Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Tinhlayo 1:1-54

1  Yehovha a ya emahlweni a byela Muxe emananga ya Sinayi,+ entsongeni wa nhlangano,+ hi siku ro sungula ra n’hweti ya vumbirhi, elembeni ra vumbirhi ra ku huma ka vona etikweni ra Egipta,+ a ku:  “Hlayani ntsengo+ wa ntshungu hinkwawo wa vana va Israyele hi ku ya hi mindyangu ya vona, hi ku ya hi yindlu ya vatata wa vona, hi nhlayo ya mavito, vaxinuna hinkwavo, nhloko yin’wana ni yin’wana ya vona,  ku sukela emalembeni ya 20 hi vukhale ku ya ehenhla,+ un’wana ni un’wana la yaka enyimpini eIsrayele.+ Mi ta va tsarisa hi ku ya hi mavuthu ya vona, wena na Aroni.  “Vavanuna van’wana va ta va va ri na n’wina, wanuna un’we a yimela nyimba yin’we; un’wana ni un’wana i murhangeri wa yindlu ya vatata+ wakwe.  Lawa i mavito ya vavanuna lava va nga ta va va ri na n’wina: Eka Ruveni,+ Elizuri+ n’wana wa Xidewuru;  eka Simiyoni,+ Xelumiyele+ n’wana wa Zurixadayi;  eka Yuda,+ Nasoni+ n’wana wa Aminadaba;  eka Isakara,+ Nethanele+ n’wana wa Suwara;  eka Zebuloni,+ Eliyabu+ n’wana wa Heloni; 10  eka vana va Yosefa:+ eka Efrayimi,+ Elixama n’wana wa Amihudi; eka Manase,+ Gamaliyele n’wana wa Pedasuru; 11  eka Benjamini,+ Abidana+ n’wana wa Gideyoni; 12  eka Dani,+ Ahiyezere+ n’wana wa Amixadayi; 13  eka Axere,+ Pagiyele+ n’wana wa Okirani; 14  eka Gadi,+ Eliyasafa+ n’wana wa Duwele;+ 15  eka Neftali,+ Ahira+ n’wana wa Enana. 16  Lava hi lava va vitaniweke va ntshungu, tindhuna+ ta tinyimba ta vatata wa vona. I varhangeri va vanhu van’wana ni van’wana va magidi va Israyele.”+ 17  Hiloko Muxe na Aroni va teka vavanuna lava va hlawuriweke hi mavito. 18  Kutani va hlengeleta ntshungu hinkwawo hi siku ro sungula ra n’hweti ya vumbirhi, leswaku ku ta tiveka tinyimba+ ta vona hi ku ya hi mindyangu ya vona endlwini ya vatata wa vona, hi nhlayo ya mavito, ku sukela emalembeni ya 20 hi vukhale ku ya ehenhla,+ nhloko yin’wana ni yin’wana ya vona, 19  hilaha Yehovha a leriseke Muxe hakona; hiloko a va tsarisa+ emananga ya Sinayi. 20  Kutani vana va Ruveni mativula+ ya Israyele, ku velekiwa ka vona hi ku ya hi mindyangu ya vona endlwini ya vatata wa vona, ku endliwa hi ku landza nhlayo ya mavito, murhangeri un’wana ni un’wana wa vona, vaxinuna hinkwavo ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 21  lava va tsarisiweke va nyimba ya Ruveni, a va ri 46 500.+ 22  Eka vana va Simiyoni,+ ku velekiwa ka vona hi ku ya hi mindyangu ya vona endlwini ya vatata wa vona, lava va tsarisiweke vakwe hi nhlayo ya mavito, murhangeri un’wana ni un’wana wa vona, vaxinuna hinkwavo ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 23  lava va tsarisiweke va nyimba ya Simiyoni, a va ri 59 300.+ 24  Eka vana va Gadi,+ ku velekiwa ka vona hi ku ya hi mindyangu ya vona endlwini ya vatata wa vona hi nhlayo ya mavito, ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 25  lava va tsarisiweke va nyimba ya Gadi,+ a va ri 45 650.+ 26  Eka vana va Yuda,+ ku velekiwa ka vona hi ku ya hi mindyangu ya vona endlwini ya vatata wa vona hi nhlayo ya mavito, ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 27  lava va tsarisiweke va nyimba ya Yuda, a va ri 74 600.+ 28  Eka vana va Isakara,+ ku velekiwa ka vona hi ku ya hi mindyangu ya vona endlwini ya vatata wa vona hi nhlayo ya mavito, ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 29  lava va tsarisiweke va nyimba ya Isakara, a va ri 54 400.