Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Swivuriso 26:1-28

26  Ku vangama a ku xi faneli xihunguki,+ ku fana ni gamboko hi ximumu ni mpfula hi nkarhi wa ntshovelo.+  Ndzhukano a wu ti ku nga ri na xivangelo lexi twalaka, ku fana nileswi nyenyana yi nga ni xivangelo xo baleka ni nyenga yi nga ni xivangelo xo haha.+  Nkharisa i wa hanci,+ tomu+ i ra mbhongolo, kasi nkhavi i wa nhlana wa swihunguki.+   U nga xi hlamuli xihunguki hi ku landza vuphukuphuku bya xona, leswaku na wena u nga fani na xona.+  Hlamula xihunguki hi ku landza vuphukuphuku bya xo-na, leswaku xi nga tlharihi ematihlweni ya xona.+  Loyi a tlhandlekaka mhaka evokweni ra xihunguki u fana ni munhu la tsemaka milenge yakwe, u fana ni munhu la nwaka madzolonga ntsena.+  Xana milenge ya munhu la khutaka ya swi kota ku ka mati? Loko swi ri tano ku ni marito ya vutlhari enon’wini wa swihunguki.+  Loyi a vangamisaka xihunguki,+ u fana ni munhu la fihlaka ribye enhulwini ya maribye.  Xivuriso lexi nga enon’wini wa vanhu vo hunguka, xi fana ni mfava wa mitwa lowu mileke evokweni ra xidakwa.+ 10  Loyi a tholaka xihunguki+ kumbe loyi a tholaka munhu la hundzaka hi ndlela, u fana ni mucopi la tlhavaka hinkwaswo. 11  Xihunguki xi phindha vuphukuphuku bya xona ku fana ni mbyana leyi vuyelaka emahlanteni ya yona.+ 12  Xana u n’wi vonile munhu la tlhariheke ematihlweni yakwe?+ Ku ni ntshembo lowukulu eka xihunguki+ ematshan’weni yakwe. 13  Lolo ri te: “Ku ni xinghalana endleleni, nghala yi le xikarhi ka mintsendzele.”+ 14  Nyangwa yi hambeta yi ndzuluka exikulekweni xa yona, ni lolo esangwini ra rona.+ 15  Lolo ri fihle voko ra rona enkambaneni; a ri na matimba nikatsongo leswaku ri ri tlherisela enon’wini wa rona.+ 16  Lolo ri tlharihile ematihlweni+ ya rona ku tlula vanhu va nkombo lava angulaka leswi twalaka. 17  Munhu la hundzaka hi ndlela kambe a hlundzukisaka hi mholovo leyi nga riki ya yena u fana ni munhu la khomaka tindleve ta mbyana.+ 18  Ku fana ni munhu loyi a pengaka la copaka miseve ya vukarhi,+ miseve ni rifu, 19  u tano munhu la kanganyiseke munhu-kulobye kutani a ku: “Xana a ndzi ngo tlanga?”+ 20  Laha tihunyi ti nga riki kona, ndzilo wa timeka, naswona laha ku nga riki na mulumbeti, mholovo a yi vi kona.+ 21  Munhu wa mholovo+ la hlohlotelaka leswaku ku va ni ku hambana, u fana ni kala leri endlaka tinhlahle ni ntsandza lowu endlaka ndzilo. 22  Marito ya mulumbeti ma fana ni swilo leswi faneleke swi dyiwa hi makolo, leswi rhelelaka swi ya eswiphen’wini swa le ndzeni-ndzeni ka khwiri.+ 23  Milomu yo saseka leyi fambisanaka ni mbilu yo biha, yi fana ni xifunengeto xa silivhere lexi namekiweke ehenhla ka xibya xa vumba.+ 24  Munhu la nga ni rivengo u tiendla a nga xiyeki hi milomu yakwe, kambe endzeni kakwe u veka vuxisi.+ 25  Hambileswi a endlaka rito rakwe ri va ni nsovo,+ u nga n’wi kholwi,+ hikuva ku ni swilo swa nkombo leswi nyenyetsaka+ embilwini yakwe. 26  Rivengo ri funengetiwa hi vuxisi. Vubihi byakwe byi ta fununguriwa enhlengeletanweni.+ 27  Loyi a celaka mugodi u ta wela eka wona,+ ni loyi a khunguluxaka ribye—ri ta tlhelela eka yena.+ 28  Ririmi ra vunwa ri venga loyi ri n’wi pfotloseke,+ naswona nomu lowu tikurisaka wu vangela ku hluriwa.+

Tinhlamuselo ta le hansi