Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 33:1-56

33  Leyi i ndlela leyi vana va Israyele va fambeke ha yona, lava va humeke etikweni ra Egipta,+ hi mavuthu+ ya vona, hi voko ra Muxe na Aroni.+  Muxe a a hambeta a tsala tindhawu leti a va suka eka tona hi nkarhi wa ku famba ka vona hi ku lerisiwa hi Yehovha; leyi i ndlela leyi va fambeke ha yona va suka endhawini yin’wana va ya eka yin’wana:+  Kutani va suka eRamsese+ hi n’hweti yo sungula, hi siku ra vu-15 ra n’hweti yo sungula.+ Hi siku leri tlhandlamaka ra paseka+ vana va Israyele va hume hi voko leri tlakukeke ematihlweni ya Vaegipta hinkwavo.+  Nkarhi wolowo hinkwawo Vaegipta a va lahla vanhu lava Yehovha a va dlayeke exikarhi ka vona, ku nga mativula hinkwawo;+ naswona Yehovha u hetisise vuavanyisi byakwe eka swikwembu swa vona.+  Kutani vana va Israyele va suka eRamsese+ va ya dzima mixaxa eSukoti.+  Kutani va suka eSukoti va ya dzima mixaxa aEthamu,+ lowu nga etlhelo ka mananga.  Endzhaku ka sweswo va suka aEthamu va tlhelela etlhelo ra Pihahiroto+ lowu langutaneke na Bali-sefoni;+ va dzima mixaxa emahlweni ka Migidoli.+  Endzhaku ka sweswo va suka ePihahiroto va hundza exikarhi ka lwandle+ va ya emananga,+ va hambeta va famba riendzo ra masiku manharhu emananga ya Ethamu,+ va dzima mixaxa eMara.+  Hiloko va suka eMara va ya fika aElimi.+ Kutani aElimi a ku ri ni swihlovo swa mati swa 12 ni mirhi ya micindzu ya 70. Hikwalaho va dzima mixaxa kona. 10  Endzhaku ka sweswo va suka aElimi va ya dzima mixaxa ekusuhi ni Lwandle ro Tshwuka. 11  Endzhaku ka sweswo va suka eLwandle ro Tshwuka va ya dzima mixaxa emananga ya Sini.+ 12  Kutani va suka emananga ya Sini va ya dzima mixaxa eDofika. 13  Endzhaku va suka eDofika va ya dzima mixaxa eAluxi. 14  Endzhaku ka sweswo va suka eAluxi va ya dzima mixaxa eRefidimi.+ Kwalaho a ku nga ri na mati lawa vanhu a va ta ma nwa. 15  Endzhaku ka sweswo va suka eRefidimi va ya dzima mixaxa emananga ya Sinayi.+ 16  Endzhaku ka sweswo va suka emananga ya Sinayi va ya dzima mixaxa eKibiroti-hatavha.+ 17  Kutani va suka eKibiroti-hatavha va ya dzima mixaxa eHaseroti.+ 18  Endzhaku ka sweswo va suka eHaseroti va ya dzima mixaxa eRitima. 19  Endzhaku ka sweswo va suka eRitima va ya dzima mixaxa eRimono-perezi. 20  Kutani va suka eRimono-perezi va ya dzima mixaxa eLibna. 21  Endzhaku va suka eLibna va ya dzima mixaxa eRisa. 22  Endzhaku ka sweswo va suka eRisa va ya dzima mixaxa eKehelata. 23  Kutani va suka eKehelata va ya dzima mixaxa eNtshaveni ya Xefere. 24  Endzhaku ka sweswo va suka eNtshaveni ya Xefere va ya dzima mixaxa+ eHarada. 25  Kutani va suka eHarada va ya dzima mixaxa eMakeloti. 26  Endzhaku ka sweswo va suka+ eMakeloti va ya dzima mixaxa eTahata. 27  Endzhaku ka sweswo va suka eTahata va ya dzima mixaxa eTera. 28  Kutani va suka eTera va ya dzima mixaxa eMitika. 29  Endzhaku va suka eMitika va ya dzima mixaxa eHaximona. 30  Endzhaku ka sweswo va suka eHaximona va ya dzima mixaxa eMosera. 31  Kutani va suka eMosera va ya dzima mixaxa eBene-yakani.