Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 9:1-18

9  Vutlhari bya ntiyiso+ byi ake yindlu ya byona;+ byi vatle tiphuphu ta yona ta nkombo.  Byi hlele ku tlhaviwa ka xifuwo xa byona; byi pfanganise vhinyo ya byona; ku tlula kwalaho, byi lulamise tafula ra byona.+  Byi rhume vatirhi va byona va xisati, leswaku byi huwelela byi ri ehenhla ka muti lowu tlakukeke:  “Mani na mani la nga riki na ntokoto, a a hambukele laha.”+ Mani na mani la nga ni mbilu leyi pfumalaka vutlhari+—u n’wi byele a ku:  “Tana, dyana xinkwa xa mina naswona u nwa vhinyo leyi ndzi yi pfanganiseke.+  Siya lava nga riki na ntokoto kutani u hambeta u hanya,+ u famba u lulama hi ndlela ya ku twisisa.”+  Loyi a lulamisaka muhlekuri u tivangela tingana,+ naswona loyi a tshinyaka munhu wo homboloka—u ta nyuma.+  U nga n’wi tshinyi muhlekuri, leswaku a nga ku vengi.+ Tshinya munhu wo tlhariha, u ta ku rhandza.+  Nyika munhu wo tlhariha u ta tshama a tlharihile.+ Nghenisa vutivi eka munhu wo lulama naswona u ta engetela ku dyondza. 10  Ku chava Yehovha i masungulo ya vutlhari,+ naswona ku tiva Lowo Kwetsima Ngopfu hi leswi ku twisisa ku nga swona.+ 11  Hikuva masiku ya wena ma ta tala hikwalaho ka mina,+ naswona u ta engeteriwa malembe ya vutomi.+ 12  Loko u tlharihile, u tlharihile eka wena n’wini;+ loko u hlekurile, u ta swi byarha, wena u ri wexe.+ 13  Wansati wo hunguka wa jakatseka.+ I xiphunta naswona a nga tivi nchumu nikatsongo.+ 14  U tshame enyangweni ya yindlu yakwe, ehenhla ka xitshamo, etindhawini leti tlakukeke ta muti,+ 15  ku huwelela lava hundzaka hi ndlela, lava fambaka hi ku kongoma etindleleni ta vona:+ 16  “Mani na mani la nga riki na ntokoto, a a hambukele laha.”+ Naswona mani na mani la nga ni mbilu leyi pfumalaka vutlhari+—na yena u n’wi byele a ku: 17  “Mati lama yiviweke ma tsokombela,+ ni xinkwa lexi dyiweke exihundleni—xa nandziha.”+ 18  Kambe a nga swi tivi leswaku lava va hluriweke hi rifu va kwalaho, leswaku lava va vitaniweke hi yena va le swivandleni swa le hansi eSheol.+

Tinhlamuselo ta le hansi