Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 6:1-35

6  N’wananga, loko u endle xitiyisekiso ni munhu-kuloni,+ loko u qhavulane ni mu-fambi,+  loko u yengiwile hi marito ya nomu wa wena,+ loko u phasiwile hi marito ya nomu wa wena,  kutani, wena n’wananga, endla leswi landzelaka, u tikutsula, hikuva u tile exandleni xa munhu-kuloni:+ Famba u ya titsongahata, u ya kombela munhu-kuloni.+  Mahlo ya wena u nga ma nyiki vurhongo, hambi ku ri ku khudzeherisa mahlo ya wena lama vangamaka.+  Tikutsule ku fana ni mhala evokweni ni nyenyana evokweni ra muphasi wa tinyenyana.+  Yana eka vusokoti,+ wena lolo;+ vona tindlela ta byona kutani u tlhariha.  Hambileswi byi nga riki na ndhuna, murhangeri kumbe mufumi,  byi lunghiselela swakudya swa byona hi ximumu;+ byi va byi hlengelete swakudya swa byona hi nkarhi wa ntshovelo.  Wena lolo, u ta etlela ku fikela rini?+ U ta pfuka rini evurhongweni bya wena?+ 10  Ku etlelanyana, ku khudzehelanyana, ku khondlanyana mavoko u etlela,+ 11  kunene vusiwana bya wena byi ta ta ku fana ni munhu la tsendzelekaka,+ ni ku navela ka wena ku fana ni munhu la hlomeke.+ 12  Munhu la nga pfuniki nchumu,+ munhu wo biha, u famba-famba hi rito ro homboloka,+ 13  a tsopeta tihlo,+ a fungha-fungha hi nenge, a kowetela hi tintiho.+ 14  Leswi humeke endleleni swi le mbilwini+ yakwe. U kunguhata swilo swo biha nkarhi hinkwawo.+ U tshamela ku hlohlotela timholovo.+ 15  Hi yona mhaka leyi khombo rakwe ri nga ta ta hi xitshuketa;+ u ta tshoviwa hi xinkarhana, a nge horisiwi.+ 16  Ku ni swilo swa tsevu leswi Yehovha a swi vengaka;+ ina, swilo swa nkombo leswi nyenyetsaka moya-xiviri wakwe:+ 17  mahlo lama titlakusaka,+ ririmi ra vunwa,+ ni mavoko lama halataka ngati leyi nga riki na nandzu,+ 18  mbilu leyi kunguhataka makungu yo biha,+ milenge leyi hatlaka ku tsutsumela evubihini,+ 19  mbhoni ya vunwa leyi tisungulelaka mavunwa,+ ni loyi a hlohlotelaka timholovo exikarhi ka vamakwavo.+ 20  N’wananga, hlayisa xileriso xa tata wa wena,+ u nga wu fularheli nawu wa mana wa wena.+ 21  Wu tsimbelele embilwini ya wena nkarhi hinkwawo;+ wu bohe enhan’wini+ ya wena. 22  Wu ta ku rhangela loko u famba-famba;+ loko u etlela, wu ta tshama wu ku rindzile;+ naswona loko u pfukile, wu ta khathala ha wena. 23  Hikuva xileriso i rivoni,+ naswona nawu i ku vonakala,+ ku tshinya ka ndzayo i ndlela ya vutomi,+ 24  ku ku rindza eka wansati wo biha,+ eka ririmi ro tsokombela ra wansati wumbe.+ 25  U nga ku naveli ku saseka ka yena embilwini ya wena,+ naswona a nga ku koki hi mahlo yakwe lama navelekaka,+ 26  hikuva munhu u saleriwa hi xinkwa xa xirhendzevutana hikwalaho ka wansati la nga nghwavava;+ kambe loko ku ri nsati wa munhu un’wana, u hlota ni moya-xiviri wa risima.+ 27  Xana munhu a nga hlengeleta ndzilo exifuveni xakwe kambe tinguvu takwe ti nga tshwi?+ 28  Xana munhu a nga famba ehenhla ka makala kambe milenge yakwe yi nga vavuki? 29  Swi tano hi munhu la tivanaka ni nsati wa munhu-kulobye,+ a nga kona la n’wi khumbaka la nga ta ka a nga xupuriwi.+ 30  Vanhu a va ri languteli ehansi khamba hikwalaho ka leswi ntsena ri endlaka vukhamba leswaku ri ta xurhisa moya-xiviri wa rona loko wu ri ni ndlala. 31  Kambe loko ri kumeka, ri fanele ri tlherisela ka nkombo; ri ta humesa swilo swa rona leswi nga swa nkoka hinkwaswo endlwini ya rona.+ 32  Un’wana ni un’wana la endlaka vuoswi ni wansati u ni mbilu yo hunguka;+ loyi a swi endlaka u lovisa moya-xiviri wakwe.+ 33  U ta kuma khombo ni tingana,+ naswona ndzhukano wakwe a wu nge herisiwi.+ 34  Hikuva vukarhi bya munhu la tiyeke emirini i vukwele,+ naswona a nge kombisi ntsetselelo hi siku ra ku rihisela.+ 35  A nge ehleketi nchumu hi nkutsulo wa muxaka wun’wana ni wun’wana, a nge kombisi ni ku swi rhandza, ku nga khathariseki leswaku u endla nyiko yi va yikulu ku fikela kwihi.

Tinhlamuselo ta le hansi