ya vana va Benjamini, Abidana+ n’wana wa Gideyoni. 61  Gandzelo rakwe a ku ri ndyelo yin’we ya silivhere, ntiko wa yona a wu ri tixikele ta 130 ni nkambana wun’we wa silivhere wa tixikele ta 70 hi ku ya hi tixikele ta ndhawu yo kwetsima, havumbirhi bya swona swi tele hi mapa lama silekeke kahle lama tsakamisiweke hi mafurha, swi ri swa gandzelo ra mavele;+ 62  xinwelo xin’we xa nsuku xa tixikele ta khume, xi tele hi murhi wa risuna; 63  nkunzi yin’we ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 64  ximbutana xin’we xi ri xa gandzelo ra xidyoho;+ 65  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Abidana n’wana wa Gideyoni.+ 66  Hi siku ra vukhume a ku ri ndhuna ya vana va Dani, Ahiyezere+ n’wana wa Amixadayi. 67  Gandzelo rakwe a ku ri ndyelo yin’we ya silivhere, ntiko wa yona a wu ri tixikele ta 130 ni nkambana wun’we wa silivhere wa tixikele ta 70 hi ku ya hi tixikele ta ndhawu yo kwetsima, havumbirhi bya swona swi tele hi mapa lama silekeke kahle lama tsakamisiweke hi mafurha, swi ri swa gandzelo ra mavele;+ 68  xinwelo xin’we xa nsuku xa tixikele ta khume, xi tele hi murhi wa risuna; 69  nkunzi yin’we ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 70  ximbutana xin’we xi ri xa gandzelo ra xidyoho;+ 71  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Ahiyezere n’wana wa Amixadayi.+ 72  Hi siku ra vu-11 a ku ri ndhuna ya vana va Axere, Pagiyele+ n’wana wa Okirani. 73  Gandzelo rakwe a ku ri ndyelo yin’we ya silivhere, ntiko wa yona a wu ri tixikele ta 130 ni nkambana wun’we wa silivhere wa tixikele ta 70 hi ku ya hi tixikele ta ndhawu yo kwetsima, havumbirhi bya swona swi tele hi mapa lama silekeke kahle lama tsakamisiweke hi mafurha, swi ri swa gandzelo ra mavele;+ 74  xinwelo xin’we xa nsuku xa tixikele ta khume, xi tele hi murhi wa risuna;+ 75  nkunzi yin’we ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 76  ximbutana xin’we xi ri xa gandzelo ra xidyoho;+ 77  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Pagiyele n’wana wa Okirani.+ 78  Hi siku ra vu-12 a ku ri ndhuna ya vana va Neftali, Ahira+ n’wana wa Enana. 79  Gandzelo rakwe a ku ri ndyelo yin’we ya silivhere, ntiko wa yona a wu ri tixikele ta 130 ni nkambana wun’we wa silivhere wa tixikele ta 70 hi ku ya hi tixikele ta ndhawu yo kwetsima, havumbirhi bya swona swi tele hi mapa lama silekeke kahle lama tsakamisiweke hi mafurha, swi ri swa gandzelo ra mavele;+ 80  xinwelo xin’we xa nsuku xa tixikele ta khume, xi tele hi murhi wa risuna;+ 81  nkunzi yin’we ni khuna rin’we ni xinyimpfana xin’we xa xinuna lexi nga elembeni ra xona ro sungula, swi ri swa gandzelo ro hisiwa;+ 82  ximbutana xin’we xi ri xa gandzelo ra xidyoho;+ 83  kutani swa xitlhavelo xa xinakulobye+ ku ri tihomu timbirhi ni makhuna ya ntlhanu ni swiphongo swa ntlhanu ni swinyimpfana swa ntlhanu swa xinuna, ha xin’we xi ri ni lembe rin’we hi vukhale. Leri a ku ri gandzelo ra Ahira n’wana wa Enana.+ 84  Leri a ku ri gandzelo+ ro khangula alitari esikwini leri yi nga totiwa ha rona, malunghana ni tindhuna+ ta Israyele: tindyelo ta silivhere ta 12 ni minkambana+ ya silivhere ya 12 ni swinwelo swa nsuku swa 12; 85  tixikele ta 130 eka ndyelo yin’wana ni yin’wana ya silivhere ni ta 70 eka nkambana wun’wana ni wun’wana, silivhere hinkwayo ya swibya a yi ri tixikele ta 2 400 hi ku ya hi xikele ya ndhawu yo kwetsima;+ 86  swinwelo+ swa nsuku swa 12 leswi teleke hi murhi wa risuna a swi ri tixikele ta khume eka xinwelo ha xin’we hi ku ya hi xikele ya ndhawu yo kwetsima, nsuku hinkwawo wa swinwelo a wu ri tixikele ta 120; 87  swifuwo hinkwaswo swa gandzelo ro hisiwa+ a swi ri tinkunzi ta 12 ni makhuna ya 12 ni swinyimpfana swa xinuna swa 12, ha xin’we xi ri ni lembe rin’we hi vukhale ni magandzelo ya mavele+ ni swimbutana swa gandzelo ra xidyoho+ swa 12; 88  ni swifuwo hinkwaswo swa xitlhavelo xa xinakulobye+ swi ri tinkunzi ta 24 ni makhuna ya 60 ni swiphongo swa 60 ni swinyimpfana swa xinuna swa 60, ha xin’we xi ri ni lembe rin’we hi vukhale. Leri a ku ri gandzelo ro khangula+ alitari endzhaku ka ku totiwa+ ka yona. 89  Kutani nkarhi hinkwawo loko Muxe a nghena entsongeni wa nhlangano ku ya vulavula na yena,+ a a twa rito ri vulavula na yena ri huma ehenhla ka xifunengeto+ lexi a xi ri ehenhla ka areka ya vumbhoni, ri huma exikarhi ka makerubu+ mambirhi; kutani a a vulavula na yena.

Tinhlamuselo ta le hansi