Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 14:1-45

14  Kutani ntshungu hinkwawo wu tlakusa marito ya wona, vanhu va hambeta va humesa marito ya vona va rila+ vusiku byebyo hinkwabyo.  Vana va Israyele hinkwavo va sungula ku gungulela Muxe na Aroni,+ kutani ntshungu hinkwawo wu sungula ku va pfukela, wu ku: “Loko a hi lo fela etikweni ra Egipta kumbe loko a hi lo fela emananga lawa!  Ha yini Yehovha a hi tisa etikweni leri leswaku hi ta wa hi banga?+ Vasati va hina ni vana va hina va ta phangiwa.+ Xana a swi antswi leswaku hi tlhelela aEgipta?”+  Va kale va byelana va ku: “A hi hlawuleni murhangeri hi tlhelela aEgipta!”+  Hiloko Muxe na Aroni va wa hi swikandza+ emahlweni ka nhlengeletano hinkwayo ya ntshungu wa vana va Israyele.  Kutani Yoxuwa n’wana wa Nuni+ na Kalebe n’wana wa Yefune,+ lava va nga ya kambela tiko va handzula tinguvu ta vona hi le xikarhi,+  va byela ntshungu hinkwawo wa vana va Israyele va ku: “Tiko leri hi tsemakanyeke eka rona leswaku hi ya ri kambela i tiko lerinene ngopfu.+  Loko Yehovha a hi tsakela,+ kunene u ta hi nghenisa etikweni leri, a hi nyika rona, tiko leri khulukaka ntswamba ni vulombe.+  Ntsena mi nga xandzukeli+ Yehovha; naswona mi nga va chavi vanhu va tiko+ leriya, hikuva i xinkwa xa hina. Xisirhelelo xa vona xi sukile ehenhla ka vona,+ Yehovha u na hina.+ Mi nga va chavi.”+ 10  Hambiswiritano, ntshungu hinkwawo wu kanela ku va khandla hi maribye.+ Kutani ku vangama ka Yehovha ku humelela eka vana va Israyele+ hinkwavo entsongeni wa nhlangano. 11  Eku heteleleni Yehovha a byela Muxe a ku: “Xana vanhu lava va ta ndzi khoma hi ndlela leyi nga riki na xichavo+ ku fikela rini,+ naswona, xana va ta pfumala ripfumelo eka mina ku fikela rini, eka swikombiso hinkwaswo leswi ndzi swi endleke exikarhi ka vona?+ 12  Inge ndzi va ba hi ntungu ndzi va hlongola, ndzi ku endla tiko lerikulu ni leri nga ni matimba ku va tlula.”+ 13  Kambe Muxe a byela Yehovha a ku: “Vaegipta va ta twa leswaku hi matimba ya wena u rhangele vanhu lava va huma exikarhi ka vona.+ 14  Kutani va ta byela vaaki va tiko leri. Va swi twile leswaku hi wena Yehovha exikarhi ka vanhu lava,+ loyi u humeleleke u va langutile na vona va ku langutile.+ Hi wena Yehovha naswona papa ra wena ri yime ehenhla ka vona, u famba emahlweni ka vona u ri epapeni lerikulu ninhlikanhi ni le ndzilweni lowukulu nivusiku.+ 15  Loko wo dlaya vanhu lava ku fana niloko u dlaya munhu un’we,+ kunene matiko lama tweke ndhuma ya wena ma ta ku, 16  ‘Hikwalaho ka leswi Yehovha a tsandzekeke ku nghenisa vanhu lava etikweni leri a va hlambanyeleke rona, u va dlaye emananga.’+ 17  Oho Yehovha, ndza ku kombela sweswi, kurisa+ matimba ya wena hilaha u vuleke hakona u ku, 18  ‘Yehovha, la hlwelaka ku hlundzuka,+ la teleke musa wa rirhandzu,+ la rivalelaka xihoxo ni ku tlula nawu,+ kambe a nga ka a nga tshiki ku xupula+ la faneriwaka hi ku xupuriwa, la xupulaka vana hikwalaho ka xihoxo xa vatatana, ehenhla ka xitukulwana xa vunharhu ni le henhla ka xitukulwana xa vumune.’+ 19  Ndzi kombela u rivalela xihoxo xa vanhu lava hi ku landza vukulu bya musa wa wena wa rirhandzu, ni hilaha u va rivaleleke hakona vanhu lava ku sukela aEgipta ku ta fikela sweswi.”+ 20  Hiloko Yehovha a ku: “Ndza rivalela hi ku landza rito+ ra wena. 21  Kutani hi tlhelo lerin’wana, leswi ndzi hanyaka, misava hinkwayo yi ta tatiwa hi ku vangama ka Yehovha.+ 22  Kambe vanhu hinkwavo lava va voneke ku vangama+ ka mina ni swikombiso+ swa mina leswi ndzi swi endleke aEgipta ni le mananga kambe va tshamela ku ndzi ringa+ ka khume, va nga yingisanga rito+ ra mina, 23  va nga ka va nga ri voni tiko leri ndzi ri hlambanyeleke vatata wa vona, ina, hinkwavo lava va tirhisanaka na mina hi ndlela leyi nga riki na xichavo, va nga ka va nga ri voni.