Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 3:1-51

3  Kutani leswi a ku ri switukulwana swa Aroni na Muxe esikwini leri Yehovha a vulavuleke na Muxe ha rona eNtshaveni ya Sinayi.+  Lawa a ku ri mavito ya vana va Aroni: Nadabu lowa mativula na Abihu+ na Eliyazara+ na Ithamara.+  Lawa a ku ri mavito ya vana va Aroni, vaprista lava totiweke lava mavoko ya vona a ma tatiwe hi matimba leswaku va va vaprista.+  Hambiswiritano, Nadabu na Abihu va fe emahlweni ka Yehovha loko va nyikele ndzilo+ lowu nga riki enawini emahlweni ka Yehovha emananga ya Sinayi; a va vanga na vana. Kambe Eliyazara+ na Ithamara+ va ye emahlweni va va vaprista swin’we na Aroni tata wa vona.  Yehovha a ya emahlweni a vulavula na Muxe a ku:  “Tshineta nyimba ya Levhi,+ u fanele u yi yimisa emahlweni ka Aroni lowa muprista, yi fanele yi n’wi tirhela.+  Yi fanele yi endla ntirho wa yona eka yena ni ntirho wa yona eka ntshungu hinkwawo, emahlweni ka ntsonga wa nhlangano, hi ku endla vutirheli bya tabernakela.  Yi fanele yi khathalela swingolongondzwana+ hinkwaswo swa ntsonga wa nhlangano, ni ntirho wa vana va Israyele hi ku endla vutirheli bya tabernakela.+  U fanele u nyiketa Valevhi eka Aroni ni vana vakwe. Hi lava va nyiketiweke, va nyiketiwe yena va huma eka vana va Israyele.+ 10  Kutani u ta veka Aroni ni vana vakwe, va fanele va khathalela vuprista+ bya vona; munhu un’wana ni un’wana la nga mufambi, la tshinelaka u ta dlayiwa.”+ 11  Yehovha a ya emahlweni a vulavula na Muxe a ku: 12  “Loko ku ri mina, waswivo, ndzi teka Valevhi exikarhi ka vana va Israyele va va ematshan’weni ya mativula+ hinkwawo ya vana va Israyele lama pfulaka mbeleko; Valevhi va ta va va mina. 13  Hikuva mativula hinkwawo i ya mina.+ Esikwini leri ndzi nga ba mativula hinkwawo etikweni ra Egipta,+ ndzi tihlawulekisele mativula hinkwawo eIsrayele ku sukela eka munhu ku ya eka xiharhi.+ Ma ta va ya mina. Hi mina Yehovha.” 14  Yehovha a ya emahlweni a vulavula na Muxe emananga ya Sinayi+ a ku: 15  “Tsarisa vana va Levhi hi ku ya hi yindlu ya vatata wa vona hi mindyangu ya vona. U ta tsarisa+ waxinuna un’wana ni un’wana ku sukela eka n’hweti yin’we hi vukhale ku ya ehenhla.” 16  Kutani Muxe a sungula ku va tsarisa hi ku lerisa ka Yehovha, hilaha a lerisiweke hakona. 17  Kutani lava va ve vana va Levhi+ hi mavito ya vona: Gerixoni na Kohata na Merari.+ 18  Lawa a ku ri mavito ya vana va Gerixoni hi mindyangu ya vona: Libni na Ximeyi.+ 19  Vana va Kohata+ hi mindyangu ya vona a ku ri Amirama na Izihara,+ Hebroni na Uziyele. 20  Vana va Merari+ hi mindyangu ya vona a ku ri Maheli+ na Muxi.+ Leyi a ku ri mindyangu ya Valevhi hi ku ya hi yindlu ya vatata wa vona. 21  Eka Gerixoni a ku ri ni ndyangu wa Valibni+ ni ndyangu wa Vaximeyi.+ Leyi a ku ri mindyangu ya Vagerixoni. 22  Lava va tsarisiweke va vona a va ri hi nhlayo ya vaxinuna hinkwavo ku sukela eka n’hweti yin’we hi vukhale ku ya ehenhla.+ Lava va tsarisiweke va vona a va ri 7 500.+ 23  Mindyangu ya Vagerixoni a yi ri endzhaku ka tabernakela.+ A va dzime mixaxa ya yona hi tlhelo ra le vupela-dyambu. 24  Kutani ndhuna ya yindlu ya vatata wa Vagerixoni a ku ri Eliyasafa n’wana wa Layele. 25  Ntirho wa vana va Gerixoni+ entsongeni wa nhlangano a ku ri tabernakela ni ntsonga,+ ni xifunengeto+ xa yona ni xiavanyiso+ xa nyangwa ya ntsonga wa nhlangano 26  ni swincikinyo+ swa xivava ni xiavanyiso+ xa nyangwa ya xivava lexi rhendzelaka tabernakela ni alitari ni tintambu+ ta yona ta ntsonga, swi nga swa vutirheli hinkwabyo bya yona. 27  Kutani eka Kohata a ku ri ni ndyangu wa Vaamirama ni ndyangu wa Vaizihara ni ndyangu wa Vahebroni ni ndyangu wa Vauziyele. Leyi a ku ri mindyangu ya Vakohata.