Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 4:1-49

4  Kutani Yehovha a vulavula na Muxe na Aroni a ku:  “Ku ta hlayiwa ntsengo wa vana va Kohata,+ va hlayiwa exikarhi ka vana va Levhi, hi ku ya hi mindyangu ya vona endlwini ya vatata wa vona,  ku sukela emalembeni ya 30 hi vukhale+ ku ya emalembeni ya 50 hi vukhale,+ hinkwavo lava va nghenelaka ntlawa lowu tirhelaka,+ va ya endla ntirho entsongeni wa nhlangano.  “Lowu i ntirho wa vana va Kohata entsongeni wa nhlangano.+ I nchumu wo kwetsima ngopfu:  Aroni ni vana vakwe va fanele va ta loko lava tshamaka enxaxeni va suka, kutani va fanele va hawula nguvu leyi sirhelelaka,+ va funengeta areka+ ya vumbhoni hi yona.  Va fanele va veka xifunengeto xa madzovo+ ya tintini ehenhla ka yona, va andlala lapi hinkwaro ra wasi ehenhla ka yona, kutani va nghenisa ni tinsika+ ta yona.  “Va ta andlala lapi ra wasi ehenhla ka tafula+ ra xinkwa xa nkombiso, va fanele va veka tindyelo+ ni swinwelo ni minkambana+ ni swikelelo swa gandzelo ra swakunwa ehenhla ka rona; kutani xinkwa+ xa nkarhi hinkwawo xi ta tshama xi ri ehenhla ka rona.  Va fanele va andlala lapi ra ribungwana+ ehenhla ka swona, naswona va fanele va ri funengeta hi xifunengeto xa madzovo+ ya tintini, va nghenisa ni tinsika+ ta rona.  Va fanele va teka lapi ra wasi va funengeta xo tlhoma rivoni+ ni timboni+ ta xona ni swo tamela ngoti ya rivoni+ swa xona ni swo tamela+ ndzilo swa xona ni swibya+ swa xona hinkwaswo swa mafurha, leswi va hambetaka va tirhela ha swona eka xona. 10  Va fanele va swi veka ni swingolongondzwana swa xona exifunengetweni xa madzovo+ ya tintini, va swi veka ehenhla ka nsika. 11  Kutani va ta andlala lapi ra wasi ehenhla ka alitari+ ya nsuku, naswona va fanele va yi funengeta hi xifunengeto xa madzovo+ ya tintini, va nghenisa ni tinsika+ ta yona. 12  Va fanele va teka swingolongondzwana+ hinkwaswo leswi va hambetaka va tirhela ha swona endhawini yo kwetsima, va fanele va swi veka elapini ra wasi va swi funengeta hi xifunengeto xa madzovo+ ya tintini, ivi va swi veka ehenhla ka nsika. 13  “Kutani va fanele va susa nkuma wa alitari+ lowu nga ni mafurha ivi va andlala lapi ra voya lebyi pendiweke byi va bya xivunguvungu ehenhla ka yona. 14  Va fanele va veka swingolongondzwana swa yona hinkwaswo leswi va hambetaka va tirhela ha swona ehenhla ka yona, swo tamela ndzilo, tiforoko ni mafoxolo ni minkambana ni swingolongondzwana hinkwaswo swa alitari;+ va fanele va andlala xifunengeto xa madzovo ya tintini ehenhla ka yona, va nghenisa ni tinsika+ ta yona. 15  “Kutani Aroni ni vana vakwe va fanele va heta ku funengeta ndhawu yo kwetsima+ ni swingolongondzwana+ hinkwaswo swa ndhawu yo kwetsima loko lava tshamaka enxaxeni va suka, endzhaku ka sweswo vana va Kohata va ta ta va ta swi rhwala,+ kambe va nga tshuki va khumba+ ndhawu yo kwetsima hikuva va nga fa. Swilo leswi i ntirho wa vana va Kohata entsongeni wa nhlangano.