Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 12:1-16

12  Kutani Meriyamu na Aroni va pfukela Muxe hikwalaho ka wansati wa Mukuxi loyi a n’wi tekeke, hikuva a a teke+ wansati wa Mukuxi.  A va tshamela ku vula va ku: “Xana Yehovha u vulavule hi Muxe ntsena? Xana a nga vulavulanga na hi hina?”+ Yehovha a a yingisile.+  Munhu loyi Muxe a a rhule+ ku tlula vanhu hinkwavo lava a va ri ehenhla ka vuandlalo bya misava.  Hiloko hi xitshuketa Yehovha a byela Muxe na Aroni na Meriyamu a ku: “Humani hi vunharhu bya n’wina mi ya entsongeni wa nhlangano.” Kutani va huma hi vunharhu bya vona.  Endzhaku ka sweswo Yehovha a rhelela a ri epapeni lerikulu,+ a yima enyangweni ya ntsonga kutani a vitana Aroni na Meriyamu. Hiloko va huma hi vumbirhi bya vona.  A ya emahlweni a ku: “Ndzi kombela mi yingisa marito ya mina. Loko ku tshame ku va ni muprofeta wa Yehovha eka n’wina, a ndzi ta titivisa eka yena hi xivono.+ A ndzi ta vulavula na yena enorhweni.+  A swi tano hi nandza wa mina Muxe!+ U tamerisiwe yindlu+ ya mina hinkwayo.  Ndzi vulavula na yena nomu hi nomu,+ hikwalaho ndzi n’wi komba, handle ko tirhisa mawetana;+ naswona u vona+ ku vonakala ka Yehovha. Kutani, ha yini mi nga chavanga ku pfukela nandza wa mina, mi pfukela Muxe?”+  Hiloko ku hlundzuka ka Yehovha ku va kukulu eka vona, kutani a famba. 10  Papa ri suka ehenhla ka ntsonga, kutani waswivo, Meriyamu a a biwe hi nhlokonho, a basa ku fana ni gamboko.+ Kutani Aroni a hundzulukela eka Meriyamu, kutani waswivo, a a biwe hi nhlokonho.+ 11  Hi ku hatlisa Aroni a byela Muxe a ku: “Ndzi khomele hosi yanga! Ndzi kombela u nga hi rhwexi xidyoho lexi hi weleke eka xona hi vuphukuphuku, ni lexi hi xi endleke!+ 12  Ndza ku kombela, u nga n’wi tshiki a hambeta ku fana ni munhu loyi a feke,+ loyi hafu ya nyama yakwe yi dyiweke hi nkarhi wa ku huma kakwe embelekweni wa mana wakwe!” 13  Kutani Muxe a huwelela eka Yehovha a ku: “Oho Xikwembu, ndza ku kombela! N’wi horise, ndza ku kombela!”+ 14  Hiloko Yehovha a byela Muxe a ku: “Loko tata wakwe o n’wi tshwutelela+ exikandzeni xakwe hi ku kongoma, xana a a nga ta tsongahatiwa masiku ya nkombo? A a tshamisiwe a ri yexe+ ehandle ka nxaxa+ masiku ya nkombo, endzhaku ka sweswo a a amukeriwe enxaxeni.”+ 15  Hikwalaho Meriyamu a tshamisiwa a ri yexe ehandle ka nxaxa masiku ya nkombo,+ naswona vanhu a va sukanga kukondza Meriyamu a amukeriwa enxaxeni. 16  Kutani endzhaku ka sweswo vanhu va suka eHaseroti+ va ya dzima mixaxa emananga ya Parani.+

Tinhlamuselo ta le hansi