Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 16:1-50

16  Kutani Kora+ n’wana wa Izihara,+ n’wana wa Kohata,+ n’wana wa Levhi+ a suka a yima swin’we na Dathani+ na Abirama+ n’wana wa Eliyabu+ na Oni n’wana wa Pelethi vana va Ruveni.+  Hiloko va suka va yima emahlweni ka Muxe, vona ni vavanuna va 250 va vana va Israyele, tindhuna ta ntshungu, lava vitaniweke enhlanganweni, vavanuna va ndhuma.  Kutani va hlengeletana leswaku va pfukela+ Muxe na Aroni, va ku eka vona: “Swi ringene hi n’wina, hikuva ntshungu hinkwawo ka wona wa kwetsima+ naswona Yehovha u le xikarhi ka wona.+ Kutani, ha yini mi titlakusa ehenhla ka nhlengeletano ya Yehovha?”+  Loko Muxe a swi twa, hi ku hatlisa a wela ehansi hi xikandza.  Kutani a byela Kora ni ntshungu wakwe hinkwawo a ku: “Nimixo Yehovha u ta tivisa loyi a nga wa yena+ ni loyi a kwetsimaka+ ni loyi a faneleke a tshinela eka yena,+ loyi a nga ta n’wi hlawula+ u ta tshinela eka yena.  Endlani leswi: Titekeleni swo tamela+ ndzilo, Kora ni ntshungu+ wakwe hinkwawo,  mi chela ndzilo eka swona ivi mi veka murhi wa risuna ehenhla ka swona mundzuku emahlweni ka Yehovha, kutaku munhu loyi Yehovha a nga ta n’wi hlawula,+ hi yena la kwetsimaka. Swi ringene hi n’wina vana va Levhi!”+  Muxe a ya emahlweni a byela Kora a ku: “Ndzi kombela mi yingisa n’wina vana va Levhi.  Xana i nchumu wutsongo eka n’wina leswi Xikwembu xa Israyele xi mi hambaniseke+ ni ntshungu wa Israyele leswaku xi mi nyikela eka xona leswaku mi ta hambeta mi endla ntirho etabernakeleni ya Yehovha ni ku yima emahlweni ka ntshungu mi wu tirhela,+ 10  nileswaku xi mi tshineta ni vamakwenu hinkwavo, vana va Levhi swin’we na n’wina? Hikwalaho, xana na n’wina mi fanele mi kuma vuprista?+ 11  Hikwalaho ka sweswo wena ni ntshungu wa wena hinkwawo lowu hlengeletaneke, mi pfukela Yehovha.+ Loko ku ri Aroni, wo va yini leswaku n’wina mi n’wi gungulela?”+ 12  Endzhaku Muxe a rhumela rito leswaku ku vitaniwa Dathani na Abirama+ vana va Eliyabu, kambe va ku: “A hi nge tlhandluki!+ 13  Xana i nchumu wutsongo leswi u hi humeseke etikweni leri khulukaka ntswamba ni vulombe leswaku u ta hi dlaya emananga,+ nileswaku u ringeta ku va hosana hilaha ku heleleke ehenhla ka hina?+ 14  Hilaha swi nga hakona a wu hi tisanga etikweni leri khulukaka ntswamba ni vulombe,+ leswaku u hi nyika ndzhaka ya tiko ni ya nsimu ya vhinya. Xana i mahlo ya vanhu lavaya lawa u lavaka ku ma xokola? A hi nge tlhandluki!” 15  Hiloko Muxe a hlundzuka ngopfu kutani a byela Yehovha a ku: “U nga hundzuluki leswaku u languta gandzelo ra vona ra mavele.+ A ndzi tekanga hambi ku ri mbhongolo ni yin’we ya xinuna eka vona, hambi ku ri ku vavisa un’wana wa vona.”+ 16  Kutani Muxe a byela Kora+ a ku: “Wena ni ntshungu hinkwawo wa wena, tanani emahlweni ka Yehovha,+ wena na vona na Aroni, mundzuku. 