Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 13:1-33

13  Kutani Yehovha a byela Muxe a ku:  “Rhuma vavanuna leswaku va ya kambela tiko ra Kanana, leri ndzi ri nyikaka vana va Israyele.+ Mi ta rhuma wanuna un’we wa nyimba ya vatata wakwe, wanuna un’wana ni un’wana loyi a nga ndhuna+ exikarhi ka vona.”  Hiloko Muxe a va rhuma va suka emananga ya Parani+ hi ku landza xileriso xa Yehovha. Vavanuna hinkwavo a va ri varhangeri va vana va Israyele.  Mavito ya vona hi lawa: Eka nyimba ya Ruveni, Xamuwa n’wana wa Zakuru;  eka nyimba ya Simiyoni, Xafati n’wana wa Hori;  eka nyimba ya Yuda, Kalebe+ n’wana wa Yefune;  eka nyimba ya Isakara, Igali n’wana wa Yosefa;  eka nyimba ya Efrayimi, Hoxeya+ n’wana wa Nuni;  eka nyimba ya Benjamini, Palati n’wana wa Rafu; 10  eka nyimba ya Zebuloni, Gadiyele n’wana wa Sodi; 11  eka nyimba ya Yosefa,+ ku nga nyimba ya Manase,+ Gadayi n’wana wa Susi; 12  eka nyimba ya Dani, Amiyele n’wana wa Gemali; 13  eka nyimba ya Axere, Setura n’wana wa Mikayele; 14  eka nyimba ya Neftali, Nahabi n’wana wa Vhofisi; 15  eka nyimba ya Gadi, Geyuwele n’wana wa Maki. 16  Lawa i mavito ya vavanuna lava Muxe a nga va rhuma leswaku va ya kambela tiko. Kutani Muxe a thya Hoxeya n’wana wa Nuni leswaku i Yehoxuwa.+ 17  Loko Muxe a va rhuma leswaku va ya kambela tiko ra Kanana, u va byele a ku: “Tlhandlukani laha mi ya eNegebu,+ kutani mi tlhandlukela endhawini ya tintshava.+ 18  Mi fanele mi vona leswi tiko+ ri nga xiswona ni vanhu lava va tshamaka eka rona, loko va ri ni matimba kumbe va tsanile, loko va ri vatsongo kumbe va tele; 19  ni leswi tiko leri va tshamaka eka rona ri nga xiswona, loko ri ri rinene kumbe ri bihile, ni miti leyi va tshamaka eka yona, loko yi ri mixaxa kumbe yi ri marhangu; 20  ni leswi tiko ri nga xiswona, loko ri nonile kumbe ri ondzile,+ loko ri ri ni mirhi kumbe ri nga ri na yona. Mi fanele mi va ni xivindzi+ naswona mi teka mihandzu yin’wana ya tiko.” Kutani masiku a ku ri masiku ya mihandzu leyi wupfaka ku sungula ya madiriva.+ 21  Hiloko va tlhandluka va ya kambela tiko ku sukela emananga ya Zini+ ku ya eRehobo,+ ku ya laha ku ngheniwaka ha kona eHamati.+ 22  Loko va tlhandlukele eNegebu,+ va fika eHebroni.+ Kutani Ahimani na Sexayi na Talimayi,+ lava va velekiwaka hi Anaka+ a va ri kwalaho. Kasi Hebroni+ a yi akiwe malembe ya nkombo emahlweni ka Sowana+ wa le Egipta. 23  Loko va fika enkoveni wa Exikoli,+ va tseme kona xihluke xin’we lexi a xi ri ni xichocho xin’we xa madiriva.+ Kutani va xi rhwala hi nhonga leyi a yi rhwariwe hi vavanuna vambirhi, ni magrenada+ ni makuwa. 24  Va thye ndhawu yoleyo va ku i nkova wa Exikoli+ hikwalaho ka xichocho lexi vana va Israyele va nga xi tsema kwalaho. 25  Eku heteleleni, eku heleni ka masiku ya 40,+ va vuya eku kambeleni ka tiko. 26  Kutani va famba va ya fika eka Muxe na Aroni ni le ka ntshungu hinkwawo wa vana va Israyele emananga ya Parani, eKadexi.+ Hiloko va vuya ni rito eka vona, ni le ka ntshungu hinkwawo naswona va va komba mihandzu ya tiko. 27  Kutani va n’wi vikela va ku: “Hi nghene etikweni leri u hi rhumeke eka rona, hakunene ri khuluka ntswamba ni vulombe,+ naswona mihandzu+ ya rona hi leyi. 28  Nilokoswiritano, mhaka hileswaku vanhu lava tshamaka etikweni va ni matimba naswona miti leyi tiyisiweke i yikulu ngopfu;+ naswona vanhu lava velekiweke hi Anaka hi va vonile kona.+ 29  Vaamaleke+ va tshama etikweni ra Negebu+ ni Vaheti ni Vayebusi+ ni Vaamori+ va tshama endhawini ya tintshava, ni Vakanana+ va tshama ekusuhi ni lwandle etlhelweni ra Yordani.” 30  Hiloko Kalebe+ a ringeta ku miyeta vanhu leswaku va yingisa Muxe, a ya emahlweni a ku: “A hi tlhandlukeni hi ku kongoma naswona hi ta ri teka ri va ra hina, hikuva entiyisweni hi nga ri hlula.”+ 31  Kambe vavanuna lava a va tlhandluke na yena va ku: “A hi nge swi koti ku tlhandluka hi ya lwa ni vanhu lavaya, hikuva va ni matimba ku hi tlula.”+ 32  Kutani va hambeta va tisela vana va Israyele xiviko+ xo biha xa tiko leri va nga ri kambela, va ku: “Tiko leri hi tsemakanyeke eka rona leswaku hi ri kambela, i tiko leri dyaka vaaki va rona; vanhu hinkwavo lava hi va voneke exikarhi ka rona i vanhu lavakulu ngopfu.+ 33  Kona hi vone Manefilimi, vana va Anaka+ lava va humaka eka Manefilimi; lerova a hi tivona hi fana ni tinjiya, naswona ematihlweni+ ya vona a hi vonaka hi ndlela yoleyo.”

Tinhlamuselo ta le hansi