Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 24:1-25

24  Loko Balama a vona leswaku a swi ri swinene ematihlweni ya Yehovha ku katekisa Israyele, a nga fambanga ku fana ni minkarhi+ yin’wana leswaku a ya kuma mihlolo+ leyi nga riki na nkateko, kambe u kongomise xikandza xakwe emananga.  Loko Balama a tlakusa mahlo yakwe a vona Israyele a tshamile hi ku ya hi tinyimba+ takwe, moya wa Xikwembu wu va ehenhla kakwe.+  Hikwalaho a vula marito+ yakwe ya vutlhari a ku: “Marito ya Balama n’wana wa Beyori,Ni marito ya munhu la tiyeke emirini la nga ni tihlo leri nga lemiwangiki,+   Marito ya loyi a twaka marito ya Xikwembu,+Loyi a yaka a ya vona xivono xa Lowa Matimba Hinkwawo+Loko a wela ehansi mahlo ma pfuriwile:+   Mintsonga ya wena ya languteka, Wena Yakobe, titabernakela ta wena ta languteka, Wena Israyele!+   Yi aname mpfhuka wo leha ku fana ni minkova,+Ku fana ni mintanga leyi nga etlhelo ka nambu.+Ku fana ni timhangani leti Yehovha a ti byaleke,Ku fana ni mikedari leyi nga etlhelo ka mati.+   Mati ma tshamela ku huma emakhuwaneni mambirhi ya dzovo,Naswona mbewu yakwe yi le kusuhi ni mati yo tala.+Hosi+ yakwe na yona yi ta tlakuka ku tlula Agaga,+Mfumo wakwe wu ta tlakusiwa.+   Xikwembu xi n’wi humesa aEgipta;Matsutsumelo ya nkunzi yo leva i ya yena.+U ta herisa matiko, lawa ma n’wi tshikilelaka,+U ta phorha marhambu ya wona,+ naswona u ta ma tshovelela hi miseve yakwe.+   U nkhinsamile, u etlele kukota nghala,Kukota nghala, i mani a nga n’wi pfuxaka?+Lava va ku katekisaka hi lava va katekisiweke,+Ni lava va ku rhukanaka hi lava va rhukaniweke.”+ 10  Hiloko ku hlundzuka ka Balaka ku pfurhela Balama kutani a phokotela mavoko,+ Balaka a ya emahlweni a byela Balama a ku: “Ndzi ku vitanele ku ta sandza+ valala va mina, kutani waswivo, u va katekise kanharhu hilaha ku heleleke. 11  Kutani sweswi balekela endhawini ya wena. A ndzi tibyele leswaku ndzi ta ku xixima hakunene,+ kambe waswivo, Yehovha u ku sivele leswaku u xiximiwa.” 12  Kutani Balama a ku eka Balaka: “Xana a ndzi va byelanga ni varhumiwa lava u va rhumeke eka mina ndzi ku, 13  ‘Hambiloko Balaka a a ta ndzi nyika yindlu yakwe yi tele hi silivhere ni nsuku, a ndzi nge swi koti ku tlula xileriso xa Yehovha lerova ndzi endla nchumu lowunene kumbe wo biha wu huma embilwini ya mina. Xin’wana ni xin’wana lexi Yehovha a nga xi vulaka ndzi ta xi vula’?+ 14  Kutani sweswi ndzi ya evanhwini va ka hina. Tana ndzi ku tsundzuxa+ leswi vanhu lava va nga ta ku endla swona endzhaku, emakumu ya masiku.”+ 15  Hikwalaho a vula marito+ yakwe ya vutlhari a ku: “Marito ya Balama n’wana wa Beyori,Ni marito ya munhu la tiyeke emirini la nga ni tihlo leri nga lemiwangiki,+ 16  Marito ya munhu la twaka marito ya Xikwembu,+Ni loyi a tivaka vutivi bya La nge Henhla-henhla—U vone xivono xa Lowa Matimba Hinkwawo+Loko a wela ehansi mahlo ma pfuriwile:+ 17  Ndzi ta n’wi vona+ kambe ku nga ri sweswi;Ndzi ta n’wi vona, kambe a nga ri ekusuhi.Entiyisweni nyeleti+ yi ta huma eka Yakobe,Kunene ni nhonga ya vuhosi yi ta pfuka yi huma eIsrayele.+Kunene u ta tshovelela swivandla leswi nga exikarhi ka mahlo ni tindleve enhlokweni ya Mowabu+Ni ripala ra vana hinkwavo va nkitsikitsi wa nyimpi. 18  Kutani Edomu u fanele a va ndzhaka,+Ina, Seyiri+ u fanele a va ndzhaka ya valala vakwe,+Loko Israyele a kombisa xivindzi xakwe. 19  Munhu u ta huma eka Yakobe a ya eku hluleni,+Kutani u fanele a lovisa un’wana ni un’wana la poneke emutini.”+ 20  Loko a vona Amaleke, a ya emahlweni ni marito yakwe ya vutlhari, a ku:+ “Amaleke a a ri wo sungula eka matiko,+Kambe makumu yakwe eku heteleleni ma ta va ku lovisiwa kakwe.”+ 21  Loko a vona Vakena,+ a ya emahlweni ni marito yakwe ya vutlhari a ku: “Ndhawu ya wena leyi u tshamaka eka yona yi tshame nkarhi wo leha, naswona u tshame eribyeni. 22  Kambe ku ni munhu la nga ta hisa Kayina.+Xana Asiriya u ta ku endla khumbi ku fikela rini?”+ 23  Kutani a ya emahlweni ni marito yakwe ya vutlhari a ku:“Khombo! Xana i mani la nga ta pona loko Xikwembu xi ri tisa?+ 24  Ku ta va ni swikepe swi huma evugima-lwandle bya Kitimi,+Entiyisweni swi ta xanisa Asiriya,+Kunene swi ta xanisa Ebere.Kambe na yena u ta hetelelela a lova.” 25  Endzhaku ka sweswo Balama a suka a yima a tlhelela endhawini yakwe.+ Kutani Balaka na yena a famba.

Tinhlamuselo ta le hansi