17  Un’wana ni un’wana wa n’wina a a teke xo tamela ndzilo xakwe, mi chela murhi wa risuna ehenhla ka swona kutani un’wana ni un’wana a nyikela xo tamela ndzilo xakwe emahlweni ka Yehovha, swo tamela ndzilo swa 250, na wena na Aroni, un’wana ni un’wana a ri ni xo tamela ndzilo xakwe.” 18  Hiloko un’wana ni un’wana a teka xo tamela ndzilo xakwe kutani va veka ndzilo ehenhla ka xona naswona va chela murhi wa risuna ehenhla ka xona, va ya yima enyangweni ya ntsonga wa nhlangano swin’we na Muxe na Aroni. 19  Loko Kora a endle leswaku ntshungu+ hinkwawo wu va pfukela enyangweni ya ntsonga wa nhlangano, ku vangama ka Yehovha ku humelela eka ntshungu+ hinkwawo. 20  Kutani Yehovha a byela Muxe na Aroni a ku: 21  “Tihambaniseni+ mi suka exikarhi ka ntshungu lowu, leswaku ndzi wu lovisa+ hi xitshuketa.” 22  Hiloko va wela ehansi hi swikandza, kutani va ku: “Oho Xikwembu, Xikwembu xa mimoya ya nyama+ hinkwayo, xana ku ta dyoha munhu un’we ntsena ivi u hlundzukela ntshungu+ hinkwawo?” 23  Hiloko Yehovha a byela Muxe a ku: 24  “Byela ntshungu u ku, ‘Sukani eka titabernakela ta Kora, Dathani na Abirama!’”+ 25  Endzhaku ka sweswo Mu-xe a suka a yima a ya eka Dathani na Abirama, vakulukumba+ va Israyele va famba na yena. 26  Kutani a vulavula ni ntshungu a ku: “Ndzi kombela mi kendluka emintsongeni ya vavanuna lava vo homboloka, mi nga khumbi nchumu swa vona,+ leswaku mi nga kukuriwi ni swidyoho swa vona hinkwaswo.” 27  Hi ku hatlisa va suka etabernakeleni ya Kora, Dathani na Abirama, ematlhelweni hinkwawo, kutani Dathani na Abirama va huma, va yima enyangweni ya mintsonga+ ya vona swin’we ni vasati va vona ni vana va vona va majaha ni tincece ta vona. 28  Kutani Muxe a ku: “Mi ta tiva hi leswi leswaku Yehovha u rhume mina ku endla swiendlo+ leswi hinkwaswo, ni leswaku a swi humi embilwini+ ya mina: 29  Loko vanhu lava va ta fa hikwalaho ka rifu ra vanhu hinkwavo niloko va ta xupuriwa hi ku xupuriwa ka vanhu hinkwavo,+ ku ta va ku nga ri Yehovha la ndzi rhumeke.+ 30  Kambe loko ku ri nchumu wo karhi lowu tumbuluxiweke,+ lowu Yehovha a wu tumbuluxeke, naswona misava yi fanele yi pfula nomu wa yona yi va mita+ ni hinkwaswo leswi swi nga swa vona, kutani va rhelela eSheol+ va ha hanya, kunene mi ta swi tiva leswaku vanhu lava va tirhisane na Yehovha hi ndlela leyi nga kombisiki xichavo.”+ 31  Kuteloko a heta ku vulavula marito lawa hinkwawo, misava leyi a yi ri ehansi ka vona yi pfuleka.+ 32  Kutani misava yi pfula nomu wa yona yi va mita ni mindyangu ya vona ni vanhu hinkwavo lava a va ri va Kora ni nhundzu+ ya vona hinkwayo. 33  Hiloko va rhelela va ri karhi va hanya eSheol swin’we ni hinkwavo lava a va ri va vona, misava yi va funengeta+ lerova va lova exikarhi ka nhlengeletano.