Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 11:1-35

11  Kutani vanhu va kotisa vavanuna lava va nga ni nchumu wo biha wa ku vilela ha wona etindleveni ta Yehovha.+ Loko Yehovha a swi twa, a hlundzuka ngopfu naswona ndzilo wa Yehovha wu pfurha ehenhla ka vona wu herisa vanhu van’wana emakumu ka nxaxa.+  Loko vanhu va sungula ku rila eka Muxe, yena a va kombelela eka Yehovha,+ hiloko ndzilo wu timeka.  Kutani ndhawu yoleyo yi thyiwa vito ra Tabera,+ hikuva ndzilo wa Yehovha wu pfurhe ehenhla ka vona.  Hiloko ntshungu+ lowu hlanganeke lowu a wu ri exikarhi ka vona wu kombisa ku navela ka vutianakanyi,+ vana va Israyele na vona va sungula ku rila nakambe va ku: “I mani la nga ta hi nyika nyama, hi dya?+  Hi tsundzuka tinhlampfi leti a hi hamba hi ti dya aEgipta mahala,+ marhakarhaka ni makhalavatla ni swimbowana ni tinyala ni swinyalana!  Kambe sweswi mimoya-xiviri ya hina yi omile. Mahlo ya hina a ma voni nchumu ni wun’we loko ku nga ri manna.”+  Phela, manna+ a yi fana ni mbewu ya khoriyanda,+ yi languteka ku fana ni vurimba bya bedeliyamu.+  Vanhu va hangalaka va yi rholela+ ivi va yi sila emaribyeni kumbe va yi kandza etshurini, va yi sweka etimbiteni+ kumbe va endla swinkwa swa swirhendzevutana, nantswo wa swona a wu fana ni nantswo wa xinkwa+ xo tsokombela lexi cheriweke mafurha.  Kutani loko mberha yi rhelela enxaxeni nivusiku, manna a yi wela ehenhla ka yona.+ 10  Hiloko Muxe a twa vanhu va rila emindyangwini ya vona, munhu un’wana ni un’wana enyangweni ya ntsonga wakwe. Kutani ku hlundzuka ka Yehovha ku tlhela ku va kukulu,+ naswona a swi bihile+ ematihlweni ya Muxe. 11  Hiloko Muxe a ku eka Yehovha: “Ha yini u vangele vubihi eka nandza wa wena, naswona ha yini ndzi nga kumanga tintswalo ematihlweni ya wena, hikuva u veke ndzwalo hinkwawo wa vanhu lava ehenhla ka mina?+ 12  Xana hi mina la tikeke vanhu lava hinkwavo? Xana hi mina loyi a va velekeke lerova u ndzi byela u ku, ‘Va rhwale exifuveni+ xa wena hilaha muhlayisi wa xinuna a rhwalaka hakona n’wana la an’waka,’+ u va yisa emisaveni leyi u hlambanyeleke vatata+ wa vona ha yona? 13  Xana ndzi nga yi kuma kwihi nyama ya ku nyika vanhu lava hinkwavo? Hikuva va tshamela ku ndzi rilela va ku, ‘Hi nyike nyama hi dya!’ 14  A ndzi nge swi koti ku rhwala vanhu lava ndzi ri ndzexe, hikuva va ndzi tikela swinene.+ 15  Kutani loko ku ri yona ndlela leyi u nga ta ndzi endla ha yona, ndzi kombela u ndzi dlaya,+ loko ndzi kume tintswalo ematihlweni ya wena, endla leswaku ndzi nga ri voni khombo ra mina.” 16  Hiloko Yehovha a byela Muxe a ku: “Ndzi hlengeletele vavanuna va 70 eka vakulukumba va Israyele,+ lava u va tivaka leswaku i vakulukumba va vanhu nileswaku i valanguteri va vona,+ u fanele u va yisa entsongeni wa nhlangano, kutani va yima na wena kwalaho. 17  Kutani ndzi ta rhelela+ ndzi ta vulavula na wena kwalaho;+ ndzi ta teka moya+ wun’wana lowu nga ehenhla ka wena ndzi wu veka ehenhla ka vona, va ta ku pfuna ku endla ntirho wo khathalela vanhu leswaku u nga wu endli u ri wexe.+ 18  Kutani u ta byela vanhu u ku, ‘Tihlawulekiseleni siku ra mundzuku,+ kunene mi ta dya nyama, hikuva mi ririle etindleveni ta Yehovha+ mi ku: “I mani la nga ta hi nyika nyama hi dya, hikuva a swi hi fambela kahle aEgipta?”