+ 16  “Kutani Eliyazara n’wana wa Aroni lowa muprista i mulanguteri+ wa mafurha+ ya rivoni ni xinun’hweriso xa murhi wa risuna+ ni gandzelo ra mavele+ ra nkarhi hinkwawo ni mafurha+ ya ku tota, u langutela tabernakela hinkwayo ni swilo hinkwaswo leswi nga eka yona, ku nga ndhawu yo kwetsima ni swingolongondzwana swa yona.” 17  Yehovha a ya emahlweni a vulavula na Muxe na Aroni a ku: 18  “Mi nga tshuki mi pfumelela leswaku nyimba ya mindyangu ya Vakohata+ yi herisiwa exikarhi ka Valevhi. 19  Kambe va endleleni leswi, leswaku va hambeta va hanya va nga fi hikwalaho ka ku tshinelela swilo swo kwetsima ngopfu.+ Aroni ni vana vakwe va ta nghena, kutani va fanele va avela un’wana ni un’wana wa vona ntirho wakwe ni vutihlamuleri byakwe. 20  Va nga tshuki va nghena ku ta vona swilo swo kwetsima hambi ku ri swa xinkarhana, hikuva va nga fa.”+ 21  Kutani Yehovha a vulavula na Muxe a ku: 22  “Ku ta hlayiwa ntsengo wa vana va Gerixoni,+ ina, va ta hlayiwa hi yindlu ya vatata wa vona hi ku ya hi mindyangu ya vona. 23  U ta va tsarisa ku sukela emalembeni ya 30 hi vukhale ku ya emalembeni ya 50 hi vukhale,+ hinkwavo lava va taka entlaweni wa vutirheli va ta endla ntirho entsongeni wa nhlangano. 24  Lowu i ntirho wa mindyangu ya Vagerixoni malunghana ni vutirheli ni ku rhwala.+ 25  Va fanele va rhwala malapi+ ya ntsonga ya tabernakela ni ntsonga wa nhlangano+ ni xifunengeto+ xa wona ni xifunengeto+ xa madzovo ya tintini lexi nga ehenhla ka wona ni xiavanyiso+ xa nyangwa ya ntsonga wa nhlangano 26  ni swincikinyo+ swa xivava ni xiavanyiso+ xa vungheno bya nyangwa ya xivava lexi rhendzelaka tabernakela ni alitari ni tintambhu ta wona ta ntsonga ni swingolongondzwana hinkwaswo swa vutirheli ni swilo hinkwaswo leswi ntirho wu hambetaka wu endliwa ha swona. Va fanele va tirhela hi ndlela yoleyo. 27  Ntirho hinkwawo wa vana va Gerixoni+ wu ta endliwa hi ku lerisa ka Aroni ni vana+ vakwe malunghana ni vutihlamuleri bya vona hinkwabyo ni vutirheli bya vona hinkwabyo, n’wina mi fanele mi va avela vutihlamuleri bya vona hinkwabyo hi ku ya hi ntirho wa vona. 28  Lowu i ntirho wa mindyangu ya vana va Vagerixoni+ entsongeni wa nhlangano, kutani ntirho wa vona lowu bohaka wu le hansi ka voko ra Ithamara+ n’wana wa Aroni lowa muprista. 29  “Loko ku ri vana va Merari,+ u ta va tsarisa hi mindyangu ya vona endlwini ya vatata wa vona. 30  U ta va tsarisa ku sukela emalembeni ya 30 hi vukhale ku ya emalembeni ya 50 hi vukhale, hinkwavo lava nghenaka entlaweni wa vutirheli leswaku va endla vutirheli bya ntsonga wa nhlangano.