+ 30  Eka vana va Zebuloni,+ ku velekiwa ka vona hi ku ya hi mindyangu ya vona endlwini ya vatata wa vona hi nhlayo ya mavito, ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 31  lava va tsarisiweke va nyimba ya Zebuloni, a va ri 57 400.+ 32  Eka vana va Yosefa: vana va Efrayimi,+ ku velekiwa ka vona hi ku ya hi mindyangu ya vona endlwini ya vatata wa vona hi nhlayo ya mavito, ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 33  lava va tsarisiweke va nyimba ya Efrayimi,+ a va ri 40 500.+ 34  Eka vana va Manase,+ ku velekiwa ka vona hi ku ya hi mindyangu ya vona endlwini ya vatata wa vona hi nhlayo ya mavito, ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 35  lava va tsarisiweke va nyimba ya Manase, a va ri 32 200.+ 36  Eka vana va Benjamini,+ ku velekiwa ka vona hi ku ya hi mindyangu ya vona endlwini ya vatata wa vona hi nhlayo ya mavito, ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 37  lava va tsarisiweke va nyimba ya Benjamini, a va ri 35 400.+ 38  Eka vana va Dani,+ ku velekiwa ka vona hi ku ya hi mindyangu ya vona endlwini ya vatata wa vona hi nhlayo ya mavito, ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 39  lava va tsarisiweke va nyimba ya Dani, a va ri 62 700.+ 40  Eka vana va Axere,+ ku velekiwa ka vona hi ku ya hi mindyangu ya vona endlwini ya vatata wa vona hi nhlayo ya mavito, ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 41  lava va tsarisiweke va nyimba ya Axere, a va ri 41 500.+ 42  Eka vana va Neftali,+ ku velekiwa ka vona hi ku ya hi mindyangu ya vona endlwini ya vatata wa vona hi nhlayo ya mavito, ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini, 43  lava va tsarisiweke va nyimba ya Neftali, a va ri 53 400.+ 44  Lava hi vona va tsarisiweke, lava Muxe a va tsariseke a ri na Aroni ni tindhuna ta Israyele, vavanuna va 12. Ha un’we a a yimela yindlu ya vatata wakwe. 45  Kutani hinkwavo lava tsarisiweke va vana va Israyele hi ku ya hi yindlu ya vatata wa vona ku sukela emalembeni ya 20 hi vukhale ku ya ehenhla, un’wana ni un’wana la yaka enyimpini eIsrayele, a va ri, 46  ina, hinkwavo lava va tsarisiweke a va ri 603 550.+ 47  Hambiswiritano, Valevhi+ hi ku ya hi tinyimba ta vatata wa vona a va tsarisiwanga eka vona.+ 48  Hikwalaho Yehovha a vulavula na Muxe a ku: 49  “Nyimba ya Levhi hi yona ntsena leyi u nga fanelangiki u yi tsarisa ni ntsengo wa yona u nga tshuki u wu nghenisa eka vana va Israyele.+ 50  Kutani wena, veka Valevhi va lawula tabernakela ya Vumbhoni+ ni swingolongondzwana swa yona hinkwaswo ni hinkwaswo swa yona.+ Hi vona ntsena va nga ta rhwala tabernakela ni swingolongondzwana+ swa yona hinkwaswo, vona va ta tirhela+ eka yona; naswona va ta dzima mixaxa+ va rhendzela tabernakela. 51  Kutani nkarhi hinkwawo loko tabernakela yi suka, Valevhi va ta yi hahlula;+ naswona loko ku dzimiwa nxaxa wa tabernakela, Valevhi va ta wu yimisa; munhu un’wana ni un’wana la nga mufambi, la tshinelaka, u ta dlayiwa.+ 52  “Vana va Israyele va fanele va dzima mixaxa, un’wana ni un’wana hi ku ya hi ntlawa wa nxaxa wa ka vona, naswona munhu un’wana ni un’wana hi ntlawa+ wa ka vona wa tinyimba tinharhu, hi mavuthu ya vona. 53  Kutani Valevhi va ta dzima mixaxa va rhendzela tabernakela ya Vumbhoni, leswaku ntshungu wa vana va Israyele wu nga hlundzukeriwi;+ Valevhi va fanele va endla vutirheli lebyi lavekaka bya tabernakela ya Vumbhoni.”+ 54  Kutani vana va Israyele va hambeta va endla hilaha Yehovha a leriseke Muxe hakona. Va endle tano.+

Tinhlamuselo ta le hansi