Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 31:1-31

31  Marito ya Lemuwele lowa hosi, rungula ra ntikelo+ leri mana wakwe a n’wi tshinyeke ha rona:+  Xana mina ndzi ri yini, Wena n’wananga, naswona i yini, Wena n’wana wa khwiri ra mina,+ naswona i yini, Wena n’wana wa switshembiso swa mina leswi hlambanyiweke?+  U nga nyiki vavasati ntamu wa wena lowukulu,+ ni tindlela ta wena eka leswi vangaka ku herisiwa ka tihosi.+  A hi swa tihosi, Wena Lemuwele, a hi swa tihosi ku nwa vhinyo kumbe tindhuna leti tlakukeke ku vula va ku: “Xana swakunwa leswi pyopyaka swi kwihi?”+  leswaku munhu a nwa kutani a rivala leswi lerisiweke kutani a soholota mhaka ya vana lava xanisekaka.+  Humesani swakunwa leswi pyopyaka, mi nyika loyi a nga le kusuhi ni ku lova,+ ni lava va vavisekeke eka moya-xiviri mi va nyika vhinyo.+  A a nwe kutani a rivala vusiwana byakwe, naswona a nga ha ku tsundzuki ku karhateka kakwe.  Pfula nomu wa wena u vulavula ni la nga vulavuriki,+ hi mhaka ya vanhu hinkwavo lava hundzaka kwalaho.+  Pfula nomu wa wena, avanyisa hi ku lulama, u rivalela nandzu wa la xanisekaka ni la nga xisiwana.+ א [ʼA′leph] 10  A nga kumiwa hi mani nsati la fanelekaka?+ Ntikelo wakwe wu wu tlula ekule wa tikorala. ב [Behth] 11  Mbilu ya n’wini wakwe ya n’wi tshemba, naswona a ku na mpindzulo lowu pfumalekaka.+ ג [Gi′mel] 12  U hakele n’wini wakwe hi leswinene, hayi hi swo biha, emasikwini hinkwawo ya ku hanya kakwe.+ ד [Da′leth] 13  U lave voya ni ntsembyana, naswona u endla leswi mavoko yakwe ma tsakelaka ku swi endla.+ ה [Heʼ] 14  U fana ni swikepe swa mubindzuri.+ U tisa swakudya swi huma ekule. ו [Waw] 15  U pfuka ka ha ri vusiku,+ kutani a nyika vandyangu wakwe swakudya, ni xiphemu lexi averiweke malandza yakwe ya vanhwanyana.+ ז [Za′yin] 16  U vone nsimu kutani a yi xava;+ u rime nsimu ya vhinya yi va mbhandzu wa mavoko yakwe.+ ח [Chehth] 17  U khame masenge hi ntamu, naswona u tiyisa mavoko yakwe.+ ט [Tehth] 18  U swi lemukile leswaku bindzu rakwe i rinene; rivoni rakwe a ri timeki nivusiku.+ י [Yohdh] 19  Voko rakwe u ri tshambulutele enhongeni yo luka, naswona u khome nhonga ya ku swula hi mavoko yakwe.+ כ [Kaph] 20  Xandla xakwe u xi tshambulutele eka munhu la xanisekaka, ni voko rakwe u ri tshambulutele eka xisiwana.+ ל [La′medh] 21  A nga chavi gamboko hikwalaho ka vandyangu wakwe, hikuva vandyangu wakwe hinkwavo va ambale tinguvu timbirhi.+ מ [Mem] 22  U tiendlele swiandlalo.+ Swiambalo swakwe i ntsembyana ni voya lebyi pendiweke byi va bya xivunguvungu.+ נ [Nun] 23  N’wini+ wakwe i munhu la tiviwaka etinyangweni,+ loko a tshama ehansi ni vakulukumba va tiko. ס [Sa′mekh] 24  U endle ni tinguvu ta le ndzeni+ kutani a ti xavisa, van’wamabindzu u va nyike mavamba. ע [ʽA′yin] 25  Ntamu ni ku vangama i swiambalo swakwe,+ naswona u hleka siku leri landzelaka.+ פ [Peʼ] 26  Nomu wakwe u wu pfule hi vutlhari,+ naswona nawu wa musa wa rirhandzu wu le ririmini rakwe.+ צ [Tsa·dheh′] 27  U languta leswi endlekaka eka vandyangu wakwe, naswona a nga xi dyi xinkwa xa vulolo.+ ק [Qohph] 28  Vana vakwe va pfukile kutani va n’wi vula la tsakeke;+ n’wini wakwe wa pfuka, kutani a n’wi dzunisa.+ ר [Rehsh] 29  Ku ni vanhwanyana+ vo tala lava tikombiseke va faneleka, kambe wena—u le henhla ka vona hinkwavo.+ ש [Shin] 30  Vuxongi byi nga ha va vunwa,+ ku saseka ku nga ha va vuhava;+ kambe wansati la chavaka Yehovha hi yena loyi a tikumelaka ku dzunisiwa.+ ת [Taw] 31  N’wi nyikeni mihandzu ya mavoko yakwe,+ naswona mintirho yakwe a yi n’wi dzunise ni le tinyangweni.+

Tinhlamuselo ta le hansi