+ 31  Kutani lowu i ntirho wa vona, i vutihlamuleri+ bya vona hi ku ya hi vutirheli bya vona hinkwabyo entsongeni wa nhlangano: marimba+ ya tabernakela ni swigogo+ swa yona ni tiphuphu+ ta yona ni minkotloto+ ya tona 32  ni tiphuphu+ ta xivava lexi xi yi rhendzelaka ni minkotloto+ ya tona ni swikhomiso+ swa ntsonga swa wona ni tintambhu ta wona ta ntsonga ni switirhisiwa hinkwaswo swa vutirheli hinkwabyo. Kutani mi ta avela switirhisiwa leswi va bohekaka ku swi tirhisa swi ri vutihlamuleri+ bya vona, hi mavito ya vona. 33  Lowu i ntirho wa mindyangu ya vana va Merari+ hi ku ya hi vutirheli hinkwabyo bya vona bya ntsonga wa nhlangano, wu ri ehansi ka voko ra Ithamara n’wana wa Aroni lowa muprista.”+ 34  Kutani Muxe na Aroni ni tindhuna+ ta ntshungu va ya emahlweni va tsarisa vana va Vakohata+ hi mindyangu ya vona ni hi yindlu ya vatata wa vona, 35  ku sukela eka lava va nga ni malembe ya 30+ hi vukhale ku ya eka lava va nga ni malembe ya 50 hi vukhale,+ hinkwavo lava a va nghena entlaweni wa vutirheli va ta tirhela entsongeni wa nhlangano.+ 36  Kutani lava va tsarisiweke eka vona hi mindyangu ya vona va ve 2 750.+ 37  Hi vona lava va tsarisiweke+ va mindyangu ya Vakohata, hinkwavo lava tirhelaka entsongeni wa nhlangano, lava Muxe na Aroni va va tsariseke hi ku landza xileriso xa Yehovha ha Muxe. 38  Malunghana ni lava va tsarisiweke va vana va Gerixoni+ hi mindyangu ya vona ni hi yindlu ya vatata wa vona, 39  ku sukela eka lava va nga ni malembe ya 30 hi vukhale ku ya eka lava va nga ni malembe ya 50 hi vukhale, hinkwavo lava va ngheneke entlaweni wa vutirheli leswaku va tirhela entsongeni wa nhlangano,+ 40  lava va tsarisiweke eka vona hi mindyangu ya vona, hi yindlu ya vatata wa vona, a va ri 2 630.+ 41  Hi vona lava a va tsarisiwile eka mindyangu ya vana va Gerixoni, hinkwavo lava tirhaka entsongeni wa nhlangano, lava Muxe na Aroni va va tsariseke hi ku landza xileriso xa Yehovha.+ 42  Malunghana ni lava va tsarisiweke va mindyangu ya vana va Merari hi mindyangu ya vona, hi yindlu ya vatata wa vona, 43  ku sukela emalembeni ya 30 hi vukhale ku ya emalembeni ya 50 hi vukhale, hinkwavo lava va ngheneke entlaweni wa vutirheli leswaku va tirhela entsongeni wa nhlangano,+ 44  lava va tsarisiweke eka vona hi mindyangu ya vona va ve 3 200.+ 45  Hi vona lava a va tsarisiwile eka mindyangu ya vana va Merari, lava Muxe na Aroni va va tsariseke hi ku landza xileriso xa Yehovha ha Muxe.+ 46  Lava va tsarisiweke hinkwavo lava Muxe na Aroni ni tindhuna ta Israyele va nga va tsarisa va ri Valevhi hi mindyangu ya vona ni hi yindlu ya vatata wa vona, 47  ku sukela emalembeni ya 30 hi vukhale ku ya emalembeni ya 50 hi vukhale,+ hinkwavo lava taka ku ta tirha hi matimba ni ku endla mintirho entsongeni wa nhlangano,+ 48  lava va tsarisiweke va vona va ve 8 580.+ 49  Va tsarisiwe hi ku landza xileriso xa Yehovha ha Muxe, un’wana ni un’wana hi ku ya hi vutirheli byakwe ni vutihlamuleri byakwe; naswona va tsarisiwe hilaha Yehovha a leriseke Muxe+ hakona.

Tinhlamuselo ta le hansi