+ 32  Endzhaku ka sweswo va suka eBene-yakani va ya dzima mixaxa eHori-hagidigada. 33  Endzhaku ka sweswo va suka eHori-hagidigada va ya dzima mixaxa eYotibata.+ 34  Endzhaku va suka eYotibata va ya dzima mixaxa eAbirona. 35  Kutani va suka eAbirona va ya dzima mixaxa aEsiyoni-gebere.+ 36  Endzhaku ka sweswo va suka aEsiyoni-gebere va ya dzima mixaxa emananga ya Zini,+ hileswaku Kadexi. 37  Endzhaku va suka eKadexi va ya dzima mixaxa eNtshaveni ya Hore,+ emaaveni ya tiko ra Edomu. 38  Kutani Aroni lowa muprista a tlhandlukela eNtshaveni ya Hore hi ku lerisa ka Yehovha, a fela kona hi lembe ra vu-40 ra ku huma ka vana va Israyele etikweni ra Egipta, hi n’hweti ya vuntlhanu, hi siku ro sungula ra n’hweti.+ 39  Aroni a a ri ni malembe ya 123 hi vukhale loko a fa eNtshaveni ya Hore. 40  Kutani Mukanana hosi ya le Aradi,+ tanihi leswi a a tshama eNegebu,+ etikweni ra Kanana, a twa hi ta ku ta ka vana va Israyele. 41  Hi ku famba ka nkarhi va suka eNtshaveni ya Hore+ va ya dzima mixaxa eZalamona. 42  Endzhaku ka sweswo va suka eZalamona va ya dzima mixaxa ePunoni. 43  Endzhaku ka sweswo va suka ePunoni va ya dzima mixaxa eOboti.+ 44  Kutani va suka eOboti va ya dzima mixaxa le Iye-abarima, endzilakaneni wa Mowabu.+ 45  Endzhaku va suka le Iyima va ya dzima mixaxa eDiboni-gadi.+ 46  Endzhaku ka sweswo va suka eDiboni-gadi va ya dzima mixaxa eAlimoni-diblatayimi. 47  Kutani va suka eAlimoni-diblatayimi+ va ya dzima mixaxa etintshaveni ta Abarima,+ emahlweni ka Nebo.+ 48  Eku heteleleni va suka etintshaveni ta Abarima va ya dzima mixaxa etimbaleni ta le kwandzasini ra Mowabu,+ ekusuhi na Yordani, eYeriko. 49  Kutani va hambeta va dzima mixaxa ekusuhi na Yordani ku suka eBeta-yeximoto+ ku ya eAvele-xitimi+ etimbaleni ta le kwandzasini ra Mowabu. 50  Yehovha a ya emahlweni a byela Muxe etimbaleni ta le kwandzasini ra Mowabu, ekusuhi na Yordani, eYeriko,+ a ku: 51  “Byela vana va Israyele u ku eka vona, ‘Mi pela Yordani mi pelela etikweni ra Kanana.+ 52  Mi fanele mi hlongola vaaki hinkwavo va tiko emahlweni ka n’wina, mi lovisa swifaniso swa vona hinkwaswo swa maribye,+ ni swifaniso swa vona hinkwaswo leswi n’okisiweke swa nsimbi+ mi ta swi lovisa, ni tindhawu ta vona hinkwato leti tlakukeke to kwetsima mi ta ti lovisa.+ 53  Mi fanele mi teka tiko mi tshama eka rona, hikuva kunene ndzi ta mi nyika tiko leswaku mi tshama eka rona.+ 54  Mi fanele mi avanyisa tiko ri va ra n’wina hi vuhlolotwana+ hi ku ya hi mindyangu ya n’wina.+ Eka leyi yi kuleke mi ta yi engetelela ndzhaka ya yona, kambe eka leyitsongo mi ta hunguta ndzhaka ya yona.+ Laha vuhlolotwana byakwe byi nga ta n’wi komba kona yi ta va ya yena.+ Tindhawu leti nga ta tiko ti ta va ta n’wina hi tinyimba ta vatata wa n’wina.+ 55  “‘Hambiswiritano, loko mi nga va hlongoli vaaki va tiko emahlweni ka n’wina,+ kunene lava mi nga ta va siya va ta va swilo leswi tlhavaka ematihlweni ya n’wina ni mitwa ematlhelo ya n’wina, hakunene va ta mi karhata etikweni leri mi nga ta va mi tshama eka rona.+ 56  Kutani leswi ndzi anakanyeke ku va endla swona, ndzi ta mi endla swona.’”+

Tinhlamuselo ta le hansi