Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 25:1-18

25  Sweswi Israyele a a tshama eXitimi.+ Kutani vanhu va sungula ku va ni rimbewu leri nga amukelekiki ni vanhwanyana va Mowabu.+  Vavasati a va ta, va vitanela vanhu eswitlhavelweni swa swikwembu swa vona,+ kutani vanhu va sungula ku dya ni ku nkhinsamela swikwembu swa vona.+  Hikwalaho Israyele a tihlanganisa na Bali wa Peyori;+ kutani ku hlundzuka ka Yehovha ku va kukulu ehenhla ka Israyele.+  Hikwalaho Yehovha a byela Muxe a ku: “Teka hinkwavo lava va nga varhangeri va vanhu u va humesela erivaleni eka Yehovha+ va va edyambyini, leswaku ku hlundzuka lokukulu ka Yehovha ku ta tlhela eka Israyele.”  Hiloko Muxe a byela vaavanyisi va Israyele a ku:+ “Un’wana ni un’wana wa n’wina a a dlaye+ vanhu vakwe lava va tihlanganiseke na Bali wa Peyori.”  Kambe waswivo, munhu+ un’wana u tile eka vana va Israyele, a a ta ni wansati+ wa Mumidiyani ekusuhi ni vamakwavo, ematihlweni ya Muxe ni le matihlweni ya ntshungu hinkwawo wa vana va Israyele, loko va ri karhi va rila enyangweni ya ntsonga wa nhlangano.  Loko Finiyasi+ n’wana wa Eliyazara, n’wana wa Aroni lowa muprista a swi vona, xikan’we-kan’we a suka a yima exikarhi ka ntshungu kutani a tamela tlhari rakwe.  Hiloko a n’wi sala endzhaku munhu loyi wa Israyele a nghena entsongeni kutani a va tlhava havambirhi, munhu loyi wa Israyele ni wansati, eswirhweni swakwe swa rimbewu. Kutani ntungu wu yimisiwa ehenhla ka vana va Israyele.+  Lava va feke hikwalaho ka ntungu a va ringana 24 000.+ 10  Kutani Yehovha a byela Muxe a ku: 11  “Finiyasi+ n’wana wa Eliyazara, n’wana wa Aroni lowa muprista u tlherise vukarhi+ bya mina ehenhla ka vana va Israyele hi ku ka a nga pfumeli leswaku va phikizana na mina,+ lerova a ndzi va lovisanga vana va Israyele hi ku sindzisa ka mina ku tinyiketela loku hlawulekeke.+ 12  Hikwalaho ka sweswo vula u ku, ‘Waswivo, ndzi n’wi nyika ntwanano wa mina wa ku rhula. 13  Kutani wu ta va ntwanano wa vuprista hilaha ku nga riki na makumu eka yena ni le ka vana vakwe lava nga ta ta endzhaku ka yena,+ hikwalaho ka leswi a nga pfumelangiki leswaku ku phikizaniwa ni Xikwembu+ xakwe naswona a va kombelela ku rivaleriwa vana va Israyele.’”+ 14  Kutani vito ra munhu wa Israyele loyi a tlhaviweke a fa, loyi a tlhaviweke swin’we ni wansati wa Mumidiyani a ku ri Zimri n’wana wa Salu, ndhuna+ ya yindlu ya vatata wa va ka Simiyoni. 15  Vito ra wansati wa Mumidiyani loyi a tlhaviweke a fa a ku ri Kozibi n’wana wa Suru;+ a a ri murhangeri wa xivongo xa yindlu ya vatata wakwe eMidiyani.+ 16  Endzhaku Yehovha a byela Muxe a ku: 17  “Vamidiyani a va karhatiwe, n’wina mi fanele mi va dlaya,+ 18  hikuva va mi karhata hi swiendlo swa vona swa vukanganyisi+ leswi va swi endleke hi mano eka n’wina, hikwalaho ka Peyori+ ni hikwalaho ka Kozibi+ n’wana wa ndhuna ya Midiyani, makwavo wa xisati loyi a tlhaviweke+ a fa esikwini ra ntungu hikwalaho ka Peyori.”+

Tinhlamuselo ta le hansi