+ 34  Kutani Vaisrayele hinkwavo lava a va va rhendzerile va baleka loko va twa huwa ya vona, hikuva va te: “Hi chava leswaku na hina misava yi nga hi mita!”+ 35  Hiloko ku ta ndzilo wu huma eka Yehovha+ kutani wu herisa vavanuna lava va 250 lava a va nyikela murhi wa risuna.+ 36  Kutani Yehovha a byela Muxe a ku: 37  “Byela Eliyazara n’wana wa Aroni lowa muprista leswaku a teka swo tamela+ ndzilo a swi susa endzilweni lowukulu, ‘Wena u hangalasela ndzilo kwalaho; hikuva swa kwetsima, 38  ni swo tamela ndzilo swa vavanuna lava va dyoheleke mimoya-xiviri+ ya vona. Va fanele va swi endla swi va swiphepherhele swa nsimbi swo lala, swi va swa ku nameka ealitarini,+ hikuva va swi nyikele emahlweni ka Yehovha lerova swi va swo kwetsima; swi ta va xikombiso eka vana va Israyele.’”+ 39  Kutani Eliyazara lowa muprista a teka swo tamela+ ndzilo swa koporo leswi lava va hisiweke a va swi nyikerile, hiloko va swi fula swi va swo nameka ealitarini, 40  swi va xitsundzuxo eka vana va Israyele ku endlela leswaku ku nga vi na munhu la nga tiviwiki+ la nga riki n’wana wa Aroni la nga tshinelaka a ta mbulukisa murhi wa risuna emahlweni ka Yehovha,+ nileswaku ku nga vi na munhu la nga fanaka na Kora ni ntshungu+ wakwe, hilaha Yehovha a n’wi byeleke hakona, ha Muxe. 41  Kutani hi siku leri tlhandlamaka, ntshungu hinkwawo wa vana va Israyele wu sungula ku gungulela Muxe na Aroni+ wu ku: “N’wina mi dlaye vanhu va Yehovha.” 42  Kutani loko ntshungu wu hlengeletanile ku ta pfukela Muxe na Aroni, hiloko va hundzulukela entsongeni wa nhlangano; kutani waswivo, papa a ri wu funengetile, naswona ku vangama ka Yehovha ku humelela.+ 43  Muxe na Aroni va tshinela emahlweni ka ntsonga wa nhlangano.+ 44  Hiloko Yehovha a byela Muxe a ku: 45  “N’wina, sukani exikarhi ka ntshungu lowu, leswaku ndzi wu lovisa hi xitshuketa.”+ Kutani va wela ehansi hi swikandza.+ 46  Endzhaku ka sweswo Muxe a byela Aroni a ku: “Teka xo tamela ndzilo u chela ndzilo lowu humaka ealitarini eka xona+ ivi u chela murhi wa risuna, u hatlisa u ya entshungwini u wu kombelela ku rivaleriwa,+ hikuva xikandza xa Yehovha+ xi hlundzukile. Khombo ri sungurile!” 47  Xikan’we-kan’we Aroni a xi teka, hilaha Muxe a vuleke hakona, a tsutsumela exikarhi ka nhlengeletano; kutani waswivo, khombo a ri sungurile exikarhi ka vanhu. Hiloko a chela murhi wa risuna a kombelela vanhu ku rivaleriwa. 48  Kutani a hambeta a yima exikarhi ka lava va feke ni lava va hanyaka.+ Eku heteleleni ntungu wu yimisiwa.+ 49  Lava va feke va dlayiwa hi ntungu a va ri 14 700, ku nga hlayiwi lava va feke hikwalaho ka Kora. 50  Loko Aroni a tlhelela eka Muxe eku heteleleni, enyangweni ya ntsonga wa nhlangano, ntungu a wu yimisiwile.

Tinhlamuselo ta le hansi