+ 28  Eka nhlayo ya vaxinuna hinkwavo ku sukela eka n’hweti yin’we hi vukhale ku ya ehenhla a va ri 8 600, va endla ntirho wa ndhawu yo kwetsima.+ 29  Mindyangu ya vana va Kohata a yi dzime mixaxa etlhelo ra le dzongeni+ ra tabernakela. 30  Kutani ndhuna ya yindlu ya vatata va ndyangu wa Vakohata a ku ri Elizafani n’wana wa Uziyele.+ 31  Ntirho+ wa vona a ku ri ku khathalela Areka+ ni tafula+ ni xo tlhoma rivoni+ ni tialitari+ ni swingolongondzwana+ swa ndhawu yo kwetsima, leswi a va ta tirhela ha swona ni xiavanyiso+ ni vutirheli bya yona hinkwabyo. 32  Kutani ndhuna ya tindhuna ta Valevhi a ku ri Eliyazara+ n’wana wa Aroni lowa muprista, loyi a a ri mulanguteri wa lava va khathalelaka ntirho wa ndhawu yo kwetsima. 33  Kutani eka Merari a ku ri ni ndyangu wa Vamaheli+ ni ndyangu wa Vamuxi.+ Leyi a ku ri mindyangu ya Merari.+ 34  Lava va tsarisiweke va vona hi nhlayo ya vaxinuna hinkwavo ku sukela eka n’hweti yin’we hi vukhale ku ya ehenhla a va ri 6 200.+ 35  Kutani ndhuna ya yindlu ya vatata va mindyangu ya Merari a ku ri Suriyele n’wana wa Abihayili. A va dzime mixaxa etlhelo ra n’walungu+ wa tabernakela. 36  Ntirho wa vana va Merari a ku ri ku langutela marimba+ ya tabernakela ni swigogo+ swa yona ni tiphuphu+ ta yona ni minkotloto ya yona ni swingolongondzwana+ swa yona hinkwaswo ni vutirheli+ bya yona hinkwabyo 37  ni tiphuphu+ ta xivava leti ti yi rhendzelaka ni minkotloto+ ya tona ni swikhomiso swa yona swa ntsonga ni tintambu ta yona ta ntsonga. 38  Lava va dzimaka mixaxa emahlweni ka tabernakela etlhelo ra le vuxeni, emahlweni ka ntsonga wa nhlangano etlhelo ra vuhuma-dyambu a ku ri Muxe na Aroni ni vana vakwe, lava a va khathalela xiboho xa vukwetsimelo+ xi ri xiboho xa vana va Israyele. Kutani munhu un’wana ni un’wana la nga mufambi, la tshinelaka a a ta dlayiwa.+ 39  Hinkwavo lava va tsarisiweke va Valevhi, lava Muxe na Aroni va va tsariseke hi mindyangu ya vona hi ku lerisa ka Yehovha, vaxinuna hinkwavo ku sukela eka n’hweti yin’we hi vukhale ku ya ehenhla a va ri 22 000. 40  Kutani Yehovha a byela Muxe a ku: “Tsarisa mativula ya xinuna hinkwawo ya vana va Israyele, ku sukela eka loyi a nga ni n’hweti yin’we hi vukhale ku ya ehenhla,+ u teka nhlayo ya mavito ya vona. 41  U fanele u ndzi tekela Valevhi—hi mina Yehovha— va va ematshan’weni ya mativula hinkwawo exikarhi ka vana va Israyele,+ ni swifuwo swa Valevhi swi va ematshan’weni ya mativula hinkwawo eka swifuwo swa vana va Israyele.”+ 42  Hiloko Muxe a hambeta a tsarisa mativula hinkwawo exikarhi ka vana va Israyele, hilaha Yehovha a n’wi leriseke hakona. 43  Kutani mativula ya xinuna hinkwawo hi nhlayo ya mavito ya wona, ku sukela eka loyi a nga ni n’hweti yin’we hi vukhale ku ya ehenhla, eka lava va tsarisiweke va wona, a ma ri 22 273. 44  Yehovha a ya emahlweni a vulavula na Muxe a ku: 45  “Teka Valevhi va va ematshan’weni ya mativula hinkwawo exikarhi ka vana va Israyele, ni swifuwo swa Valevhi swi va ematshan’weni ya swifuwo swa vona; Valevhi va fanele va va va mina.+ Hi mina Yehovha. 46  Kutani tanihi hakelo+ ya nkutsulo ya vanhu va 273 eka mativula ya vana va Israyele, lava va teleke ku tlula Valevhi,+ 47  eka munhu un’wana ni un’wana+ u fanele u teka tixikele ta ntlhanu. U ta yi teka exikeleni ya ndhawu yo kwetsima. Xikele yin’we i tigera+ ta 20. 48  Kutani u fanele u nyika Aroni ni vana vakwe mali yoleyo, yi va hakelo ya nkutsulo ya lava teleke ku va tlula.” 49  Kutani Muxe a teka mali ya hakelo ya nkutsulo, leyi humaka eka lava a va tele ku tlula hakelo ya nkutsulo wa Valevhi. 50  U teke mali eka mativula ya vana va Israyele, tixikele ta 1 365, hi xikele ya ndhawu yo kwetsima. 51  Kutani Muxe a nyika Aroni ni vana vakwe mali ya hakelo ya nkutsulo hi ku landza xileriso xa Yehovha, hilaha Yehovha a leriseke Muxe hakona.

Tinhlamuselo ta le hansi