Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 19:1-22

19  Yehovha a ya emahlweni a byela Muxe na Aroni a ku:  “Lexi i xileriso xa nawu lowu Yehovha a wu leriseke, a ku, ‘Byela vana va Israyele leswaku va ku tekela thokazi ro tshwuka leri hanyeke kahle, leri nga riki na xisandzu,+ leri nga si tshamaka ri rhwexiwa joko.+  Mi fanele mi ri nyika Eliyazara lowa muprista, yena u ta ri humesela ehandle ka nxaxa, kutani ri fanele ri tlhaviwa emahlweni ka yena.  Eliyazara lowa muprista u fanele a teka ngati yin’wana hi rintiho rakwe, a xuva ngati yin’wana ka nkombo+ hi ku kongoma emahlweni ka ntsonga wa nhlangano.  Kutani thokazi ri fanele ri hisiwa a ri langutile. Dzovo ra rona ni nyama ya rona ni ngati ya rona swin’we ni vulongo bya rona, swi ta hisiwa.+  Kutani muprista u fanele a teka mukedari+ ni hisopa+ ni nguvu ya ribungwana,+ a swi lahlela endzilweni lowu hisaka thokazi.  Muprista u fanele a hlantswa tinguvu takwe naswona a hlamba nyama yakwe hi mati, endzhaku ka sweswo a nga nghena enxaxeni; kambe muprista u fanele a va la nyameke ku fika nimadyambu.  “‘Loyi a ri hiseke u ta hlantswa tinguvu takwe hi mati naswona u fanele a hlamba nyama yakwe hi mati,+ u fanele a va la nyameke ku fika nimadyambu.  “‘Kutani munhu la tengeke u fanele a hlengeleta nkuma+ wa thokazi a wu veka endhawini leyi tengeke ehandle ka nxaxa; va fanele va wu nyika ntshungu wa vana va Israyele, wu va nchumu lowu nga ta hlayiseriwa ku tengisa+ mati. I gandzelo ra xidyoho. 10  Kutani loyi a hlengeletaka nkuma wa thokazi u fanele a hlantswa tinguvu takwe naswona a va la nyameke ku fika nimadyambu.+ “‘Swi ta va nawu wa hilaha ku nga riki na makumu eka vana va Israyele ni le ka muluveri la luveleke exikarhi ka vona.+ 11  Munhu un’wana ni un’wana la khumbaka ntsumbu wa moya-xiviri+ wun’wana ni wun’wana wa munhu, u ta va la nyameke masiku ya nkombo.+ 12  Munhu yoloye u ta titengisa hi wona hi siku ra vunharhu,+ kutani hi siku ra vunkombo u ta va la tengeke. Kambe loko a nga titengisi hi siku ra vunharhu, u ta va la nyameke hi siku ra vunkombo. 13  Un’wana ni un’wana la khumbaka ntsumbu, moya-xiviri wa munhu wihi ni wihi loyi a nga tshukaka a fa, ivi a nga titengisi, u nyamise tabernakela+ ya Yehovha, moya-xiviri wolowo wu fanele wu dlayiwa eIsrayele.+ Hikuva a nga xuviwanga hi mati ya ku n’wi tengisa,+ u tshama a ri la nyameke. Ku nyama kakwe ka ha ri ehenhla ka yena.+ 14  “‘Lowu i nawu loko munhu o tshuka a fela entsongeni: Un’wana ni un’wana la nghenaka entsongeni ni un’wana ni un’wana la nga endzeni ka ntsonga, u ta va la nyameke masiku ya nkombo. 15  Kutani xibya+ xin’wana ni xin’wana lexi pfulekeke lexi ku nga riki na xipfalo lexi tsimbeleriweke ehenhla ka xona, a xi tenganga. 16  Un’wana ni un’wana la nga khumbaka munhu wo karhi enhoveni la dlayiweke hi banga+ kumbe ntsumbu kumbe rhambu+ ra munhu kumbe sirha, u ta va la nyameke masiku ya nkombo. 17  Munhu la nyameke, va fanele va n’wi tekela ntshuri wa laha ku hisiwaka kona gandzelo ra xidyoho, va chela mati lama khulukaka ehenhla ka rona endzeni ka xibya. 18  Munhu la tengeke+ u fanele a teka hisopa+ a yi peta ematini kutani a yi xuva ehenhla ka ntsonga ni le ka swibya hinkwaswo ni le ka mimoya-xiviri leyi a yi ri kwalaho, ni le henhla ka loyi a nga khumba rhambu kumbe loyi a dlayiweke kumbe ntsumbu kumbe sirha. 19  Kutani munhu la tengeke u fanele a yi xuva hi siku ra vunharhu ni hi siku ra vunkombo ehenhla ka loyi a nga tengangiki, naswona u fanele a n’wi tengisa hi siku ra vunkombo exidyohweni xakwe;+ yena u fanele a hlantswa tinguvu takwe naswona a hlamba hi mati, u ta va la tengeke nimadyambu. 20  “‘Kambe munhu la nyameke loyi a nga ta ka a nga titengisi, moya-xiviri wolowo wu fanele wu dlayiwa+ exikarhi ka nhlengeletano, hikuva wu nyamise vukwetsimelo bya Yehovha. A wu xuviwanga hi mati ya ku tengisa. A wu tenganga. 21  “‘Wu fanele wu va nawu wa hilaha ku nga riki na makumu eka vona, leswaku loyi a xuvaka mati ya ku tengisa u fanele a hlantswa tinguvu+ takwe, ni loyi a khumbaka mati ya ku tengisa. U ta va a nyamile ku fikela nimadyambu. 22  Kutani xin’wana ni xin’wana lexi munhu la nyameke a nga xi khumbaka xi ta va xi nga tenganga,+ naswona moya-xiviri lowu wu xi khumbaka wu ta va wu nga tenganga ku fika nimadyambu.’”+

Tinhlamuselo ta le hansi