Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 2:1-34

2  Kutani Yehovha a vulavula na Muxe na Aroni a ku:  “Vana va Israyele va fanele va dzima mixaxa, munhu un’wana ni un’wana entlaweni+ wa ka vona wa tinyimba tinharhu, ekusuhi ni swikombiso swa yindlu ya vatata wa vona. Va ta dzima mixaxa va rhendzela ntsonga wa nhlangano, emahlweni ka wona.  “Kutani lava va nga ta dzima mixaxa etlhelo ra le vuxeni ku langutana ni vuhuma-dyambu ku ta va ntlawa wa tinyimba tinharhu wa nxaxa wa Yuda hi mavuthu ya vona, ndhuna ya vana va Yuda i Nasoni+ n’wana wa Aminadaba.  Vuthu rakwe ni lava va tsarisiweke vakwe a va ri 74 600.+  Kutani lava va dzimaka mixaxa etlhelo ka yena ku ta va nyimba ya Isakara,+ ndhuna ya vana va Isakara i Nethanele+ n’wana wa Suwara.  Kutani vuthu rakwe ni lava va tsarisiweke vakwe a va ri 54 400.+  Enyimbeni ya Zebuloni; ndhuna ya vana va Zebuloni i Eliyabu+ n’wana wa Heloni.  Kutani vuthu rakwe ni lava va tsarisiweke vakwe a va ri 57 400.+  “Hinkwavo lava va tsarisiweke va nxaxa wa Yuda a va ri 186 400 hi mavuthu ya vona. Va ta va vo sungula ku suka.+ 10  “Ntlawa wa tinyimba tinharhu wa nxaxa wa Ruveni+ wu ta va etlhelo ra le dzongeni hi mavuthu ya wona, ndhuna ya vana va Ruveni i Elizuri+ n’wana wa Xidewuru. 11  Kutani vuthu rakwe ni lava va tsarisiweke vakwe a va ri 46 500.+ 12  Lava va dzimaka mixaxa etlhelo ka yena ku ta va nyimba ya Simiyoni, ndhuna ya vana va Simiyoni i Xelumiyele+ n’wana wa Zurixadayi. 13  Kutani vuthu rakwe ni lava va tsarisiweke eka vona a va ri 59 300.+ 14  Enyimbeni ya Gadi; ndhuna ya vana va Gadi i Eliyasafa+ n’wana wa Rhuwele. 15  Kutani vuthu rakwe ni lava va tsarisiweke eka vona a va ri 45 650.+ 16  “Hinkwavo lava va tsarisiweke va nxaxa wa Ruveni a va ri 151 450 hi mavuthu ya vona, kutani va ta va va vumbirhi+ ku suka. 17  “Loko ntsonga wa nhlangano+ wu fanele wu suka, nxaxa wa Valevhi+ wu ta va exikarhi ka mixaxa. “Ndlela leyi va nga ta dzima nxaxa wa vona ha yona, va ta suka hi yona ndlela yoleyo,+ un’wana ni un’wana endhawini yakwe, hi ku ya hi mintlawa ya vona ya tinyimba tinharhu. 18  “Ntlawa wa tinyimba tinharhu wa nxaxa wa Efrayimi+ hi mavuthu ya vona wu ta va etlhelo ra vupela-dyambu, ndhuna ya vana va Efrayimi i Elixama+ n’wana wa Amihudi. 19  Kutani vuthu rakwe ni lava va tsarisiweke eka vona a va ri 40 500.+ 20  Kutani etlhelo ka yena ku ta va nyimba ya Manase,+ ndhuna ya vana va Manase i Gamaliyele+ n’wana wa Pedasuru. 21  Kutani vuthu rakwe ni lava va tsarisiweke eka vona a va ri 32 200.+ 22  Enyimbeni ya Benjamini;+ ndhuna ya vana va Benjamini i Abidana+ n’wana wa Gideyoni. 23  Kutani vuthu rakwe ni lava va tsarisiweke eka vona a va ri 35 400.+ 24  “Hinkwavo lava va tsarisiweke va nxaxa wa Efrayimi a va ri 108 100 hi mavuthu ya vona, kutani va ta va va vunharhu+ ku suka. 25  “Ntlawa wa tinyimba tinharhu wa nxaxa wa Dani wu ta va etlhelo ra n’walungu hi mavuthu ya wona, ndhuna ya vana va Dani i Ahiyezere+ n’wana wa Amixadayi. 26  Kutani vuthu rakwe ni lava va tsarisiweke eka vona a va ri 62 700.+ 27  Kutani lava va nga ta dzima nxaxa etlhelo ka yena ku ta va nyimba ya Axere, ndhuna ya vana va Axere i Pagiyele+ n’wana wa Okirani. 28  Kutani vuthu rakwe ni lava va tsarisiweke eka vona a va ri 41 500.+ 29  Enyimbeni ya Neftali;+ ndhuna ya vana va Neftali i Ahira+ n’wana wa Enana. 30  Kutani vuthu rakwe ni lava va tsarisiweke eka vona a va ri 53 400.+ 31  “Hinkwavo lava va tsarisiweke va nxaxa wa Dani a va ri 157 600. Va ta va vo hetelela ku suka+—hi ku ya hi mintlawa ya vona ya tinyimba tinharhu.” 32  Lava a va ri lava tsarisiweke va vana va Israyele hi ku ya hi yindlu ya vatata wa vona; hinkwavo lava tsarisiweke va mixaxa hi mavuthu ya vona a va ri 603 550.+ 33  Kambe Valevhi a va tsarisiwanga+ exikarhi ka vana va Israyele, hilaha Yehovha a leriseke Muxe hakona. 34  Kutani vana va Israyele va endla hinkwaswo hilaha Yehovha a leriseke Muxe+ hakona. Hi yona ndlela leyi va dzimeke mixaxa ya vona ha yona hi mintlawa+ ya vona ya tinyimba tinharhu, naswona hi yona ndlela leyi a va suka+ ha yona, un’wana ni un’wana emindyangwini ya ka vona malunghana ni yindlu ya vatata wakwe.

Tinhlamuselo ta le hansi