Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 21:1-35

21  Kutani Mukanana, hosi ya Aradi+ loyi a a tshama eNegebu+ a twa leswaku Israyele u te hi ndlela ya Atarimi, hiloko a lwa na Israyele naswona a teka van’wana a va endla makhumbi.  Hikwalaho Israyele a endla xitshembiso lexi hlambanyiweke eka Yehovha a ku:+ “Loko hakunene wo nyikela vanhu lava evokweni ra mina, kunene na mina ndzi ta nyikela miti ya vona endzovisweni.”+  Kutani Yehovha a yingisa rito ra Israyele, a nyiketa Vakanana; hiloko va va nyikela swin’we ni miti ya vona endzovisweni. Hikwalaho va thya ndhawu yoleyo vito ra Horma.+  Loko va ri karhi va famba va suka eNtshaveni ya Hore+ hi ndlela ya Lwandle ro Tshwuka va rhendzeleka ni tiko ra Edomu,+ moya-xiviri wa vanhu wu sungula ku karhala hikwalaho ka ndlela.  Kutani vanhu va hambeta va pfukela Xikwembu+ na Muxe+ va ku: “Ha yini mi hi humese aEgipta leswaku hi ta fela emananga?+ Hikuva a ku na xinkwa ni mati,+ naswona moya-xiviri wa hina se wa xi nyenya xinkwa lexi solekaka.”+  Hiloko Yehovha a rhuma tinyoka+ leti nga ni vuxungu exikarhi ka vanhu, kutani ti lumetela vanhu lerova vanhu vo tala va Israyele va fa.+  Eku heteleleni vanhu va ta eka Muxe va ku: “Hi dyohile,+ hikuva hi vulavule hi pfukela Yehovha na wena. Hi vulavulele na Yehovha leswaku a susa tinyoka leti eka hina.”+ Hiloko Muxe a ya vulavulela vanhu.+  Kutani Yehovha a byela Muxe a ku: “Tiendlele nyoka leyi fanaka ni ndzilo u yi hayeka emhandzini ya mfungho. Kutaku loko munhu un’wana ni un’wana a lumiwile, u ta yi languta kutani a hambeta a hanya.”+  Xikan’we-kan’we Muxe a endla nyoka ya koporo+ a yi hayeka emhandzini ya mfungho;+ loko nyoka yi lume munhu kutani a honolela+ nyoka ya koporo, a hambeta a hanya.+ 10  Endzhaku ka sweswo vana va Israyele va suka va ya dzima mixaxa eOboti.+ 11  Kutani va suka eOboti va ya dzima mixaxa eIye-abarima,+ emananga lama nga etlhelo leri nga emahlweni ka Mowabu, etlhelo ra le vuhuma-dyambu. 12  Ku suka kwalaho va ya dzima mixaxa enkoveni wa Serede.+ 13  Ku suka kwalaho va ya dzima mixaxa exifundzheni xa Arinoni,+ lexi nga emananga lama sukelaka endzilakaneni wa Vaamori; hikuva Arinoni i ndzilakana wa Mowabu exikarhi ka Mowabu ni Vaamori. 14  Hi yona mhaka leyi ku vuriwaka leswi ebukwini ya Tinyimpi ta Yehovha: “Vhahebe eSufa ni minkova ya Arinoni 15  ni masungulo ya minkova leyi jikeke yi kongoma etlhelo ra laha Ara+ yi nga kona, naswona yi titshege hi ndzilakana wa Mowabu.” 16  Ku suka kwalaho va ye eBeyera.+ Lexi i xihlovo lexi eka xona Yehovha a byeleke Muxe a ku: “Hlengeleta vanhu leswaku ndzi ta va nyika mati.”+ 17  Hi nkarhi wolowo Israyele a yimbelela risimu a ku:+ “Pfelela, Wena xihlovo! Pfumelelanani na xona! 18  Xihlovo lexi ceriweke hi tihosana. Xi handziwe hi vanhu va xiyimo xa le henhla eka vanhu, Va xi cele hi nhonga ya ndhuna,+ hi tinhonga ta vona.” Kutani ku suka emananga va ye eMatana. 