Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 26:1-65

26  Endzhaku ka ntungu,+ Yehovha a ya emahlweni a byela Muxe na Eliyazara n’wana wa Aroni lowa muprista, a ku:  “Hlayani ntsengo wa ntshungu hinkwawo wa vana va Israyele ku sukela eka malembe ya 20 hi vukhale ku ya ehenhla, hi ku ya hi yindlu ya vatata wa vona, hinkwavo lava va yaka enyimpini eIsrayele.”+  Kutani Muxe na Eliyazara+ lowa muprista va va byela etimbaleni ta le kwandzasini ra Mowabu+ ekusuhi ni Yordani eYeriko,+ va ku:  “[Hlayani ntsengo wa vona] ku sukela eka malembe ya 20 hi vukhale ku ya ehenhla, hilaha Yehovha a leriseke Muxe hakona.”+ Vana va Israyele lava humeke etikweni ra Egipta a ku ri:  Ruveni mativula ya Israyele;+ vana va Ruveni: Eka Hanoko,+ ndyangu wa ka Hanoko; eka Palu,+ ndyangu wa va ka Palu;  eka Hezroni,+ ndyangu wa va ka Hezroni; eka Karimi,+ ndyangu wa va ka Karimi.  Leyi a ku ri mindyangu ya va ka Ruveni, kutani lava va tsarisiweke va vona a va ringana 43 730.+  N’wana wa Palu a ku ri Eliyabu.  Vana va Eliyabu: Nemuwele na Dathani na Abirama. Dathani+ loyi na Abirama+ a va ri lava vitaniweke va ntshungu, lava va lweke na Muxe na Aroni entshungwini wa Kora,+ enkarhini lowu a va lwa na Yehovha. 10  Kutani misava yi pfula nomu yi va mita.+ Loko ku ri Kora u fe eku herisiweni ka ntshungu loko ndzilo wu hisa vanhu va 250.+ Kutani va va xikombiso.+ 11  Kambe vana va Kora a va fanga.+ 12  Vana va Simiyoni+ hi mindyangu ya vona: Eka Nemuwele,+ ndyangu wa va ka Nemuwele; eka Yamini,+ ndyangu wa va ka Yamini; eka Yakini,+ ndyangu wa va ka Yakini; 13  eka Zara, ndyangu wa va ka Zara; eka Xawulo,+ ndyangu wa va ka Xawulo. 14  Leyi a ku ri mindyangu ya va ka Simiyoni: 22 200.+ 15  Vana va Gadi+ hi mindyangu ya vona: Eka Zefoni, ndyangu wa va ka Zefoni; eka Hagi, ndyangu wa va ka Hagi; eka Xuni, ndyangu wa va ka Xuni; 16  eka Ozni, ndyangu wa va ka Ozni; eka Eri, ndyangu wa va ka Eri; 17  eka Arodi, ndyangu wa va ka Arodi; eka Areli,+ ndyangu wa va ka Areli. 18  Leyi a ku ri mindyangu ya vana va Gadi, ya lava va tsarisiweke va vona: 40 500.+ 19  Vana va Yuda+ a ku ri Ere+ na Onani.+ Kambe Ere na Onani va fele etikweni ra Kanana.+ 20  Kutani vana va Yuda a ku ri lava hi mindyangu ya vona: Eka Xela,+ ndyangu wa va ka Xela; eka Faresi,+ ndyangu wa va ka Faresi; eka Zara,+ ndyangu wa va ka Zara. 21  Kutani vana va Faresi a ku ri lava: Eka Hezroni,+ ndyangu wa va ka Hezroni; eka Hamula,+ ndyangu wa va ka Hamula. 22  Leyi a ku ri mindyangu ya Yuda,+ ya lava va tsarisiweke va vona: 76 500.+ 23  Vana va Isakara+ hi mindyangu ya vona a ku ri: Eka Tola,+ ndyangu wa va ka Tola; eka Puvha, ndyangu wa va ka Puvha; 24  eka Yaxubu, ndyangu wa va ka Yaxubu; eka Ximroni,+ ndyangu wa va ka Ximroni. 