Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 5:1-23

5  N’wananga, yingisa+ vutlhari bya mina. Rhiya ndleve u yingisa ku twisisa ka mina,+  leswaku u rindza vuswikoti bya ku ehleketa;+ onge milomu ya wena yi nga hlayisa vutivi.+  Hikuva milomu ya wansati la nga tiviwiki yi hambeta yi thona kukota xihlenge xa vulombe,+ malaka yakwe ma olova ku tlula mafurha.+  Kambe vuyelo lebyi kumekaka hikwalaho ka yena byi bava ku fana ni xibaha;+ byi kariha ku fana ni banga leri tsemaka matlhelo mambirhi.+  Milenge yakwe yi rhelela eku feni.+ Milenge yakwe yi khomelela eSheol.+  A nga anakanyisisi hi ntila wa vutomi.+ Mintila yakwe yi tsendzelekele lomu a nga ku tiviki.+  N’wina vana, sweswi ndzi yingiseni+ naswona mi nga fularheli marito ya nomu wa mina.+  Hlayisa ndlela ya wena yi ri ekule swinene na yena, naswona u nga tshineli ekusuhi ni nyangwa ya yindlu yakwe,+  leswaku u nga nyiki van’wana xindzhuti xa wena,+ hambi ku ri malembe ya wena eka swilo leswi nga ni tihanyi;+ 10  leswaku vafambi va nga tienerisi hi matimba ya wena,+ hambi ku ri swilo leswi u swi kumeke hi ku vaviseka swi nga vi endlwini ya munhu wumbe,+ 11  hambi ku ri ku konya enkarhini lowu taka+ loko nyama ya wena ni miri wa wena swi hela.+ 12  Kutani u ta boheka ku vula u ku: “Ndzayo+ a ndzi yi venga swinene naswona mbilu ya mina a yi ku xiximi ku tshinyiwa!+ 13  A ndzi ri yingisanga rito ra valeteri va mina,+ naswona a ndzi yi rhiyanga ndleve ya mina ku yingisa vadyondzisi va mina.+ 14  Hi ku olova ndzi nghene evubihini+ bya mixaka hinkwayo exikarhi ka nhlengeletano ni ntshungu.”+ 15  Nwana mati lama humaka exihlobyeni xa wena ni mati lama pfelelaka ekheleni ra wena.+ 16  Xana swihlovo swa wena swi nga hangalaka ehandle ka tinyangwa,+ swinambyana swa wena swa mati emintsendzeleni? 17  A swi ve swa wena u ri wexe, swi nga vi swa vafambi lava u nga na vona.+ 18  Xihlovo xa wena xa mati a xi katekisiwe,+ u tsaka hi nsati wa vuntshwa bya wena,+ 19  mhunti leyi rhandzekaka ni nhongo yo xonga ya le ntshaveni.+ Mavele yakwe a ma ku pyopye minkarhi hinkwayo.+ Onge u nga tshama u nyanyukile nkarhi hinkwawo hi rirhandzu rakwe.+ 20  Kutani, ha yini wena n’wananga, u fanele u nyanyuka hikwalaho ka wansati la nga tiviwiki kumbe u angarha xifuva xa wansati wumbe?+ 21  Hikuva tindlela ta munhu ti le mahlweni ka mahlo ya Yehovha,+ naswona u anakanyisisa hi mintila yakwe hinkwayo.+ 22  Swihoxo swakwe swi ta phasa lowo homboloka,+ naswona u ta n’wi khoma hi mapindza ya xidyoho xakwe.+ 23  Hi yena la nga ta fa hikwalaho ka leswi ndzayo+ yi nga riki kona, naswona wa pepetseka hikwalaho ka vuphukuphuku byakwe byo tala.+

Tinhlamuselo ta le hansi