Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 17:1-13

17  Kutani Yehovha a byela Muxe a ku:  “Byela vana va Israyele naswona u teka nhonga+ yin’we eka vona ya yindlu yin’wana ni yin’wana ya vatata+ wa vona, eka tindhuna ta vona hinkwato, hi ku ya hi yindlu ya vatata wa vona, tinhonga ta 12. U ta tsala vito ra yin’wana ni yin’wana enhongeni ya yona.  Vito ra Aroni u ta ri tsala enhongeni ya Levhi, hikuva ku ni nhonga yin’we eka nhloko ya yindlu ya vatata wa vona.  U fanele u ti veka entsongeni wa nhlangano emahlweni ka Vumbhoni,+ laha ndzi tikombisaka kona hi masiku eka n’wina.+  Lexi nga ta humelela hileswaku munhu loyi ndzi nga ta n’wi hlawula,+ nhonga yakwe yi ta hluka, kunene ndzi ta hunguta ku gunguleriwa+ hi vana va Israyele loku va mi gungulelaka ha kona.”+  Hiloko Muxe a byela vana va Israyele naswona tindhuna ta vona hinkwato ti n’wi nyika nhonga ya ndhuna yin’wana ni yin’wana, nhonga ya ndhuna yin’wana ni yin’wana, hi ku ya hi yindlu ya vatata wa vona, tinhonga+ ta 12; naswona nhonga ya Aroni a yi ri exikarhi ka tinhonga+ ta tona.  Hiloko Muxe a veka tinhonga emahlweni ka Yehovha entsongeni wa Vumbhoni.+  Hi siku leri tlhandlamaka loko Muxe a nghena entsongeni wa Vumbhoni, waswivo, nhonga ya Aroni leyi nga ya yindlu ya Levhi a yi hlukile, a yi hluke swihluke naswona a yi rhumbukile kutani a yi veke tialmondi leti wupfeke.  Hiloko Muxe a humesa tinhonga hinkwato a ti susa emahlweni ka Yehovha a ti yisa eka vana va Israyele hinkwavo, kutani va ti languta naswona un’wana ni un’wana a teka nhonga yakwe. 10  Endzhaku ka sweswo Yehovha a byela Muxe a ku: “Tlherisela nhonga+ ya Aroni emahlweni ka Vumbhoni leswaku yi ta hlayisiwa yi va xikombiso+ eka vana va ku xandzuka,+ leswaku va ta tshika ku ndzi gungulela, leswaku va nga fi.” 11  Xikan’we-kan’we Muxe a endla hilaha Yehovha a n’wi leriseke hakona. U endle tano. 12  Kutani vana va Israyele va byela Muxe va ku: “Sweswi hi ta timeka, hi ta lova, hi ta lova+ hinkwerhu. 13  Mani na mani la tshinelaka,+ a ta ekusuhi ni tabernakela ya Yehovha u ta fa!+ Xana hi fanele hi hela hi ku timeka hi ndlela leyi?”+

Tinhlamuselo ta le hansi