Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 7:1-27

7  N’wananga, hlayisa marito ya mina,+ onge u nga tihlayisela swileriso swa mina.+  Hlayisa swileriso swa mina kutani u ya emahlweni u hanya,+ ni nawu wa mina ku fana ni ndzololo+ ya mahlo ya wena.  Swi tsimbe etintihweni ta wena,+ naswona u swi tsala exiphepherheleni xa mbilu ya wena.+  Byela vutlhari+ u ku: “U makwerhu wa xisati”; naswona onge u nga vula ku twisisa u ku, “U xaka ra mina ra xisati,”  leswaku swi ku rindza u nga hlaseriwi hi wansati wa mufambi,+ ni munhu wumbe la endlaka marito yakwe ma rhetela.+  Hikuva ndzi yime efasitereni ra yindlu ya mina, ndzi languta ehansi eka xo siva fasitere+ xa mina,  leswaku ndzi ta va vona kahle lava nga riki na ntokoto.+ A ndzi tsakela vana va vanhu leswaku ndzi ta xiyisisa jaha leri nga ni mbilu leyi pfumalaka vutlhari,+  ri hundza hi xitarata ekusuhi ni yinhla ya yena, kutani ri famba ri ya endlwini ya yena,+  loko ri rhengile,+ nimadyambu ya siku, loko ri sungula ku pela ni ku dzwihala. 10  Waswivo, a ku ri ni wansati la n’wi hlanganisaka, a ri ni nguvu ya nghwavava+ ni mbilu leyi kanganyisaka. 11  U ni pongo naswona u sihalarile.+ Milenge yakwe a yi tshami endlwini yakwe.+ 12  U kumeka ehandle, u kumeka ni le mintsendzeleni,+ naswona u tumbelela+ ekusuhi ni yinhla yin’wana ni yin’wana. 13  Kutani u n’wi khomile, a n’wi ntswontswa.+ U ni vurhena, u sungula ku n’wi byela a ku: 14  “Switlhavelo swa xinakulobye a swi boheleriwe eka mina.+ Namuntlha ndzi hetisise switshembiso swa mina leswi hlambanyiweke.+ 15  Hi yona mhaka leyi ndzi humeke ku ta hlangana na wena, ndzi lava xikandza xa wena, leswaku ndzi ku kuma. 16  Ndzi khavise mubedo wa mina hi swiandlalo, hi swilo swo tala swa mavalavala, ntsembyana wa Egipta.+ 17  Ndzi n’wan’wasele sangu ra mina hi mira, hi timhangani ni sinamoni.+ 18  Tana, a hi nwe ntalo wa rirhandzu ra hina ku fikela nimixo; a hi tiphine havumbirhi bya hina hi swikombiso swa rirhandzu.+ 19  Hikuva nuna wa mina a nga kona endlwini yakwe; u teke riendzo a ya ekule swinene.+ 20  U fambe ni nkwama wa mali. U ta vuya endlwini yakwe loko n’weti wu thwasa.” 21  U hambukise jaha leri hi marito yo tala lama khorwisaka.+ Wa ri kanganyisa hi milomu yo olova.+ 22  Hi xitshuketa wa ri landzelela,+ ku fana ni nkunzi leyi yaka eku dlayiweni, onge hiloko a boheleriwe ku nyikiwa ndzayo hi xiphukuphuku, 23  ku fikela loko nseve wu boxa xivindzi xa rona,+ ku fana niloko nyenyana yi hatlisela exirimbaneni,+ a ri swi tivanga leswaku swi katsa moya-xiviri wa rona.+ 24  N’wina vana, sweswi ndzi yingiseni kutani mi nyikela nyingiso emaritweni ya nomu wa mina.+ 25  Mbilu ya n’wina yi nga hambukeli etindleleni takwe. Mi nga rhendzeleki etindleleni takwe.+ 26  Hikuva va tele lava a endleke leswaku va dlayiwa,+ ni hinkwavo lava dlayiweke hi yena va tele.+ 27  Yindlu+ yakwe i tindlela leti yaka eSheol; ti rhelela ti ya emakamareni ya le mpfungwe ya rifu.+

Tinhlamuselo ta le hansi