19  Ku suka eMatana va ya eNahaliyele, ku suka eNahaliyele va ya eBamoti.+ 20  Ku suka eBamoti va ya enkoveni lowu nga etikweni ra Mowabu,+ emasungulweni ya Pisiga,+ leyi naveke emahlweni ka Yeximoni.+ 21  Hiloko Israyele a rhuma varhumiwa eka Sihoni+ hosi ya Vaamori a ku: 22  “Ndzi pfumelele ndzi hundza etikweni ra wena. A hi nge hambukeli ensin’wini kumbe entangeni wa vhinya. A hi nge ma nwi mati ya xihlovo. Hi ta famba egondzweni ra hosi kukondza hi hundza endhawini ya wena.”+ 23  Sihoni a nga n’wi pfumelelanga Israyele leswaku a hundza endhawini yakwe,+ kambe Sihoni a hlengeleta vanhu vakwe hinkwavo a huma ku ya hlangana na Israyele emananga, kutani a fika eYahasa+ a sungula ku lwa na Israyele. 24  Hiloko Israyele a n’wi tlhava hi banga+ naswona a teka ndzhaka ya tiko+ ra yena, ku sukela eArinoni+ ku ya eYaboko,+ ekusuhi ni vana va Amone; hikuva Yazere+ i ndzilakana wa vana va Amone.+ 25  Kutani Israyele a teka miti leyi hinkwayo, naswona Israyele a sungula ku tshama emitini leyi ya Vaamori+ hinkwayo, eHexiboni+ ni le ka swimitana hinkwaswo leswi titshegeke ha wona. 26  Hikuva Hexiboni a wu ri muti wa Sihoni.+ Yena a a ri hosi ya Vaamori,+ naswona hi yena la nga lwa ni hosi ya Mowabu eku sunguleni, a teka tiko ra yena hinkwaro evokweni ra yena ku fika eArinoni.+ 27  Hi yona mhaka leyi vaphati va swivuriso swa ku vungunya va nga ta vula va ku: “Tanani eHexiboni. Muti wa Sihoni a wu akiwe naswona a wu yimisiwe wu tiya. 28  Hikuva ndzilo wu hume eHexiboni,+ langavi ri hume emutini wa Sihoni. Wu herise Ara+ wa le Mowabu, vini va tindhawu leti tlakukeke ta Arinoni. 29  Khombo eka wena Mowabu! Kunene mi ta lova N’wina vanhu va Kemoxi!+ Kunene u ta nyiketa vana vakwe va majaha va ri lava balekeke ni vana vakwe va vanhwanyana evukhumbini bya hosi ya Vaamori, Sihoni. 30  Kutani a hi va copeni. Kunene Hexiboni u ta lova ku ya fika eDiboni,+ Ni vavasati ku ya fika eNofa, vavanuna ku ya fika eMedeba.”+ 31  Kutani Israyele a sungula ku tshama etikweni ra Vaamori.+ 32  Hiloko Muxe a rhuma vanhu van’wana ku ya kambela Yazere.+ Kutani va teka swimitana swa rona leswi titshegeke ha rona naswona va hlongola Vaamori lava a va tshama kwalaho.+ 33  Endzhaku ka sweswo va hundzuluka va tlhandluka hi ndlela leyi yaka eBaxani.+ Hiloko Ogo+ hosi ya Baxani a huma ku ta hlangana na vona, yena ni vanhu vakwe hinkwavo, exivandleni xa nyimpi xa Edireyi.+ 34  Kutani Yehovha a byela Muxe a ku: “U nga n’wi chavi,+ hikuva kunene yena ni vanhu vakwe hinkwavo ni tiko+ rakwe ndzi ta swi nyikela evokweni ra wena; u fanele u n’wi endla hilaha u endleke Sihoni hosi ya Vaamori hakona, loyi a a tshama eHexiboni.”+ 35  Hiloko va n’wi dlaya, yena ni vana vakwe ni vanhu vakwe hinkwavo, kukondza ku nga ha ri na loyi a poneke la seleke eka yena;+ kutani va teka ndzhaka ya tiko rakwe.+

Tinhlamuselo ta le hansi