Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 29:1-40

29  “‘Kutani hi n’hweti ya vunkombo, hi siku ro sungula ra n’hweti, mi ta khoma ntsombano wo kwetsima.+ Mi nga tshuki mi endla ntirho wihi ni wihi wo tika.+ Ri ta va siku ra ku yimbiwa ka mhalamhala eka n’wina.+  Mi fanele mi nyikela nkunzi yin’we, khuna rin’we ni swinyimpfana swa nkombo swa xinuna, xin’wana ni xin’wana xi ri ni lembe rin’we hi vukhale, swi hanye kahle, swi va gandzelo ro hisiwa ra nun’hwelo lowu phyuphyisaka eka Yehovha;+  ni gandzelo ra swona ra mavele ra mapa lama silekeke kahle lama tsakamisiweke hi mafurha, ku va mimpimo yinharhu ya vukhume eka nkunzi ni mimpimo yimbirhi ya vukhume eka khuna,+  ni mpimo wun’we wa vukhume eka xinyimpfana xin’wana ni xin’wana xa swinyimpfana swa nkombo swa xinuna;+  ni xiphongo xin’we xi va gandzelo ra xidyoho leswaku xi mi kombelela ku rivaleriwa;+  ku nga hlayiwi gandzelo ro hisiwa+ ra n’hweti ni n’hweti ni gandzelo ra rona ra mavele+ ni gandzelo ro hisiwa+ ra nkarhi hinkwawo ni gandzelo ra rona ra mavele,+ swin’we ni magandzelo ya swona ya swakunwa,+ hi ku ya hi endlelo ra swona ra nkarhi ni nkarhi, swi va nun’hwelo lowu phyuphyisaka, gandzelo ra Yehovha leri endliweke hi ndzilo.+  “‘Kutani hi siku ra vukhume ra yona n’hweti leyi ya vunkombo mi ta khoma ntsombano wo kwetsima,+ mi fanele mi xanisa mimoya-xiviri ya n’wina.+ Mi nga tshuki mi endla ntirho wihi ni wihi.+  Mi fanele mi nyikela nkunzi yin’we, khuna rin’we ni swinyimpfana swa nkombo swa xinuna, xin’wana ni xin’wana xi ri ni lembe rin’we hi vukhale,+ swi va gandzelo ro hisiwa eka Yehovha, swi va nun’hwelo lowu phyuphyisaka. Swi fanele swi va leswi hanyeke kahle eka n’wina.+  Ni gandzelo ra swona ra mavele ra mapa lama silekeke kahle lama tsakamisiweke hi mafurha, mimpimo yinharhu ya vukhume eka nkunzi, mimpimo yimbirhi ya vukhume eka khuna rin’we,+ 10  mpimo wa vukhume eka xinyimpfana xin’wana ni xin’wana xa swinyimpfana swa nkombo swa xinuna;+ 11  ximbutana xin’we xa gandzelo ra xidyoho, ku nga hlayiwi gandzelo ra xidyoho ra ku kombela ku rivaleriwa+ ni gandzelo ro hisiwa ra nkarhi hinkwawo ni gandzelo ra rona ra mavele, swin’we ni magandzelo ya swona ya swakunwa.+ 12  “‘Kutani hi siku ra vu-15 ra n’hweti+ ya vunkombo mi ta khoma ntsombano wo kwetsima.+ Mi nga tshuki mi endla ntirho wihi ni wihi wo tika,+ naswona mi fanele mi tlangela nkhuvo eka Yehovha masiku ya nkombo.+ 13  Kutani mi fanele mi nyikela tinkunzi letitsongo ta 13, makhuna mambirhi ni swinyimpfana swa 14 swa xinuna, xin’wana ni xin’wana xi ri ni lembe rin’we hi vukhale, swi va gandzelo ro hisiwa,+ gandzelo leri endliweke hi ndzilo ra nun’hwelo lowu phyuphyisaka eka Yehovha. Swi fanele swi va leswi hanyeke kahle.+ 14  Ni gandzelo ra swona ra mavele ra mapa lama silekeke kahle lama tsakamisiweke hi mafurha, mimpimo yinharhu ya vukhume eka nkunzi yin’wana ni yin’wana ya tinkunzi ta 13, mimpimo yimbirhi ya vukhume eka khuna rin’wana ni rin’wana ra makhuna mambirhi,+ 15  ni mpimo wa vukhume eka xinyimpfana xin’wana ni xin’wana xa swinyimpfana swa 14 swa xinuna;+ 16  ni ximbutana xin’we xi va gandzelo ra xidyoho, ku nga hlayiwi gandzelo ro hisiwa ra nkarhi hinkwawo, gandzelo ra xona ra mavele ni gandzelo ra xona ra swakunwa.+ 17  “‘Kutani hi siku ra vumbirhi mi nyikela tinkunzi ta 12, makhuna mambirhi ni swinyimpfana swa 14 swa xinuna, xin’wana ni xin’wana xi ri ni lembe rin’we hi vukhale, swi hanye kahle;+ 18  ni gandzelo ra swona ra mavele+ ni magandzelo ya swona ya swakunwa+ eka tinkunzi, makhuna ni swinyimpfana swa xinuna hi nhlayo ya swona, hi ku landza endlelo ra nkarhi ni nkarhi;+ 19  ni ximbutana xin’we xi va gandzelo ra xidyoho,+ ku nga hlayiwi gandzelo ro hisiwa ra nkarhi hinkwawo ni gandzelo ra xona ra mavele swin’we ni magandzelo ya swona ya swakunwa.