25  Leyi a ku ri mindyangu ya Isakara, ya lava va tsarisiweke va vona: 64 300.+ 26  Vana va Zebuloni+ hi mindyangu ya vona a ku ri: Eka Seredi, ndyangu wa va ka Seredi; eka Elone, ndyangu wa va ka Elone; eka Yahaliyele,+ ndyangu wa va ka Yahaliyele. 27  Leyi a ku ri mindyangu ya va ka Zebuloni, ya lava va tsarisiweke va vona: 60 500.+ 28  Vana va Yosefa+ hi mindyangu ya vona a ku ri Manase na Efrayimi.+ 29  Vana va Manase+ a ku ri: Eka Makiri,+ ndyangu wa va ka Makiri. Makiri u ve tata wa Giliyadi.+ Eka Giliyadi, ndyangu wa va ka Giliyadi. 30  Lava a va ri vana va Giliyadi: Eka Iyezere,+ ndyangu wa va ka Iyezere; eka Heleke, ndyangu wa va ka Heleke; 31  eka Asiriyele, ndyangu wa va ka Asiriyele; eka Xikeme, ndyangu wa va ka Xikeme; 32  eka Xemida,+ ndyangu wa va ka Xemida; eka Hefere,+ ndyangu wa va ka Hefere. 33  Selofehada n’wana wa Hefere a nga vanga ni vana va majaha, kambe u ve ni vana va vanhwanyana,+ mavito ya vana va vanhwanyana va Selofehada a ku ri Mahela na Nowa, Hogila, Milka na Tirisa.+ 34  Leyi a ku ri mindyangu ya Manase kutani lava va tsarisiweke va vona a va ri 52 700.+ 35  Lava a ku ri vana va Efrayimi+ hi mindyangu ya vona: Eka Xutela,+ ndyangu wa va ka Xutela; eka Bekere, ndyangu wa va ka Bekere; eka Tahani,+ ndyangu wa va ka Tahani. 36  Kutani lava a va ri vana va Xutela: Eka Erani, ndyangu wa va ka Erani. 37  Leyi a ku ri mindyangu ya vana va Efrayimi,+ ya lava va tsarisiweke va vona: 32 500. Lava a va ri vana va Yosefa hi mindyangu ya vona.+ 38  Vana va Benjamini+ hi mindyangu ya vona a ku ri: Eka Bela,+ ndyangu wa va ka Bela; eka Axabela,+ ndyangu wa va ka Axabela; eka Ahiramu, ndyangu wa va ka Ahiramu; 39  eka Xefufami, ndyangu wa va ka Xupimi; eka Hufamu,+ ndyangu wa va ka Hufamu. 40  Vana va Bela a ku ri Aridi na Namani:+ Eka Aridi, ndyangu wa va ka Aridi; eka Namani, ndyangu wa va ka Namani. 41  Lava a va ri vana va Benjamini+ hi mindyangu ya vona, kutani lava va tsarisiweke va vona a va ri 45 600.+ 42  Lava a va ri vana va Dani+ hi mindyangu ya vona: Eka Xuhamu, ndyangu wa va ka Xuhamu. Leyi a ku ri mindyangu ya Dani+ hi mindyangu ya yona. 43  Mindyangu hinkwayo ya va ka Xuhamu, ya lava va tsarisiweke va vona a yi ri 64 400.+ 44  Vana va Axere+ hi mindyangu ya vona a ku ri: Eka Imina,+ ndyangu wa va ka Imina; eka Ixivhi,+ ndyangu wa va ka Ixivhi; eka Beriya, ndyangu wa va ka Beriya; 45  eka vana va Beriya: Eka Hevere, ndyangu wa va ka Hevere; eka Malikiyele,+ ndyangu wa va ka Malikiyele. 46  Kutani vito ra n’wana wa nhwanyana wa Axere a ku ri Sera.+ 47  Leyi a ku ri mindyangu ya vana va Axere,+ ya lava va tsarisiweke va vona: 53 400.