Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 36:1-13

36  Kutani varhangeri va vatata va mindyangu ya vana va Giliyadi n’wana wa Makiri,+ n’wana wa Manase wa mindyangu ya vana va Yosefa, va tshinela ku ta vulavula emahlweni ka Muxe ni tindhuna, varhangeri va vatata wa vana va Israyele,  va ku: “Yehovha u lerise hosi yanga leswaku yi nyika tiko ri va ndzhaka hi vuhlolotwana+ eka vana va Israyele; kutani hosi yanga yi lerisiwe hi Yehovha leswaku yi nyika ndzhaka ya Selofehada makwerhu eka vana vakwe va vanhwanyana.+  Loko swo endleka leswaku vana vahi ni vahi va tinyimba ta vana va Israyele va va teka va va vasati eka vona, ndzhaka ya vasati lava yi fanele yi susiwa endzhakeni ya vatatana, naswona yi ta engeteriwa endzhakeni ya nyimba leyi va nga ta va va yona, lerova yi ta susiwa evuhlolotwaneni bya ndzhaka ya hina.+  Kutani loko Yubili+ yi va kona eka vana va Israyele, ndzhaka ya vavasati lava yi fanele yi engeteriwa endzhakeni ya nyimba leyi va yaka eka yona; lerova ndzhaka ya vona yi ta susiwa endzhakeni ya nyimba ya vatatana.”  Kutani Muxe a lerisa vana va Israyele hi ku lerisa ka Yehovha a ku: “Nyimba ya vana va Yosefa yi vulavula kahle.  Leri i rito leri Yehovha a ri leriseke hikwalaho ka vana va vanhwanyana va Selofehada+ a ku, ‘Va nga ha va vasati eka lava swi vaka swinene ematihlweni ya vona. Ntsena va fanele va va vasati endyangwini wa nyimba ya vatata wa vona.+  A ku na ndzhaka ya vana va Israyele leyi nga ta rhendzeleka yi suka eka nyimba yin’wana yi ya eka nyimba yin’wana, hikuva n’wana un’wana ni un’wana wa Israyele u fanele a namarhela ndzhaka ya nyimba ya vatata wakwe.  Nhwana un’wana ni un’wana la kumaka rifuwo ra ndzhaka etinyimbeni ta vana va Israyele, u fanele a va nsati wa ndyangu wun’wana wa nyimba ya tata wakwe,+ ku endlela leswaku n’wana un’wana ni un’wana wa Israyele a kuma rifuwo ra ndzhaka ya vatata wakwe.  Ku nga tshuki ku va ni ndzhaka leyi rhendzelekaka yi suka eka nyimba yin’wana yi ya eka nyimba yin’wana, hikuva nyimba yin’wana ni yin’wana ya vana va Israyele yi fanele yi namarhela endzhakeni ya yona.’” 10  Vana va vanhwanyana va Selofehada va endle hilaha Yehovha a leriseke Muxe hakona.+ 11  Hikwalaho Mahela, Tirisa, Hogila, Milka na Nowa, vana va vanhwanyana va Selofehada+ va va vasati va vana va makwavo wa vatata wa vona. 12  Va ve vasati emindyangwini ya vana va Manase n’wana wa Yosefa, leswaku ndzhaka ya vona yi hambeta yi ri ni nyimba ya ndyangu wa tata wa vona. 13  Leswi i swileriso+ ni swiboho swa vuavanyisi leswi Yehovha a swi leriseke vana va Israyele ha Muxe etimbaleni ta le kwandzasini ra Mowabu ekusuhi na Yordani eYeriko.+

Tinhlamuselo ta le hansi