+ 20  “‘Kutani hi siku ra vunharhu mi nyikela tinkunzi ta 11, makhuna mambirhi ni swinyimpfana swa 14 swa xinuna, xin’wana ni xin’wana xi ri ni lembe rin’we hi vukhale, swi hanye kahle;+ 21  ni gandzelo ra swona ra mavele+ ni magandzelo ya swona ya swakunwa+ eka tinkunzi, makhuna ni swinyimpfana swa xinuna hi nhlayo ya swona, hi ku landza endlelo ra nkarhi ni nkarhi; 22  ni mbuti yin’we yi va gandzelo ra xidyoho,+ ku nga hlayiwi gandzelo ro hisiwa ra nkarhi hinkwawo ni gandzelo ra yona ra mavele ni gandzelo ra yona ra swakunwa. 23  “‘Kutani hi siku ra vumune mi nyikela tinkunzi ta khume, makhuna mambirhi ni swinyimpfana swa 14 swa xinuna, xin’wana ni xin’wana xi ri ni lembe rin’we hi vukhale, swi hanye kahle;+ 24  gandzelo ra swona ra mavele+ ni magandzelo ya swona ya swakunwa+ eka tinkunzi, eka makhuna ni le ka swinyimpfana swa xinuna hi nhlayo ya swona, hi ku landza endlelo ra nkarhi ni nkarhi;+ 25  ni ximbutana xin’we xi va gandzelo ra xidyoho,+ ku nga hlayiwi gandzelo ro hisiwa+ ra nkarhi hinkwawo, gandzelo ra xona ra mavele ni gandzelo ra xona ra swakunwa.+ 26  “‘Kutani hi siku ra vuntlhanu mi nyikela tinkunzi ta kaye, makhuna mambirhi ni swinyimpfana swa 14 swa xinuna, xin’wana ni xin’wana xi ri ni lembe rin’we hi vukhale, swi hanye kahle;+ 27  ni gandzelo ra swona ra mavele ni magandzelo ya swona ya swakunwa+ eka tinkunzi, eka makhuna ni le ka swinyimpfana swa xinuna hi nhlayo ya swona, hi ku landza endlelo ra nkarhi ni nkarhi;+ 28  ni mbuti yin’we yi va gandzelo ra xidyoho,+ ku nga hlayiwi gandzelo ro hisiwa ra nkarhi hinkwawo ni gandzelo ra yona ra mavele ni gandzelo ra yona ra swakunwa.+ 29  “‘Kutani hi siku ra vutsevu mi nyikela tinkunzi ta nhungu, makhuna mambirhi ni swinyimpfana swa 14 swa xinuna, xin’wana ni xin’wana xi ri ni lembe rin’we hi vukhale, swi hanye kahle;+ 30  ni gandzelo ra swona ra mavele+ ni magandzelo ya swona ya swakunwa+ eka tinkunzi, eka makhuna ni le ka swinyimpfana swa xinuna hi nhlayo ya swona, hi ku landza endlelo ra nkarhi ni nkarhi;+ 31  ni mbuti yin’we yi va gandzelo ra xidyoho,+ ku nga hlayiwi gandzelo ro hisiwa ra nkarhi hinkwawo, gandzelo ra yona ra mavele ni magandzelo ya yona ya swakunwa.+ 32  “‘Kutani hi siku ra vunkombo mi nyikela tinkunzi ta nkombo, makhuna mambirhi ni swinyimpfana swa 14 swa xinuna, xin’wana ni xin’wana xi ri ni lembe rin’we hi vukhale, swi hanye kahle;+ 33  ni gandzelo ra swona ra mavele+ ni magandzelo ya swona ya swakunwa+ eka tinkunzi, eka makhuna ni le ka swinyimpfana swa xinuna hi nhlayo ya swona, hi ku landza endlelo ra nkarhi ni nkarhi eka swona;+ 34  ni mbuti yin’we yi va gandzelo ra xidyoho,+ ku nga hlayiwi gandzelo ro hisiwa ra nkarhi hinkwawo, gandzelo ra yona ra mavele ni gandzelo ra yona ra swakunwa.+ 35  “‘Kutani hi siku ra vunhungu mi ta khoma nhlengeletano yo xiximeka.+ Mi nga tshuki mi endla ntirho wihi ni wihi wo tika.+ 36  Mi fanele mi nyikela nkunzi yin’we, khuna rin’we ni swinyimpfana swa nkombo swa xinuna, xin’wana ni xin’wana xi ri ni lembe rin’we hi vukhale, swi hanye kahle, swi va gandzelo ro hisiwa, gandzelo leri endliwaka hi ndzilo ri va nun’hwelo lowu phyuphyisaka eka Yehovha;+ 37  ni gandzelo ra swona ra mavele+ ni magandzelo ya swona ya swakunwa+ eka nkunzi, eka khuna ni le ka swinyimpfana swa xinuna hi nhlayo ya swona, hi ku landza endlelo ra nkarhi ni nkarhi;+ 38  ni mbuti yin’we yi va gandzelo ra xidyoho,+ ku nga hlayiwi gandzelo ro hisiwa ra nkarhi hinkwawo ni gandzelo ra yona ra mavele ni gandzelo ra yona ra swakunwa.+ 39  “‘Leswi mi ta swi nyikela eka Yehovha eminkhubyeni ya n’wina leyi vekiweke,+ handle ka magandzelo ya n’wina ya xitshembiso lexi hlambanyiweke+ ni magandzelo ya n’wina ya ku tirhandzela+ hilaha ku fanaka ni magandzelo ya n’wina yo hisiwa+ ni magandzelo ya n’wina ya mavele+ ni magandzelo+ ya n’wina ya swakunwa+ ni switlhavelo swa n’wina swa xinakulobye.’”+ 40  Kutani Muxe a byela vana va Israyele hinkwaswo leswi Yehovha a swi leriseke Muxe.+

Tinhlamuselo ta le hansi