Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 27:1-27

27  U nga tibumi hi siku leri tlhandlamaka,+ hikuva a wu swi tivi leswi siku ri nga ta swi veleka.+  Onge u nga dzunisiwa hi mufambi, hayi hi nomu wa wena; onge munhu wumbe a nga endla tano, hayi milomu ya wena.+  Ku tika ka ribye ni ndzhwalo lowu nga sava+—kambe ku dyiwa hi mbitsi ka xiphukuphuku ku tika ku tlula sweswo haswimbirhi.+  Ku ni vukarhi bya tihanyi, ni ku hlundzuka loku nga ndhambi,+ kambe i mani la nga yimaka emahlweni ka mavondzo?+  Ka antswa ku tshinyiwa+ loku hlavuteriweke ematshan’weni ya rirhandzu leri tumbeleke.  Timbanga leti endliweke hi murhandziwa ta tshembeka,+ kambe ku ntswontswa ka loyi a vengaka ka nyangatsa.+  Moya-xiviri lowu xurheke wu ta xi kandziyela ehansi xihlenge xa vulombe, kambe xin’wana ni xin’wana xo bava xa tsokombela eka moya-xiviri lowu nga ni ndlala.+  Munhu la balekaka endhawini yakwe,+ u fana ni nyenyana leyi balekaka exisakeni xa yona.+  Mafurha ni murhi wa risuna+ hi swona leswi tsakisaka mbilu, ni ku nyanganya ka nakulobye hikwalaho ka xitsundzuxo xa moya-xiviri.+ 10  U nga n’wi tshiki nakuloni ni nakulobye wa tata wa wena, naswona u nga ngheni endlwini ya makwenu hi siku ra wena ra khombo. Wa antswa muakelani la nga ekusuhi ku ri ni makwenu loyi a nga ekule.+ 11  N’wananga, tlhariha u tsakisa mbilu yanga,+ leswaku ndzi ta angula loyi a ndzi tlhontlhaka.+ 12  Lowo tlhariha la voneke khombo u tumberile;+ loyi a nga riki na ntokoto la hundzeke kwalaho u xupuriwile.+ 13  Teka nguvu ya yena, loko yoloye a endle xitiyisekiso ni mufambi;+ naswona eka wansati wumbe, teka xitiyisekiso xa nandzu eka munhu yoloye.+ 14  Loyi a katekisaka munhu-kulobye hi rito lerikulu nimpundzu swinene, swi ta fana ni ndzhukano eka yena.+ 15  Nsati wa mholovo u fana ni lwangu leri hlongolaka munhu hi siku ra mpfula leyi nga xiki.+ 16  Un’wana ni un’wana la n’wi sirhelelaka u sirhelela mheho, naswona voko rakwe ra xinene ri kuma mafurha. 17  Nsimbi yi lotiwa hi nsimbi. Hi ndlela leyi fanaka munhu u lota xikandza xa un’wana.+ 18  Loyi a hlayisaka nkuwa u ta dya mbhandzu wa wona,+ naswona loyi a rindzaka n’wini wakwe u ta xiximiwa.+ 19  Hilaha xikandza xi fanaka ni xikandza ematini, yi tano mbilu ya munhu eka ya munhu un’wana. 20  Sheol ni ndhawu ya ndzoviso+ a swi eneriseki;+ hambi ku ri mahlo ya munhu a ma eneriseki.+ 21  Mbita ya ku tengisa i ya silivhere,+ ni khele ra ndzilo i ra nsuku;+ naswona munhu u fambisana ni ku dzunisa kakwe.+ 22  Hambiloko wo kandza xiphukuphuku hi musi xi sileka etshurini, exikarhi ka mavele lama kandziweke, vuphukuphuku bya xona a byi nge suki eka xona.+ 23  U fanele u ku tiva kahle ku yima ka ntlhambi wa wena. Veka mbilu ya wena emintlhambini ya wena;+ 24  hikuva xuma a xi nge tshami hilaha ku nga riki na makumu,+ hambi ku ri xidlodlo eswitukulwaneni hinkwaswo. 25  Byanyi bya rihlaza a bya ha ri kona, naswona ku mile byanyi lebyintshwa, kutani swimila swa tintshava swi hlengeletiwile.+ 26  Makhuna lamatsongo i ya swiambalo swa wena,+ naswona swiphongo i swa nxavo wa masimu. 27  Ku ni ntswamba lowu eneleke wa timbuti lowu nga ta va swakudya swa wena, swakudya swa vandyangu wa wena, ni swa ku tihanyisa+ ha swona swa vanhwanyana va wena.

Tinhlamuselo ta le hansi