+ Kunene Yehovha u ta mi nyika nyama naswona entiyisweni mi ta yi dya.+ 19  Mi ta yi dya, ku nga ri siku rin’we kumbe masiku mambirhi kumbe masiku ya ntlhanu kumbe masiku ya khume kumbe masiku ya 20, 20  kambe ku ringana masiku lama endlaka n’hweti, kukondza yi huma etinhompfini ta n’wina, yi mi phirha,+ hi leswi ntsena mi bakanyeke Yehovha loyi a nga exikarhi ka n’wina, kutani mi rilile emahlweni ka yena mi ku: “Ha yini hi hume aEgipta?”’”+ 21  Hiloko Muxe a ku: “Vanhu lava ndzi nga exikarhi ka vona i vavanuna lava fambaka hi milenge va 600 000,+ kambe wena—u te, ‘Ndzi ta va nyika nyama, naswona kunene va ta yi dya ku ringana masiku lama endlaka n’hweti’! 22  Xana va ta tlhaveriwa mintlhambi ya tinyimpfu ni mintlhambi ya tihomu leswaku yi va ringana?+ Kumbe, xana va ta phaseriwa tinhlampfi hinkwato ta le lwandle leswaku ti va ringana?” 23  Hiloko Yehovha a byela Muxe a ku: “Xana voko ra Yehovha ri komile, hi swona ke?+ Sweswi u ta vona loko leswi ndzi swi vulaka swi ta humelela kumbe swi nga ta humelela.”+ 24  Endzhaku ka sweswo Muxe a huma a ya byela vanhu marito ya Yehovha. Kutani a hlengeleta vavanuna va 70 va huma eka vakulukumba va vanhu, a va yimisa va rhendzela ntsonga.+ 25  Hiloko Yehovha a rhelela a ri epapeni,+ a vulavula na yena,+ kutani a teka moya+ wun’wana lowu a wu ri ehenhla ka yena a wu veka ehenhla ka un’wana ni un’wana wa vakulukumba va 70. Kuteloko moya wu tshamile ehenhla ka vona, va profeta; kambe a va ha tlhelanga va swi endla.+ 26  Kutani a ku sele vavanuna vambirhi enxaxeni. Vito ra un’wana a ku ri Elidadi kasi vito ra un’wana a ku ri Medada. Moya wu tshama ehenhla ka vona, hikuva a va ri exikarhi ka lava a va tsariwile ehansi, kambe a va nga humanga va ya entsongeni. Kutani va profeta enxaxeni. 27  Hiloko jaha ri tsutsuma ri ya vikela Muxe ri ku: “Elidadi na Medada va profeta enxaxeni!” 28  Kutani Yoxuwa n’wana wa Nuni, mutirheli+ wa Muxe ku sukela evujaheni byakwe a angula a ku: “Hosi yanga Muxe, va sivele!”+ 29  Kambe Muxe a ku eka yena: “Xana u ni mavondzo hikwalaho ka mina? E-e, ndzi navela onge loko vanhu va Yehovha hinkwavo a va ri vaprofeta, hikuva Yehovha a a ta veka moya wakwe ehenhla ka vona!”+ 30  Endzhaku Muxe a tlhelela enxaxeni, yena ni vakulukumba va Israyele. 31  Kutani ku pfuka mheho+ yi huma eka Yehovha yi sungula ku tisa switsatsatsa swi huma elwandle,+ yi swi wisela ehenhla ka nxaxa, mpfhuka wo ringana siku eka tlhelo leri ni mpfhuka wo ringana siku eka tlhelo lerin’wana, swi rhendzela nxaxa hinkwawo, swi va swisungunu swimbirhi ehenhla ka vuandlalo bya misava. 32  Hiloko vanhu va suka va yima siku rero hinkwaro ni vusiku byebyo hinkwabyo ni siku hinkwaro leri landzelaka, va hlengeleta switsatsatsa. Loyi a hlengeletaka leswitsongo u hlengelete mpimo wa tihomere+ ta khume, va hambeta va tianekela swona hinkwako-nkwako va rhendzela nxaxa hinkwawo. 33  Nyama a ya ha ri emenweni ya vona,+ a va nga si yi cakunya loko ku hlundzuka ka Yehovha ku pfurhela+ vanhu, Yehovha a dlaya+ vanhu vo tala ngopfu. 34  Vito ra ndhawu yoleyo ri thyiwa Kibiroti-hatavha,+ hikuva kwalaho va lahle vanhu lava kombiseke ku navela ka vutianakanyi.+ 35  Vanhu va suke eKibiroti-hatavha va ya eHaseroti, va tshama eHaseroti.+

Tinhlamuselo ta le hansi