+ 48  Vana va Neftali+ hi mindyangu ya vona a ku ri: Eka Yahazili,+ ndyangu wa va ka Yahazili; eka Guni,+ ndyangu wa va ka Guni; 49  eka Yezere,+ ndyangu wa va ka Yezere; eka Xalemi,+ ndyangu wa va ka Xalemi. 50  Leyi a ku ri mindyangu ya Neftali+ hi mindyangu ya yona, kutani lava va tsarisiweke va vona a va ri 45 400.+ 51  Lava a va ri lava tsarisiweke va vana va Israyele: 601 730.+ 52  Endzhaku ka sweswo Yehovha a byela Muxe a ku: 53  “Tiko ri fanele ri averiwa lava, leswaku ri va ndzhaka hi ku ya hi nhlayo ya mavito.+ 54  U fanele u engetela ndzhaka ya munhu hi ku ya hi nhlayo ya yena leyikulu, naswona u ta hunguta ndzhaka+ ya munhu hi ku ya hi nhlayo ya yena leyitsongo. Ndzhaka ya un’wana ni un’wana yi ta nyikiwa hi ku ya hi lava va tsarisiweke vakwe. 55  Tiko ri ta aviwa hi vuhlolotwana+ ntsena. Va fanele va kuma ndzhaka hi ku ya hi mavito ya tinyimba ta vatata wa vona. 56  Ndzhaka ya un’wana ni un’wana yi ta aviwa exikarhi ka lavo tala ni lava va nga riki vangani hi ku ya hi xiboho lexi tiyeke xa vuhlolotwana.” 57  Kutani lava a va ri lava va tsarisiweke eka Valevhi+ hi mindyangu ya vona: Eka Gerixoni,+ ndyangu wa va ka Gerixoni; eka Kohata,+ ndyangu wa va ka Kohata; eka Merari,+ ndyangu wa va ka Merari. 58  Leyi a ku ri mindyangu ya Valevhi: ndyangu wa va ka Libni,+ ndyangu wa va ka Hebroni,+ ndyangu wa va ka Maheli,+ ndyangu wa va ka Muxi+ ni ndyangu wa va ka Kora.+ Kutani Kohata+ a va tata wa Amirama.+ 59  Vito ra nsati wa Amirama a ku ri Yokebedi,+ n’wana wa Levhi loyi nsati wakwe a nga n’wi tswalela Levhi aEgipta. Hi ku famba ka nkarhi a tswalela Amirama, Aroni na Muxe na Meriyamu makwavo wa xisati.+ 60  Kutani Aroni a velekeriwa Nadabu na Abihu+ na Eliyazara na Ithamara.+ 61  Kambe Nadabu na Abihu va file hikwalaho ka ku nyikela ka vona ndzilo lowu nga riki enawini emahlweni ka Yehovha.+ 62  Kutani lava va tsarisiweke va vona a va ringana 23 000, ku ri vaxinuna hinkwavo ku sukela eka n’hweti yin’we hi vukhale ku ya ehenhla.+ A va tsarisiwanga exikarhi ka vana va Israyele,+ hikuva a ku nga ri na ndzhaka leyi a va ta nyikiwa yona exikarhi ka vana va Israyele.+ 63  Lava hi vona va tsarisiweke hi Muxe na Eliyazara lowa muprista loko va tsarisa vana va Israyele etimbaleni ta le kwandzasini ra Mowabu ekusuhi na Yordani eYeriko.+ 64  Kambe exikarhi ka lava, a ku vanga ni wanuna wa lava va tsarisiweke hi Muxe na Aroni lowa muprista loko va tsarise vana va Israyele emananga ya Sinayi.+ 65  Hikuva Yehovha a a vurile malunghana na vona a ku: “Kunene va ta fela emananga.”+ Hikwalaho a ku na wanuna eka vona loyi a a sele handle ka Kalebe n’wana wa Yefune na Yoxuwa n’wana wa Nuni.+

Tinhlamuselo ta le hansi