+ 24  Loko ku ri nandza wa mina Kalebe,+ hikwalaho ka leswi moya lowu hambaneke wu veke eka yena naswona a hambeteke a ndzi landzela+ hilaha ku heleleke, kunene ndzi ta n’wi tisa etikweni leri a yeke eka rona, kutani ri ta va ndzhaka ya vana vakwe.+ 25  Loko Vaamaleke ni Vakanana+ va ha tshama erivaleni ra le hansi, n’wina hundzulukani mundzuku mi suka mi ya emananga hi ndlela ya Lwandle ro Tshwuka.”+ 26  Yehovha a ya emahlweni a byela Muxe na Aroni a ku: 27  “Xana ntshungu lowu wo biha wu ta ya emahlweni wu ndzi gungulela ku fikela rini?+ Ndzi ku twile ku gungula ka vana va Israyele loku va ndzi gungulelaka ha kona.+ 28  Va byele u ku, “‘Leswi ndzi hanyaka,” ku vula Yehovha, “ndzi nga ka ndzi nga mi endli hi ndlela leyi mi vuleke ha yona etindleveni+ ta mina! 29  Mintsumbu ya n’wina yi ta wela+ emananga lawa, ina, hinkwavo lava tsarisiweke va n’wina, va nhlayo ya n’wina, lava va nga ni malembe ya 20 hi vukhale ku ya ehenhla, n’wina lava va ndzi gunguleleke.+ 30  Loko ku ri n’wina, mi nga ka mi nga ngheni etikweni leri ndzi tlakuseke voko+ ra mina ndzi hlambanya leswaku ndzi ta tshama na n’wina, handle ka Kalebe n’wana wa Yefune na Yoxuwa n’wana wa Nuni.+ 31  “‘“Kutani vana va n’wina lava mi vuleke leswaku va ta phangiwa,+ kunene na vona ndzi ta va tisa, hakunene lava va ta ri tiva tiko leri n’wina mi ri bakanyeke.+ 32  Kambe mintsumbu ya n’wina yi ta wela emananga lawa.+ 33  Vana va n’wina va ta va varisi emananga+ malembe ya 40, va ta hlamula hikwalaho ka swiendlo swa n’wina swa vumbhisa,+ kukondza mintsumbu ya n’wina yi hela emananga.+ 34  Hi ku landza nhlayo ya masiku lawa mi kambeleke tiko ha wona, masiku ya 40,+ siku rin’we ri yimela lembe rin’we, siku rin’we ri yimela lembe rin’we,+ mi ta hlamula hikwalaho ka swihoxo swa n’wina malembe ya 40,+ hikuva mi fanele mi swi tiva leswaku swi vula yini ku hambanisiwa na mina.+ 35  “‘“Mina Yehovha ndzi vurile, loko ku nga ri swona leswi ndzi nga ta swi endla eka ntshungu+ lowu wo biha hinkwawo, lowu hlengeletaneke ku lwa na mina: Va ta hela emananga lawa, naswona va ta fela+ kona. 36  Kutani vavanuna lava Muxe a nga va rhuma leswaku va ya kambela tiko, lava loko va vuya va nga endla leswaku ntshungu hinkwawo wu n’wi gungulela, hi ku tisa xiviko xo biha hi tiko+ rero, 37  ina, vavanuna lava va tiseke xiviko xo biha malunghana ni tiko rero va ta dlayiwa hi ntungu emahlweni ka Yehovha.+ 38  Kambe Yoxuwa n’wana wa Nuni na Kalebe n’wana wa Yefune va ta hambeta va hanya eka vavanuna lava a va ye eku kambeleni ka tiko.”’”+ 39  Loko Muxe a byele vana va Israyele hinkwavo marito lawa, vanhu va sungula ku rila swinene.+ 40  Ku tlula kwalaho, va pfuke nimpundzu swinene va ringeta ku tlhandlukela ehenhla ka ntshava, va ku: “Hi hina lava, kutani hi boheka ku tlhandlukela endhawini leyi Yehovha a yi vuleke. Hikuva hi dyohile.”+ 41  Kambe Muxe a ku: “Ha yini mi tlula xileriso xa Yehovha?+ Phela sweswo a swi nge humeleli. 42  Mi nga tlhandluki, hikuva Yehovha a nga kona exikarhi ka n’wina, leswaku mi nga hluriwi emahlweni ka valala+ va n’wina. 43  Hikuva Vaamaleke ni Vakanana va le mahlweni ka n’wina;+ kunene mi ta wa hi banga, hikuva leswi mi tlheleke mi tshika ku landzela Yehovha, Yehovha a nge fambi na n’wina.”+ 44  Hambiswiritano, va tiye nhlana va tlhandlukela ehenhla ka ntshava,+ kambe areka ya ntwanano ya Yehovha na Muxe a swi sukanga exikarhi ka nxaxa.+ 45  Kutani Vaamaleke+ ni Vakanana lava a va tshama entshaveni yoleyo va rhelela, va sungula ku va dlayetela ni ku va hangalasa ku ya fika eHorma.+

Tinhlamuselo ta le hansi